Piginang 10:47 - Kitab Bogu Pasad taluʼ nog Mikpongon

⁴⁷ “Og gotowanan koni, tinosopan ilan dosop nog Bolakat nog Mikpongon maꞌ nita. Dadi, ngon taꞌ gidoy og mokobolabag dianilan sog kopogbunyag nilan nog bianan sog tubig?”

Piginang 10:47 ပူးပေါင်းရင်းမြစ်များ

Piginang 10:44

Sog solian pa ni Piter koyon mogustal, tinosopan ilan na nog Bolakat nog Mikpongon, og glam nog mikinongog kituꞌ dianon.

Piginang 2:4

Bu glam nilan koyon dion, tinosopan ilan nog Bolakat nog Mikpongon. Bu glam nilan koyon, mikpoktaluꞌ ilan nog miglologinis nog ponoluꞌon nog daꞌ nilan sibon konadoy. Bu og ponoluꞌon nilan koyon, og Bolakat nog Mikpongon og mikpotaluꞌ dun dianilan.

Piginang 8:12

Tibua, dangan midongog nilan og gustalan ni Pilip nog Gombaꞌis nog Guksugan paꞌali sog pigdotuꞌan nog Mikpongon bu paꞌali dosop dia ni Isukristu, tinumabuk ilan dun bu mangka ilan pokpobunyag, og glibun laki dianilan.

Piginang 8:36

Sonuk nilan koyon ompanow, mikobian ilan sog tubig. Og gotow koyon miktaluꞌ dia ni Pilip, “Koni og tubig. Mogusoy taꞌ nog bunyagan mu na akon numun kituꞌ?” Dadi, tinabal ion ni Pilip, “Mogusoy da bila tobukon mu si Isukristu nog daꞌidun og duaꞌduaꞌ nog dialom pikilan mu.” Tinumabal ion, “Tumud u dia ni Isukristu nog ion og Bataꞌ nog Mikpongon.”

Roma 10:12

Saꞌan tinaluꞌ nog simasima nog gotow, poꞌ og Pogbayaꞌ, ondaꞌidun binigyaꞌ non minsan olo bonsaoy dun, Hudyu otawaka konaꞌ Hudyu. Poꞌ ion og Pogbayaꞌ sog glam nog gotow, bu mosolag og popia non dia sog ain mokitabang dianon.

Roma 4:11

Poꞌ kobon pa nog daꞌ pa ion poktuk dun, tinumud na bu mingandol na ion dia sog Mikpongon boyaꞌan nog iningolanan ion nog midulus. Bu saꞌan tinuk ion poꞌ og tandaꞌ nog tinolimaꞌ na ion nog Mikpongon nog ion dodaꞌ midulus. Dadi sabap dituꞌ, ion og mogulang nog glam nog tinumud dia sog Mikpongon nog daꞌ pa poktuk poꞌ ilan siꞌoy miimung modulus bianan sog kopongandol nilan.