Episus 4:23 - Kitab Bogu Pasad taluʼ nog Mikpongon

²³ Sugaꞌid non, sumboy kopongimboguan og dialom pikilan niu.

Episus 4:23 ပူးပေါင်းရင်းမြစ်များ

Roma 12:2

Naꞌ amu na moglogiling sog polomotadon nog dinunya. Sugaꞌid non, tugdak niu og Mikpongon sumop nog polomotadon niu bianan sog kopongimbogu non dia sog pikilan niu boyaꞌan kosunan niu bog olo og glegan nog Mikpongon nog ion non ion, og gombaꞌis, bu modulus, bu ain kituꞌ og kosuꞌatan ion dun.

Roma 6:4

Dadi, bianan sog kopogbunyag ta kituꞌ, misunuꞌ ita na sog kopatoy non bu sog kolobong dianon poꞌ bagun da motubuꞌ ita puliꞌ sog bogu kotubuꞌ maꞌ nog kotubuꞌ ni Kristu. Poꞌ pitubuꞌ ion puliꞌ nog Mikpongon bianan sog dasig nog Gamaꞌ ta sog glangit nog diꞌ kolobian.

Roma 8:6

Dadi, bila og pikilan nilan pigboyaꞌan na nog Bolakat nog Mikpongon, og doksuꞌan nilan og kotubuꞌ bu og kotiknaꞌ nog pomikilan. Tibua, og gotowanan kituꞌ nog pikilan nilan pigboyaꞌan pa nog dusa, og doksuꞌan nilan og patoy. Poꞌ saꞌan maꞌ nituꞌ, ain og momikil koyon nog dusa, polongantu bu og banta nog Mikpongon. Bu daꞌ pa poguakil sog bayaꞌ nog Mikpongon, bu diꞌ non tanan ituꞌ munut.

Episus 2:10

Poꞌ ita og piongon nog Mikpongon bu bianan sog kosolabuk ta dia ni Kristu Isus, inimung non ita bagun ita moginang nog sinimpan non kituꞌ dianita donsamaꞌ nog kohinangan nog gombaꞌis.

Kolosas 3:10

Poꞌ sinuklian na og dan polomotadon niu kituꞌ nog pigboyaꞌan nog dusa, nog bogu polomotadon. Dadi, og bogu pikilan niu koyon nog daꞌ pogboyaꞌoy nog dusa, miongon ion tidu sog Mikpongon bu kobon non pongimboguan non nog maꞌ nog bantuk non, bagun mosabut niu tokodoy paꞌali dianon.

Titus 3:5

mitabang non ita. Konaꞌ poꞌ sabap nog ngon og molongas nog kohinangan ta, sugaꞌid non, mitabang non ita sabap sog glolat non. Poꞌ bianan sog Bolakat non, inugasan non ita nog boyaꞌan kipongimboguan non ita bu migbogu kotubuꞌ ita.

1 Piter 1:13

Dadi, saꞌan ituꞌ simpan niu og pikilan niu bu koto amu mogokbit nog pikilan niu. Dodomaoy niu tokodoy og tulung non kituꞌ dianiu sog matong Gondow kituꞌ nog mokpuliꞌ si Isukristu.