Matiu 23:9 - Kitab Bogu Pasad taluʼ nog Mikpongon

⁹ Naꞌ amu dosop sumabi nog Amaꞌ sog minsan sima dini sog glupaꞌan poꞌ solabuk da og Gamaꞌ niu. Ion non og Mikpongon nog dituꞌ sog glangit.

Matiu 23:9 ပူးပေါင်းရင်းမြစ်များ

Matiu 23:10

Bu naꞌ niu potiangon nog sobion amu nog gotowanan nog kounutan poꞌ solabuk da og Kounutan niu nog ion non ion og Kristu.

Matiu 6:32

Poꞌ koyon og pigopasan nog gotowanan koyon nog daꞌ poktamuy dia sog Mikpongon. Bu og Gamaꞌ niu sog glangit, kosunan non nog og glam nini sumboy ngon nododaꞌ dianiu dun.

Matiu 7:11

Poꞌ amu, moto amu tanan mogbogoy nog ain molongas dia sog gombataꞌ niu nog saka bolodusaon amu. Labi na og Gamaꞌ niu sog glangit mogbogoy nododaꞌ nog molongas sog ain og mingoni kituꞌ dianon.

Piginang 22:1

“Pigilugan ku bu mokogulanganan ku, pokinongoy niu pa og tabal u koni dianiu.”

1 Korintu 4:15

Poꞌ minsan pa solaksaꞌ polongipat dianiu sog kosolabuk niu dia ni Kristu, solabuk da gamaꞌ niu. Poꞌ bianan sog kopogustal u dianiu nog Gombaꞌis kituꞌ nog Guksugan, bu sabap sog kosolabuk niu dia ni Kristu, miimung maꞌ nog gamaꞌ niu akon.

2 Korintu 6:18

“Bu akon mimung Gamaꞌ niu, bu amu mimung dosop og gombataꞌanan ku. Koni og taluꞌ nog Pogbayaꞌ nog diꞌ kolobian.”

Hibruanan 12:9

Minsan pokpoksuton ita nog gamaꞌ ta dini sog kilawan, pogodaban ta da ion. Labi pa dituꞌ og kosangkan ta sog Gamaꞌ ta dia sog kinodiwata poꞌ bagun ita da kobogayan nog kotubuꞌ nog daꞌ kopus non.

1 Jan 3:1

Kosunan ta nog landuꞌ og glolaman nog Mikpongon dianita, poꞌ tontong niu poloꞌma, iningolanan non tanan ita nog gombataꞌanan non! Bu gombataꞌanan non dodaꞌ ita! Tibua, og gotowanan nog daꞌ pokokunut sog Mikpongon, ondaꞌ nilan ita kilolaoy poꞌ ondaꞌ nilan dosop kilolaoy og Mikpongon.