1 Yohane 2:1 - Suena

¹ Mai mamai naso, nikare pasina wai azu, ge ei awa nimorekare gainona. Ata zo nu pasina zo wamunoya, ami ego gaiseyo: Sogawai nasokai Mamera nana benaura itise nakai soga inowia. Soga wai awa Yesu Kristo awa. Nu ema saramai.

1 Yohane 2:1 ပူးပေါင်းရင်းမြစ်များ

Luka 10:22

“Mama naso meni nena bamubamu dapikarago awa wana nasora potinua. Ema zo meni na Mamera Mai amira susu awa oko gosinowia. Mama meni imata gosinowia. Da ago ine ema zo meni Mamera susu oko gosinowia. Na Mai meni imata gosinowena. Ota na Mai meni Mamera susu ema enire gipinowena nukare ami Mamera susu gosinowera.”

Yohane 13:33

O mai awiso naso, na be apunu-kaka nimorekare dai nuamunona. Ama nikare na kau wamunowa. Are na Yuda ema enire sisena da ago ine nimorekare sane. Na bayamunona amira nikare bayai ine oko itia.

Yohane 14:16

Nane Mama begomo sana nu Soremai nisokare zo potai osero nimorekare dai nuai gege nuamunoya.

Yohane 14:6

Ago senu Yesu meni ina ego senua awa, “Ebata Mamera nana bayai awa na ewa. Ge me kerenai awa na ewa. Nuai seka potai awa na ewa. Na dainiro Mamera nana kei awai ine oko itia.

Yohane 21:5

Ago wewa Yesu meni nukare atata wero ego senua awa, “Mai awiso, wo nisokare zo itita?” Ago atata wenu nukare ego sewa awa, “Tepo.”

Yohane 5:14

Ama Yesu meni ema awa Anutura ibu bamura ena tamuro ego senua awa, “Ni tama niso ewanana watasa, ata mou-mau zo niso nana kei awai azu, pasina doro noiyo.”

Yohane 5:36

Ata susu naso kerenitinowia ami nu Yohane ine oko aewa. Nu witai. Na bua Mama meni wanise senua awa inowena. Bua ami susu naso ego ine kerenitinowia: Mama meni senu osena awa.

Yohane 6:27

Nikare ma sisai amira kota, nuai me ewananara ma amira bua wewo. Na Emara Mai awa Anutu Mama meni putou namore potinu pumuna. Are nuai me ewananara ma awa nane nimorekare potamunona.”

Yohane 8:11

Ago senu bama meni ina ego senua awa, “O Tua, tepo awa.” Ago senu Yesu meni ego senua awa, “Na da ago ni gera oko potamunona. Ni baro noise pasina noko oko wase.” Ago senua awa.]

Aposolo 7:52

Ewowo-kawowo nisokare meni porofete dapikarago kaka awa-diamu yaya potiwa awa. Ema Saramaira Mama kei awaise ge gita sewa ema dubu awa dai dewa betewa. Ota nikare nu awa betaise sero kereniro doisewa awa.

Roma 5:10

Nakai Anuture iwo inoise noisonakai be amire Mai nuso meni nakai emo betinoise Anutu ata nakai poti dara ninu otao wenakai. Awa daba kota, nakai Anuture otao wero nonakai giro Mai nuso meni seka noise nakai Anutura tini kapaira ena soero baitamunoya, awa gawenakai me inowia.

Roma 6:15

Agoro nakai nogo wamunonikai? Nakai lo gera kota, Anutura awa-diaira nowenakai, are pasina wamunonikaita? Ago tepo awa.

Roma 8:34

Ai meni nakai degara musunaira ge samunoi? Kristo Yesu meni wamunoita? Tepo awa. Nu nutope betenua. Betenua a gege kota, nu betaira ena eriro Anutura wana mera itise begomo meni nakai soga inoise nowia awa.

1 Korinti 15:34

Are duba nisokare awa-uzeu seka wai noise pasina duawe. Nisokare nana eni meni Anutu kau inowera amira menawise nikare seninona.

