Roma 7:10 - Kitab Bogu Pasad taluʼ nog Mikpongon

¹⁰ Og bonduan kituꞌ bosia, og bianan ta motubuꞌ nog asta sog daꞌ kopus non. Saka, miimung motanan nog bianan ta sog patoy nog asta sog daꞌ kopus non.

Roma 7:10 ပူးပေါင်းရင်းမြစ်များ

Roma 10:5

Poꞌ maꞌ nini og taluꞌ ni Muses nog sinulat sog Kitab paꞌali sog kodulusan tidu sog kopokokunut non nog Botad kituꞌ, “Ain mokokunut dun mimung motubuꞌ dion.”

Roma 4:15

Poꞌ saꞌan maꞌ nituꞌ, og doksuꞌan nog Botad kituꞌ, og polihalaꞌ nog Mikpongon. Tibua, somoꞌ daꞌidun og botad, daꞌidun dosop og mokosalaꞌ.

Roma 7:9

Poꞌ sopolati akon, mitubuꞌ u na nog masa pa nog daꞌ u kosabut og bonduan kituꞌ. Tibua, dangan minatong og bonduan kituꞌ, og dusa mamaꞌ nog mitubuꞌ mokpuliꞌ boyaꞌan misabut u nog totubuꞌ u siꞌoy, minatoy u da sabap sog dusa.

2 Korintu 3:7

Og dan Botad kituꞌ nog sinulat sog papan nog batu, sog kobogoy non dun, sinumilow og glamag nog Mikpongon. Bu sabap dituꞌ, miglamag dosop og bayuꞌ ni Muses dun. Bu dangan miobonobon og glamag kituꞌ dia sog bayuꞌ non, minsan siꞌoy molumakmok na, diꞌ motogaꞌtogaꞌ tontongoy nog Hudyuanan. Dadi, dangan binogoy og botad kituꞌ nog doksuꞌan non patoy, sinumilow og glamag nog Mikpongon. Og maꞌana non mosolag tugyu non. Tibua, mosolag siꞌoy tugyu non, labi pa dituꞌ kosolag og tugyu nog Bogu Pasad non kituꞌ nog pibian sog Bolakat non.

Galatia 3:12

Bila sungkoliꞌon ta, og Botad kituꞌ, daꞌidun dukakit non dia sog kopongandol poꞌ maꞌ nini nosop og sinulat sog Kitab, “Ain mikokunut sog glam nog glegan nog Botad kituꞌ, motubuꞌ dosop bianan sog kopokokunut non dun.”