2 Korintu 11:21 - Kitab Bogu Pasad taluʼ nog Mikpongon

²¹ Ay na! Bila maꞌ nion kolegan niu, mosipog u nododaꞌ dun. Poꞌ kobon nami dion, ondaꞌ ami nododaꞌ ion inangoy dianiu. Tibua maꞌ siꞌoy nituꞌ, sabap sog kopogbonsag nilan paꞌali dia sog dili glawas nilan, akon siꞌoy, lamig u dumuma mogbonsag paꞌali sog dili dianakon. Og bonsagon ku koni, domikian da mamaꞌ nog taluꞌ nog gotow koyon nog gumowon!

2 Korintu 11:21 ပူးပေါင်းရင်းမြစ်များ

2 Korintu 10:10

Poꞌ og duma, mikpoktaluꞌ ilan nog akon, si Paul, bila dia sog sulat u dianiu, og kopoktaluꞌ u dun, ombogat bu motogas nog taluꞌ. Tibua, long nilan dun, bila dion u sog glumpuk niu, diꞌ u moto moktaluꞌ, bu daꞌidun og maꞌana nog poktoluꞌon ku.

2 Korintu 11:1

Og dodomaan ku bosia dianiu, nog polukason niu na akon. Poꞌ mamaꞌ dodaꞌ nog moglogumow u podaliꞌdaliꞌ sabap sog kopogbonsag u koni. Kosunan ku da nog pilukas niu na akon dun.

2 Korintu 11:17

Poꞌ kosunan ku nog poktoluꞌon ku koni numun kituꞌ, konaꞌ maꞌ nog piktaluꞌ nog Kounutan ta. Sugaꞌid non, og poktoluꞌon ku koni, domikian da maꞌ nog ponginangon nog gotow nog ain gumowon.

2 Korintu 13:10

Saꞌan maꞌ nini og sinulat u koni dianiu, solian nog daꞌ u pa angoy dion niu poꞌ, bila matong u dion, bagun ku na ondiꞌ pobogaton og kopogloga u, bila inangon ku dianiu og bayaꞌ u nog binogoy nog Kounutan ta dianakon. Og bayaꞌ u koni mimung pododungag kopagon niu dun dia ni Kristu, ondiꞌ u bosia inangon nog boyaꞌan mosimoy amu dia sog motud.

2 Korintu 6:8

Og kibianbianan nami, sumolingka pogodaban ami bu sumolingka posipogon ami dosop. Bu sumolingka poksudiꞌan ami, bu sumolingka pogdongyaꞌan ami dosop. Bu sumolingka intomon nilan nog bololimbung ami, bigyaꞌ non, motud da og piktaluꞌ nami.