Og Gombaꞌis nog Guksugan paꞌali dia ni Isukristu nog sinulat ni Luk 11:51 - Kitab Bogu Pasad taluʼ nog Mikpongon

⁵¹ Miktolipun sog kobunuꞌ dia ni Abel asta sog kobunuꞌ kituꞌ dia ni Sakaraya dituꞌ sog Baloy nog Poktomuyan dia sog Mikpongon sog golot nog pomolasan bu dugu kituꞌ nog mosigda. Dadi, toluꞌon ku dianiu, og gotowanan numun koni, ilan nododaꞌ og kosakan nog glam non koni.

Og Gombaꞌis nog Guksugan paꞌali dia ni Isukristu nog sinulat ni Luk 11:51 ပူးပေါင်းရင်းမြစ်များ

Matiu 23:35

Sabap dituꞌ, amu da kosakan nog duguꞌ nog glam nog pimunuꞌ nog gotowanan kituꞌ nog midulus dini sog glupaꞌan. Miktolipun sog kobunuꞌ dia ni Abel nog daꞌ salaꞌ non, asta sog kobunuꞌ kituꞌ dia ni Sakaraya, og bataꞌ kituꞌ ni Barakaya. Binunuꞌ niu dituꞌ sog Baloy nog Poktomuyan dia sog Mikpongon sog golot nog dugu kituꞌ nog mosigda bu sog pomolasan.

Hibruanan 11:4

Bu bianan sog kopongandol, si Abel, migbogoy ion nog pomalas dia sog Mikpongon nog ombaꞌis pa dia sog pomalas nog binogoy nog gulang bataꞌ kituꞌ dianon nog si Kain. Dadi, sabap sog kopongandol non kituꞌ, kisuꞌatan og Mikpongon dun bu tinoluꞌan non si Abel nog midulus. Minsan siꞌoy minatoy na si Abel, maꞌ da nog totubuꞌ pa bianan sog pononggiꞌan dia sog kopongandol non kituꞌ.

Hibruanan 12:24

Bu sinumolabuk ita dosop dia ni Isus nog ion og mongingolot dianita sog bogu pasad nog Mikpongon dianita. Poꞌ og duguꞌ ni Isus nog miglayas, og gugas nog dusa ta. Poꞌ og duguꞌ non kituꞌ diꞌ mamaꞌ nog duguꞌ ni Abel nog moleg sumuliꞌ.

1 Jan 3:12

Naꞌ amu moglogiling dia ni Kain. Poꞌ ion og sakup ni Kindagow. Bu binunuꞌ non og kongudan non. Iduma gidoy buan binunuꞌ non ma? Saꞌan ituꞌ binunuꞌ non, poꞌ og kongudan non kituꞌ, midulus og kohinangan non saka ion, molaton og kohinangan non.