Roma 9:8 - Kitab Bogu Pasad taluʼ nog Mikpongon

⁸ Dadi, og maꞌana nog pigolong non kituꞌ, og gombataꞌanan ni Apuꞌ Abraham koyon, konaꞌ poꞌ miktidu ilan dia sog glawas non. Sugaꞌid non, ain tinumud bu mingandol sog Mikpongon mamaꞌ ni Apuꞌ Abraham dangan midongog non og pasad kituꞌ nog Mikpongon dianon, mimung ilan nog gombataꞌanan ni Apuꞌ Abraham bu og gombataꞌanan dosop nog Mikpongon.

Roma 9:8 ပူးပေါင်းရင်းမြစ်များ

Matiu 3:9

Bu naꞌ amu sumalig nog dangan pa og pangkat amu ni Abraham nog motabang amu na. Poꞌ toluꞌon ku dianiu, bila tibobaꞌon nog Mikpongon, minsan og batuanan koni moktimaluy nog pangkat ni Abraham.

Og Gombaꞌis nog Guksugan paꞌali dia ni Isukristu nog sinulat ni Jan 1:13

Og kopogbataꞌ dianilan ondiꞌ mamaꞌ nog kopogbataꞌ nog pogduoy, otawaka sagya glegan nog gotow, sugaꞌid non, bianan sog bayaꞌ nog Mikpongon.

Roma 8:14

Poꞌ simasima og gotow nog pinuluꞌan na nog Bolakat nog Mikpongon, miimung na ion nog bataꞌ nog Mikpongon.

Roma 8:16

Poꞌ og Bolakat non dumuma dia sog dialom pikilan ta moktaluꞌ nog ita dodaꞌ og tantu na nog gombataꞌanan nog Mikpongon.

Roma 8:19

Poꞌ glam nog piongon nog Mikpongon, landuꞌ pogdodama nilan nog ompotongow na og gombataꞌanan nog Mikpongon.

Hibruanan 11:11

Bu bianan sog kopongandol non, si Abraham, minsan siꞌoy ion mogulang na tokodoy bu si Sara diꞌ mogbataꞌ, migbataꞌ ilan da. Poꞌ sinumalig si Abraham dia sog Mikpongon nog tumanon non nododaꞌ og pinasad kituꞌ dianon.