1 Yohane 4:2 - Suena

² Anutura Ozana ego awa gamunowa: Zo nu “Yesu Kristo ema wero kei awenua,” awa ziro tata-tata wamunoya ami Ozana Anutura nana ena mai awa puro noya, ago gamunowa.

1 Yohane 4:2 ပူးပေါင်းရင်းမြစ်များ

Yohane 1:14

Bera ge nu ema wero kei awero nasokare nana soe noisonua awa. Ago wenu nakare simai zasimaire nuso ginakare. Nu Anutura Mai me, are simai zasimaire nuso nana gege itisonua awa. Nuai me ata dumi yagaba awa duba nusora bera munu puro osenua awa.

1 Korinti 12:3

Are amira susu zo sana niniu. Zo nu Anutura Ozana meni duba gayai amire “Yesu, ni waru inona” ago sai ine oko itia. Ota zo Ozana meni duba kaka gayamu wai amire “Yesu ni Tua” ago kereniro sai ine oko itia.

1 Timotire 3:16

Tuara ge ziro tata-tata inowenakai amira susu awa ou suru me suru ine awa. Awa zo meni begi wai ine tepo. Nu tama aiso puro kei awenu giwa. Nu ema saramai awa Ozana meni kereninua. Angelo dubu meni nu giwa. Ge nuso dubu serora nana bamunua. Zebura ema bama meni nu tuma diwa. Anutu senu witi ike niro simai zasimaire nowia.

1 Yohane 1:2

Nuai me ewananara Mama kei damu ninu ginakare awa. Nuai me ewananara Mama nu ami Mamera nana ena muro nasokare nana ena kei damu ninua. Are nuaira Mama awa nimorekare kereniro tugata inowenakare.

1 Yohane 2:23

Zo nu Mai begi wamunoya ami Mama dai begi wamunoya awa. Ata zo nu Mai tuma diamunoya ami Mamere dai nuamunoya.

1 Yohane 4:15

Are ema zo meni “Yesu nu Anutura Mai me” asero ziro tata-tata wamunoya nu ami Anuture tairo nuamunoya. Ago wai Anutu da ago ine numore tairo nuamunoya awa.

1 Yohane 4:3

Ata zo nu “Yesu ema wero kei awenua,” awa kaka ziro tata-tata wamu wamunoya ami Ozana Anutura nana ena mai awa oko puro noya, ago gamunowa. Nu ozana ewe puro nowia. Ozana ewe awa Kristora iwo bamubake amira nana ena mai. Gita ge nuso niniwa; nu zebura kei awaise sai. Are nu awa emoko zebura kei awero nowia.

1 Yohane 5:1

Ema zo meni “Yesu nu Kristo” asinoise tuma diamunoya nu ami Anutura nana ena kei awenua asamunowa awa. Zo nu Mamere dubara dumi pamunoya ami da ago awiso nusore pamunoya awa.

2 Yohane 1:7

Ge ei awa gainona, awa nera kota, etetenai ema dainiro kei awero nowera. Nukare Yesu Kristo zebura aisore dai kei awenua amira ge awa puro ninai azu towera. Ema ago ine awa etetenai ema. Nukare ami Kristo iwo inoise nowera.