Piginang 15:24 - Kitab Bogu Pasad taluʼ nog Mikpongon

²⁴ Midongog nami nog ngon dow og gotowanan dion nog dumaanan nami nog minangoy ilan mokpanad dianiu nog boyaꞌan misasow og pikilan niu dun. Og pianad nilan koyon konaꞌ ion gonat dianami.

Piginang 15:24 ပူးပေါင်းရင်းမြစ်များ

Piginang 15:1

Sintak non ion, ngon gotowanan nog miktidu sog bonua nog Judia minatong dion sog Antiok. Bu mikpanad ilan dia sog pigilugan sog tanud nog long nilan dun, “Taman da diꞌ niu unuton og botad kituꞌ nog pilatas ni Muses nog og gotow sumboy moktuk, diꞌ amu nododaꞌ motabang sog dusa niu.”

Galatia 1:7

Gombaꞌis kituꞌ nog Guksugan nog motud paꞌali dia ni Kristu. Poꞌ saꞌan toluꞌon ku nog maꞌ nini, poꞌ ngon og gotowanan dion niu nog momali ilan nog diꞌ motud boyaꞌan ombabong pomikilan niu dun. Saꞌan maꞌ nituꞌ og ginangon nilan poꞌ moleg ilan sumop nog Gombaꞌis nog Guksugan paꞌali dia ni Kristu.

Galatia 5:10

Tibua, bianan sog kopoksolabuk ta dia sog Kounutan ta, saꞌan kosunan ku nog migbatuk ita nog pikilan paꞌali sog pogolongon ku koni. Bu og sinumasow koyon dianiu, minsan sima ion otowoy, posokitan da ion nog Mikpongon.

Galatia 5:12

Dadi, og miksasow koyon dianiu, kolegan ku bosia dun, konaꞌ tibua sagya tukon, sugaꞌid non, doyunon na mutuk.

Galatia 5:4

Poꞌ amu koyon nog mogapas modulus bianan sog Botad kituꞌ, mimung nog lumayuꞌ amu tanan dia ni Kristu dun, bu mokawaꞌ amu sog tulung nog Mikpongon.

2 Timuti 2:14

Dadi, maꞌ nituꞌ og popikil mu dia sog gotowanan koyon. Bu sog sunguꞌan nog Mikpongon, podonsamaꞌ mu dianilan nog ondiꞌ ilan moksusi paꞌali sog sagya da og taluꞌ nog daꞌ sagnat non. Bu doma, ombagla tibua og kopongandol nog ain mokodongog dun.

1 Jan 2:19

Og gotowanan koyon, konaꞌ ta nododaꞌ ilan og sakup. Saꞌan minawaꞌ ilan dianita. Poꞌ somoꞌ sakup ta da ilan, ondaꞌ ilan bosia pokulog dianita. Tibua, saꞌan ion minawaꞌ ilan poꞌ maꞌana non, konaꞌ ta ilan sakup.