Pilipus 4:20 - Kitab Bogu Pasad taluʼ nog Mikpongon

²⁰ Dadi, og Mikpongon nog ion og Gamaꞌ ta, poksonglitan ion asta sog daꞌ kopus non. Amen.

Pilipus 4:20 ပူးပေါင်းရင်းမြစ်များ

Matiu 28:20

Bu ponadoy niu ilan mokokunut sog glam nog dinondag u dianiu. Bu poktitukoy niu nog kobon non dia u niu asta sog doksuꞌan nog dunya.”

Matiu 6:9

Bu bila mogyakin amu, maꞌ nini og toluꞌon niu, ‘Amaꞌ nami sog glangit, pogodaban og ngalan mu poꞌ mosigda a.

Roma 11:36

Poꞌ ion og Mikpongon nog glam non. Dadi, glam nog piongon, miongon bianan dianon, bu glam non ion da dun. Dadi, dia non og sanglit, bu gadab, bu kotas asta sog daꞌ kopus non. Amen.

Roma 16:27

Dadi, og Mikpongon solabuk da bu og kotoan non ondiꞌ kolobian. Songlitan ion bianan dia ni Isukristu asta sog daꞌ kopus non. Amen.

Episus 3:21

Og glam nog pigotowan non, songlitan ta og Mikpongon bu si Kristu Isus tidu sog tolipunan asta sog daꞌ kopus non. Amen.

Pilipus 1:11

Bu mimung dosop nog modulus og polomotadon niu nog miktidu dia ni Isukristu bagun kosonglitan og Mikpongon dun dunut ombantug og kobaꞌis non.

Pilipus 4:23

Dadi pigilugan, og tulung nog Kounutan ta nog si Isukristu mongon dia sog glam niu.

1 Timuti 1:17

Dadi, og gadab bu og kotas dia sog Datuꞌ nog daꞌ kopus non, nog ion ondiꞌ matoy, ion ondiꞌ motongow, bu daꞌidun lual Diwata lual da ion asta sog daꞌ kopus non. Amen.

Og Sulat ni Jud 1:25

Bu bianan dia sog Kounutan ta nog si Isukristu, songlitan ta og Mikpongon poꞌ ion da og Diwata bu ion og Polonabang ta. Tidu pa sog tolipunan, asta sog daꞌ kopus non, og glam nog kotas, bu og dasig, bu og bayaꞌ, bu og silow miongon na dianon. Amen.

Pilantaˈ 1:6

Bu inimung non ita nog pigdotuꞌan non bagun ita mokopolani dianon moginang nog ain glegan nog Diwata non bu Gamaꞌ non. Mongon dia ni Isukristu og sanglit bu bayaꞌ asta sog daꞌ kopus non. Amen.

Pilantaˈ 11:13

Bu sog tang koyon, miglinug nog mosikad tokodoy. Bu og kosopuluꞌ bahagiꞌ nog koliwagan bonua koyon mitugban. Bu pitu ngibu kotow mikpomatoy dun. Bu ain misamaꞌ kituꞌ, inubas ilan nog gondok nilan bu mikpoksanglit ilan dia sog Diwata nog sog glangit.

Pilantaˈ 14:7

Miktaluꞌ ion nog mosikad, “Kondok amu sog Mikpongon bu potas niu ion poꞌ minatong na og gondow kituꞌ nog mongukum ion. Dadi, tamuy niu ion poꞌ ion og mikpongon nog glangit bu glupaꞌan, dagat bu og tobudanan.”

Pilantaˈ 5:12

Bu og bobat nilan koyon landuꞌ kosikad. Og ponombit nilan dun maꞌ nini, “Og Nati nog Bilibili kituꞌ nog bakas binunuꞌ, og patut ion bogayan nog bolakat, bu og daya, bu ompantas sabut non, bu modasig, bu pogodaban, bu pokpotason, bu poksonglitan!”

Pilantaˈ 7:12

mangka ilan poglongag moktaluꞌ nog, “Amen! Og sanglit, bu og kopokpotas, bu og kotoan, bu og kopokposolamat, bu og kopogadab, bu kotas nog bolakat, bu og kodasig, og glam nini og Mikpongon dun asta sog daꞌ kopus non. Amen!”