1 Yohane 4:12 - Suena

¹² Zo meni Anutu giti moka nuso meni oko ginua. Ata duba meni dumi ina-pa wamunonakai, awa Anutu nasokai nana nuamunoya. Ago nuai dubara dumi nuso meni nasokai nana kei awero baitamunoya awa.

1 Yohane 4:12 ပူးပေါင်းရင်းမြစ်များ

Yohane 1:18

Anutu nu ema zo meni oko ginua. Tepo-tapo awa. Are Mai nuso daimata nuso nana zazene itima awinoya ami Mama nuso namorekai kereninua awa.

1 Korinti 13:13

Are nena etorobara itera: Awa ziro tata-tata wai, ata tuma diai, ata dubara dumi pumai. Nukare etorobara ami itewera itamunora, ata dubara dumi pumai meni awa bamu nusokare inoya.

1 Timotire 1:17

Are Ema Tua itai gege itai ata betai ine tepo, ata gai ine tepo, nu Anutu bamubake daimata, zazo nuso de ike nitinoise nu bowi inoise nuai gege nuanekai. Iyo.

1 Timotire 6:16

nu imata-kamata betai ine tepo awa; zasimaira nowia amira mokara ema zo meni toyai ine tepo; nu ema zo meni kaka gamu; noko, ema zo meni nu gai ine tepo. Bowi waire putoure nuso nana itisonua ami itai gege itamunoya awa. Iyo.

Hibru 11:27

Nu tuma diaire noisonua, are ema tua tini kapenua, ata saineba nu azu tepo Izip zebu donua awa. Agoro nu Anutu gai ine tepo awa giti moka meni gosinoise wago wero beyata tepo zewai wero noisonua awa.

1 Yohane 2:5

Zo nu Anutura ge niniro dimamunoya ami Anutu ara tapinowia. “Nakai Anutura nana deseniro nowenakai” asinowenakai ami Yesu noisonua ago ine te nuanekai. Ago wamunonakai, awa nakai Anutura nana me deseniro nowenikaita tepo ni, amira susu gamunonakai.

1 Yohane 3:24

Zo nu potai ge nuso dipinowia ami Anuture dai nuawi Anutu numore dai nowia. Anuture duba da inowenakai awa Ozana potinua ami namorekai kerenawi gosinowenakai awa.

1 Yohane 4:16

Anutura dubara dumi nasokai nana kei awenua awa ginakai me wenua. Anutu nu dubara dumi pumai amira mama, are zo nu dubara dumire nuamunoya, awa nu ami Anuture dai tairo nuamunoya. Ago wai Anutu numore dai tairo nuamunoya awa.

1 Yohane 4:20

Zo nu “Anuture dubara dumi pupinowena,” asinoise otao nuso iwo inowia ami opi sai ema wero nowia. Zo nu otao nuso giti moka meni gosinowia awa iwo wamunoya ami Anutu giti moka meni kaka gamu inowia amire dubara dumi pai ine tepo awa.

1 Yohane 4:6

Nanekai meni awa Anutura, are zo nu Anutu gosinowia ami ge nasokai ninitinowia. Ota Anutura nana ena kaka kei awamu ami ge nasokai azu towera. Nukare ago wawera ge mera Ozanare opi saira ozanare amira susu kei awawi gosinowenakai awa.