Roma 4:3 - Kitab Bogu Pasad taluʼ nog Mikpongon

^3-4 Poꞌ saꞌan maꞌ nituꞌ, ibalat da sog mogusaha, bila og gotow moginang, tumbas dun dianon ain da og dakol nog miinang non. Og maꞌana non, og tumbas koyon dianon konaꞌ sagya og bogoy, sugaꞌid non, og bunga nog pigliksaꞌan non. Dadi si Abraham, olo buan sinulat sog Kitab paꞌali dianon? Maꞌ nini, “Si Abraham tinumud dia sog Mikpongon bu bianan sog kopongandol non, tinolimaꞌ na ion nog Mikpongon nog ion midulus.”

Roma 4:3 ပူးပေါင်းရင်းမြစ်များ

Matiu 20:9

Dadi, sinabi non og gotowanan kituꞌ nog miktolipun ilan moginang nog poksindop na og gondow bu binoyadan non ilan nog golagaꞌ nog sondow.

Mark 12:10

Daꞌ niu taꞌ buan kobasta og sinulat dia sog Kitab nog, ‘Og batu kituꞌ nog mosolag, nog pigbongkis nog polongimung nog baloy, miimung tanan nog bololagaꞌ nog polongkapan sog glam non.

Roma 10:11

Poꞌ maꞌ nini og sinulat sog Kitab, “Simasima og gotow nog tumud dianon, ondiꞌ kosipogan.”

Roma 11:2

Og Mikpongon, ondaꞌ non tolikudoy og pigotowan non nog piniliꞌ non tidu sog donsamaꞌ. Poꞌ kosunan niu da og taluꞌ nog polomolatas kituꞌ nog taluꞌ nog Mikpongon nog si Iladya nog sinulat dia sog Kitab. Sinumbung non og salu bansa non nog Israel dia sog Mikpongon. Maꞌ long non dun,

Roma 4:11

Poꞌ kobon pa nog daꞌ pa ion poktuk dun, tinumud na bu mingandol na ion dia sog Mikpongon boyaꞌan nog iningolanan ion nog midulus. Bu saꞌan tinuk ion poꞌ og tandaꞌ nog tinolimaꞌ na ion nog Mikpongon nog ion dodaꞌ midulus. Dadi sabap dituꞌ, ion og mogulang nog glam nog tinumud dia sog Mikpongon nog daꞌ pa poktuk poꞌ ilan siꞌoy miimung modulus bianan sog kopongandol nilan.

Roma 4:5

Dadi, saꞌan og gotow bila iningolanan na nog Mikpongon nog ion midulus, konaꞌ poꞌ og gotow koyon sinumalig dia sog dili ginang non, sugaꞌid non, sabap sog kopongandol non dia sog Mikpongon. Poꞌ og Mikpongon da og mokopoktaluꞌ sog bolodusaon nog daꞌ dusa nilan dianon.

Roma 4:9

Dadi, og pigolong koyon nog mikpogdaꞌdaꞌ, kituꞌ taꞌ da tibua ain miktuk kituꞌ? Konaꞌ le. Poꞌ ain kituꞌ nog daꞌ poktuk misunuꞌ dosop da. Poꞌ komun, mitaluꞌ ta na nog sabap da sog sagya kopongandol ni Abraham dia sog Mikpongon, midulus ion dun.

Roma 9:17

Poꞌ sinulat nosop maꞌ nini og taluꞌ nog Mikpongon dia sog datuꞌ nog gotow Ehiptuanan kobon nituꞌ, “Saꞌan ini piindog u ika mogdatuꞌ poꞌ bagun motongow og dasig nog bayaꞌ u bianan dianika, bu bagun dosop diadia u kobantug sog tibuk nog dunya.”

Jems 2:23

bu mituman og taluꞌ dia sog Kitab nog, “Tinumud si Abraham bu bianan sog kopongandol non kituꞌ, iningolanan ion nog midulus.” Bu iningolanan dosop ion nog sopali nog Mikpongon.

Jems 4:5

Baluꞌ niu dun, daꞌidun taꞌ og taluꞌ nog Kitab paꞌali sog ginawa ta koni nog binogoy nog Mikpongon dianita nog mosompun ita koit nog glegan sog kinilawan.