1 Tesalonika 2:3 - Suena

³ Uzumaira ge senakare amira susu awa opi saira ena oko itia. Nikare pasina wawise oko senakare. Nikare etete namu oko wenakare.

1 Tesalonika 2:3 ပူးပေါင်းရင်းမြစ်များ

Aposolo 13:15

Ago itiwato yere ibura simai meni lo gere porofetera ge gayai eni awa azimuro tepo wero mai zo sewa baro numoreto ego senua awa, “Otao, Tuara ge susu eni kotupitinowitota, awa seuto ninanekare.”

Aposolo 4:36

Are ema zo noisonua zazo nuso Yosefe. Aposolo nukare zazo nuso zo Banaba asewa. Ge nasokaira Uzutai Ema. Nu Lewira saisibuna amira zo. Nu Saipras gutura ena kei awenua awa.

2 Korinti 11:13

Ema ago ine meni aposolo opi awa. Nukare ge ema opi saire noise Kristora aposolo dubu ine wero nowera awa.

2 Korinti 2:17

Nakare be doena wai tepo, duba daimatare noise Anutura berata Anutura giti mokara Kristora nana desenitinoise ge tugata inowenakare, nakare ago ine ami gege bua awa wai te inoya. Nakare ema eni dainiro meni inowera ago ine oko inowenakare. Nukare Anutura ge tugata waira bua awa gawera moni tamaira bua nusokare inowia.

2 Korinti 4:2

Ago inoise nena waya menaire bezero wai awa poti gutipe niro nowena awa. Agoro na erama oko etetenitinowena. Na Anutura ge oko amo-sisimo inowena. Tepo awa. Na Anutura giti mokara ge nuso kerenitinoise ema dapikaragora duba uzutawena susu naso gosinowera awa.

2 Korinti 4:5

Na ge towena awa ge naso awa oko nikare tugata inowena. Yesu Kristo nune Tua nasokai, ata nama awa Yesu emo soumai nisokare gege nowena, ago ine nikare tugata inowena awa.

2 Korinti 6:8

Eni meni zazo naso de ike nitinowera, ata eni meni zazo naso dena-betena inowera. Eni meni na zuzu towera, ata eni meni na bowi inowera. Eni meni na opi sai ema asinowera, ata na ge me gege towena.

2 Korinti 7:2

Nikare duba nisokare naso nana potiwo itae. Na nisokare nana zore nena waya zo oko wena. Na nisokare nana zora nena gera-gaira oko wena. Na nisokare nana zora nena zuma tepo oko pumuna.

1 Tesalonika 2:11

Ago wero ego ine gosinowewa awa. Mama zo meni mai awiso nusore inowia ago ine nanekare nikare emo da ago wenakare awa. Nakare nikare da da amire potai gere awita sai gere awa toisonakare. Ota ego toise nimorekare senakare awa:

1 Tesalonika 4:7

Nakai duba inagayaire nuanisekai kota, duba saramaire nuanisekai Anutu meni zawa senua.

2 Tesalonika 2:11

Ago inowera, are nukare ge opi awa ninara me waise sero Anutu meni etetenaira putou potai kei awai ge opi awa ninamunora.

2 Petoro 1:16

Nakare gita Tua nasokai Yesu Kristo amira putou nusore ata kei awai nusore amira ge nimorekare tugata wenakare, awa opipi emara kotumaira ena kei awai awa oko tugata wenakare. Nakare zora damu dopinoise Tua simai zasimaire nuso amire kei awenu damu-damuke ginakare.