Matiu 26:74 - Kitab Bogu Pasad taluʼ nog Mikpongon

⁷⁴ Tubus nituꞌ, miksumpasumpa tanan si Piter dun nog, “Bila diꞌ motud og piktaluꞌ u koni, ngon matong dun sog kotubuꞌ u. Ondiꞌ u kilolaan og gotow koyon!” Puꞌun miluksad og taluꞌ non koyon, miktukalaꞌ og manuk.

Matiu 26:74 ပူးပေါင်းရင်းမြစ်များ

Matiu 10:28

Naꞌ amu mondok nog gotowanan koyon nog glawas niu da ombunuꞌ nilan nog ondiꞌ nilan ombunuꞌ og glimukud niu. Sugaꞌid non, kondok amu dia sog mokopongulaꞌat kituꞌ nog glawas bu asta glimukud niu dituꞌ sog danow nog gapuy.

Matiu 26:34

Tinabal ion ni Isus nog, “Toluꞌon ku dianika, bombus, mangka siꞌoy poktukalaꞌ og manuk, tolu kali mu na akon sonsingoy sog gotowanan nog diꞌ mu akon kilolaan.”

Matiu 26:73

Daꞌ kobon golot non, og gotowanan koyon nog mipogindog dion, mikpolani dia ni Piter mangka poktaluꞌ nog, “Daꞌidun duaꞌduaꞌ non, ika siꞌoy og duma a dosop nog gotowanan koyon poꞌ kilolaan nami ika bianan sog kopoktaluꞌtaluꞌ mu.”

Matiu 26:75

Kilobotan non og tinaluꞌ kituꞌ ni Isus dianon nog, “Mangka siꞌoy poktukalaꞌ og manuk, tolu kali mu na akon sonsingoy nog diꞌ mu akon kilolaan.” Tubus nituꞌ, linumiu si Piter mangka ion poglulad.

Matiu 27:25

Tinumabal og glam nog gotowanan koyon nog, “Oꞌo, ami na bu asta og gombataꞌanan nami og kosakan dun.”

Mark 14:30

Tinabal ni Isus si Piter nog, “Toluꞌon ku dianika, bombus mangka siꞌoy poktukalaꞌ manuk sog koduaꞌ kali non, tolu kali mu na akon sonsingoy dia sog gotowanan nog diꞌ mu akon kilolaan.”

Mark 14:68

Tibua, minonsing si Piter nog, “Diꞌ u sunan bog olo poktoluꞌon mu koyon otawaka bog sima pogolongon mu koyon!” Bu minangoy si Piter sog bongawan nog glomalomaan kituꞌ [mangka poktukalaꞌ manuk].

Og Gombaꞌis nog Guksugan paꞌali dia ni Isukristu nog sinulat ni Luk 22:60

Tibua, tinumabal nosop si Piter nog, “Toluꞌon ku dianika, daꞌidun tokodoy og sinisabut u nog poktoluꞌon mu koyon!” Sintak non, sonuk pa ni Piter moktaluꞌ, gomonsunoy miktukalaꞌ og manuk.

Og Gombaꞌis nog Guksugan paꞌali dia ni Isukristu nog sinulat ni Jan 18:27

Tibua, minonsing nosop si Piter. Sododuꞌun midongog non miktukalaꞌ og manuk.

1 Korintu 16:22

Simasima ondiꞌ molalam dia sog Pogbayaꞌ, og sumpa matong dianon. “Pokpuliꞌ a, Apuꞌ!”

Pilantaˈ 3:19

Ain og kololaman ku kituꞌ pogbinaꞌan ku, bu pokpoksuton ku. Dadi, poktantu amu mangka amu poksop nog kohinangan niu.