1 Yohane 4:1 - Suena

¹ Otao mamai naso, porofete opi dainiro zebura kei awero nowera, are ema dapikarago “Anutura Ozana naso nana itia,” ago towera amira ge ninawa me oko wae. Ozana nusokare Anutura nana ena maita asero nukare gaero gamu wewo.

1 Yohane 4:1 ပူးပေါင်းရင်းမြစ်များ

Oziga Ewanana Mak Meni Gaenua 13:21

Are be amire ema zo meni nimorekare ego sai oko ninawe, ‘Ewa Soyai Ema nasokai awa.’ Ota, ‘Soyai Ema nasokai owa.’ Ge ago ine sero muro baro awara oko ninawe.

Luka 12:57

Tani ewanana wawise sai awa nikare nitopekare nogoro kaka samuro gamu inowewi?

Luka 21:8

Ago sewa Yesu meni ego senua awa, “Nikare etete nameraya nikare uma wewo. Ema witai muro nikare eteteniro zazo naso toise nutopekare ‘Na ema awa’ asamunora. Noko ‘Be kei awetia’ ago samunora. Ata nikare baro nukare oko ama ganawe.

Aposolo 17:11

Nata amira Yuda ema nukare ge ninaira duba peure noisowa. Yuda ema Tesalonika nate noisowa ago ine tepo. Are Tuara ge ninamu yaba wewa. Are Pauloto Silare ge sewato ge nusoto meta opi ni, asinoise be giti amira susu tamamu sero Anutura ge gayai azipitinoisowa.

Aposolo 20:29

Na ego gosinona awa. Na nikare duana ema eni abu suna gorobare meni wago wero nisokare nana kei awero lama dubu oko awa-diamunora.

1 Korinti 12:10

Zo nu tani putoure inoise nuaise putou numore potawi puro nowia. Zo nu Anutura ge porofete meni sago wero kerenaise putou numore potawi puro nowia. Zo nu nena bi meni tapinowia ata nena Ozana meni tapinowia awa giro baitiro siana-katana waise putou numore potawi puro nowia. Zo nu ge ewe-pape Ozana meni tapinowia awa saise putou numore potawi puro nowia. Zo meni awa ge ewe-pape Ozana meni tapinowia awa sara niniro ge nusokarera kapetenaise putou numore potawi puro nowia.

1 Korinti 14:29

Ema etota etorobara meni Anutura ge porofete meni sago wero kerenara eni meni ge nusokare awa samuro garise.

1 Tesalonika 5:20

Anutura bera ge porofete meni sago wero kerenitinowera awa oko azu sero isimawe.

1 Tesalonika 5:21

Ata ge bamubamu ninitinowewa awa siana-katana wero ewanana wai giro puro noiwo.

2 Tesalonika 2:2

Ema eni nukare “Tuara be bamu kei awitaya” asinoise Ozana meni ema zore sisita, ota ema zo meni kotumai nusora sisita, ota nukare nanekare pas numorekare ago potisenikareta?, ago samunora awa. Are etetenai ge ago ine awa kei awai nikare eya oko titibi awero kotumai sisero itazaita wawe. Nikare ago wai azu tonakare.

1 Timotire 4:1

Ozana meni susu ego ine kerenitinowia awa: Noma ama ema eni meni ge me duamunora. Ge me doro bi opi saira ge niniro bi wayara ge dimamunora.

2 Timotire 3:13

Ata ema wayata etetenai ema nukare ami ema eni etete nawera ina etete nawera ago wero susauma waya wero baitamunora.

2 Petoro 2:1

Isreli emara nana porofete me daba kota, porofete opi awa dai kei awero noisowa. Da ago ine nisokare nana gipai ema opi dai kei awamunora. Nukare Tuara dubu sisaira ge opi-api awa puro muro nisokare nana saitiro kei awamunora. Ago wero Tua meni nukare zuma gaenua awa begi wamunora. Ago wara ina nusokare tutamu kei awai nukare nutopekare sisamunora.

1 Yohane 2:18

Mai awiso naso, zebura be tepo inoya. Kristora iwo mamunoya awa nikare ninisewa, ata Kristora iwo dainiro emoko kei awero nowera, are zebura be tepo inoya, awa gosinonakai.

1 Yohane 2:7

Otao mamai naso, na potai ge seka zo oko nimorekare gainona. Awa matu, Yesura ge niniwa amira ana niniro tupewewa awa. Oziga ge niniwa awa potai ge matu awa.

2 Yohane 1:7

Ge ei awa gainona, awa nera kota, etetenai ema dainiro kei awero nowera. Nukare Yesu Kristo zebura aisore dai kei awenua amira ge awa puro ninai azu towera. Ema ago ine awa etetenai ema. Nukare ami Kristo iwo inoise nowera.

3 Yohane 1:11

Otao naso, ni ema tani waya inowera awa oko ama ganase. Ema tani kokopai inowera awa ama ganeyo. Zo nu tani kokopai inoise nowia amira wai meni nu Anutura nana ena kei awenua awa kerenitinowia. Ata zo nu tani waya inoise nowia amira wai meni nu Anutu kaka gamu inowia awa kerenitinowia.

Kereninua 2:2

Na wai nisokare gosinowena. Bua bamubake inowewa ata berea tepo zewai inowewa amira susu awa gosinowena. Ninekare ema waya-kawaya awa gawewa waya inowia. Noko ema eni meni opi toise nutopekare “Nakare aposolo” asinowera, amira opi nusokare niniwa kei awenu nukare opi sai ema awa giwa.