2 Korinti 5:21

Kristo nu pasina tepo. Ata Anutu meni nakai emo pasina nasokaira ina mou-mau awa Kristora nana potinu dimunua awa. Awa nakai Kristora nana susumuro Anutura saramai dubu wanisekai ago ine wenua awa.

Galata 4:19

Mai awiso naso, na nikare emo bama meni mai pumamu inoise yaya tapinowera ago ine tamuna, noko da awa tapinona. Agoro Kristo meni duba nisokarera kei awero baitaise yaya tapinoise nuamunona.

Efeso 2:18

Kristo meni Mamera so be awa pienua, are nakai Yuda ema ge ninaire ema Yudako ge ninaire dubu eto ami Ozana daimata awa pumurokai Mamera nana kei awinowenakai.

Efeso 4:26

Tini kapai pupinoise pasina oko wawe. Dumu inoise nuawa waiko oko sokumaise.

1 Timotire 2:5

Anutu nasokai daimata ami noya awa. Agoro Anutu ata erama nasokai nana soe ena ema daimata Yesu Kristo meni dopero Anuture eramare poti dara nitinowia.

1 Timotire 3:14

Na eya niso nana mamu kotupitinona, ata nena zo meni na gazai nuana be iboi wai, ni Anutura mai awiso amira nana soe nuamu inoise susu kau wai azu, na pas ei awa gaero kotumai eni nimore potitinona. Anutu putoure amira dubu nakai awa ibu nuso awa. Dubu nuso meni zasiwi ine wero ge me susure nuso awa dipinoise dia inowenakai.

Hibru 9:24

Nera kota, Kristo nu ibu saramai ema meni wai amira oko toinua. Ibu ema meni wai awa ibu me amira etete wai gege awa. Nu utu mokara toinua. Toiro amira ana Anutura giti mokara nakai emo itewia.

Yakobo 1:27

Utura gera nuai me awa ego ine itia awa. Popoiwore bama kumare ami bogamasa wero nuara giro kora-makora wanekai. Ago inoise pasinara inagayai nasokai nana itai azu wero giro etutiro nuanekai. Tani ami Anutu Mama benau nusora ena gera nuai me, o gera nuai saramai inoya awa.

Yakobo 3:9

Iwawa nasokai meni Tua Mama bowi inowenakai, ata nakai iwawa da ami ema Anutura benau ine wai awa waru inowenakai.

1 Petoro 2:22

Nu pasina oko tamunua, ota opi ge zo nuso nana bera ena oko kei awenua.

1 Petoro 3:18

Kristo nu saramai ami nu nutope pasina nasokai emo wero be daimata betenu tepo wenua awa. Nu saramai ami ema waya-kawaya nakai emo wero ago wenua awa. Nu nakai Anutura nana susumamu ago wenua awa. Nu tama aisore noisonua are dewa betenua. Ata ititi nuso meni awa seka dago itinua. Are nu utura tama aiso puro seka wero erinua.

1 Yohane 3:18

Mai awiso naso, nakai dumi pai awa be meni daba kota, wana meni o duba meni dumi me panekai.

1 Yohane 3:5

Are Yesure ego ninitinowewa awa: Nu pasina disamu sero kei awenua, noko nu pasina tepo noisonua awa.

1 Yohane 3:7

Mai awiso naso, zo meni duba nisokare sisamu sai oko ninawe. Yesu nu saramai gege. Da ago ine zo nu etutiro nowia ami ema saramai wero nowia.

1 Yohane 4:4

Mai awiso naso, nikare Anutura mai awiso, are porofete opi awa puro osewa. Ago wewa, nera kota, Anutura Ozana amira putou awa ewe, o ema Yesu tuma kaka diamu nowera amira ozanara putou awa ewe. Are Anutura Ozana amira putou meni ozana nusokarera putou dainitinowia.

1 Yohane 5:17

Nuai waya dapikarago awa pasina gege. Ota pasina eni awa so wayara gegenai oko inoya.

1 Yohane 5:21

Mai awiso naso, tua opi sai ami emo uma wewo.

3 Yohane 1:4

Mai awiso naso meni ge me susure amira ebata patitinowera amira ge awa niniro duba naso meni yawa sara bamubake inoya awa.