1 Tesalonika 3:3 - Suena

³ Nikare dirina tame noise beyata wai azu, ago wisena. Nikare ninitinowa. Nakai awa dirina tame nuanisekai sai.

1 Tesalonika 3:3 ပူးပေါင်းရင်းမြစ်များ

Luka 21:12

Ota nena awa dapikarago kaka kei awamure nukare nikare saniro yaya bua nimorekare potara tamamunowa. Ago wawa nikare puro poti yere ibura niro ana nikare gera potiro amire benai sora potamunora. Nikare zazo naso puro nowewa, ami emo nukare nikare puro ema tua nana benaurata noko ema tua osesenai enira nana potara ge bua wamunowa.

Yohane 16:2

Nukare yere ibu soyamunora. Awa daba kota, be zo mamunoya be amire nukare ‘Anutura bua inowenakare’ asinoise nikare dara bebetenamunowa.

Yohane 16:33

Nikare azu doro oreniro nuawise sero ge ei awa nimorekare sesena. Nikare zebura yayare duba naire nuamunowa. Ata nane zebura nena dire-bere awa puro osero patitinona, are nikare putoure noiwo.” Ago senua awa.

Aposolo 14:22

Nate kei awero Yesura dubu zewai warise o tuma diai nusokare nana zewai wero itaise sero wini ge eni sewato awa. Wini ge toise ego sewato awa, “Nakai yayara tame noma Anutu imata Tua wero nowia amira nate bayanisekai sai awa.”

Aposolo 2:25

Dawidi meni Soyai Ema nasokai eramunoya amira ego senua awa, Tua nu benau nasora itawi gosinowena. Na azu wai azu, nu wana me nasora dopero itewia.

Aposolo 21:11

Kei awero Paulora ipu gei puro ami te-wana nuso beniro ego senua awa, “Ozana meni ge ego toya, ‘Ipu gei emira mama nu Yerusalem nate baro kei awai Yuda ema meni nu ego ine beniro ema dubu zora wanera potamunora awa.’”

Aposolo 21:13

Ge beina wenakare ego senua awa, “Nikare nogoro di toise duba nai namore potitinowi? Na Yerusalem nate ena Tua Yesu emo inoise benaira daba kota, nu emo inoise betamu sia wero nowena awa.”

Aposolo 9:16

Ago senu Anania meni baro so senua amira witiro wana nuso Saulora gitine potiro ego senua awa, “Saulo, otao naso, Tua ebete ena niso nana kei awisia, nu awa Yesu awa. Nu ami na iyeti niso nana tupena ewa. Ni giti panasa Ozana meni niso nana be mai nuase.”

Roma 5:3

Agoro awa gege kota, yaya-buyaya tapinoise yawa sara inowenakai. Nera kota, nakai ego gosinowenakai awa: Nakai yaya-buyayare noise zewai waira putou tapinowenakai.

1 Korinti 15:58

Are otao mamai naso, nikare zewai wero Tuara ebata patitinoise kaka denemamu dopewo. Ago inoise Tuara bua be giti putoure wewo. Tua emo inoise bua wawa me tepo oko wamunoya, ago ine gosinoise wewo.

1 Korinti 4:9

Na gena ego ine inoya awa: Anutu meni nakare aposolo awa ema bama dapikarago amira osai potinu nowenakare. Are angelota ema bamubamu dapikarago nakare osai awa gosinowera. Awa ema tua zo meni benai ema eni puro ema betaira gegenai amira nana susupitinoya ago ine inoya.

Efeso 3:13

Are ego sana niniu. Na nikare emo wero yaya-buyaya tapinowena amira duba nisokare meni oko osaise. Tepo awa. Yaya naso meni zazo nisokare de ike nitinoya.

Filipai 1:28

Ago inuawa iwo dubu nisokare meni putou nisokare oko puro osamunora. Ago wawa Anutu meni nukare dotinoise nikare soyamunoya amira susu kei damu nai gamunora.

Kolosai 1:23

Are nikare Oziga Ewanana niniro tuma diwa, tuma diai awa besai azu, ziro tata-tata inoise zewai wero dopinoise beyata oko wawe. Oziga Ewanana awa ema sero ata zebu sero bamisia awa. Na Paulo, na amira bua mai nowena awa.

1 Tesalonika 5:9

Anutu nu be dumu nusora me pumanisekai kota, Tua nasokai Yesu Kristo meni nakai soyaise towia awa.

2 Tesalonika 1:4

Ami emo nakare natopekare Anutura dubu sero amira nana noise zazo nisokare de ike nitinowenakare. Erama nimorekare iwo wawera yaya tamaire duba naire noise saineba asero zewai wero noise tuma diai nisokare oko besinowewa, amira ge uge nata sero Anutura dubura nana inowenakare.

2 Timotire 1:8

Are ni Tua nasokaira oziga sero kerenamu wero me naire oko wase. Noko na nu emo benai ema nona, amira me naire oko nuase. Ni Anutu meni putou potai amira te namore dai Oziga Ewanana emo inoise yayara tame noiyo.

1 Petoro 2:21

Nikare ago wawise Anutu meni nikare zawa senua awa. Kristo nu da ago ine pasina tepo noise nikare emo wero yaya tapinoise gita wenua. Are nikare da ago ine te esa nuso gosinoise patiro noiwo.

Kereninua 2:10

Be apunu-kakana yaya-buyaya nisokare nana kei awamunoya, amira azu oko wawe. Satan meni nikare gaero gamu sero nisokare nana eni benai sora potamunoya awa. Ago wai nisokare nana waiko be 10 amira mokara ena iwo kei awamunoya awa. Are nikare zewai wero ge naso puro noma betawa na nuai me nimorekare potamunona.

Kereninua 2:13

Nata nikare nowewa amira susu gosinona. Nata amira Satan meni ema tua wero itia. Ata nikare zazo bowire naso ziro puro nowewa. Sai dimai naso ewanana Antipa nu nata nisokare Satan meni itai-matai inowia amira ana iwo meni dewa ata saineba nikare be amira ana na ziro tata-tata wero oko beyata wewa.