1 Korintu 8:11 - Kitab Bogu Pasad taluʼ nog Mikpongon

¹¹ Dadi, og pigilugan niu sog tanud nog moguyaꞌ pa og pikilan nilan, og doksuꞌan non, moglaꞌat ilan dun sabap dianiu nog saka amu, ngon na bosia og sunan niu dun. Poꞌ si Kristu, saꞌan minatoy ion bagun ilan siꞌoy motabang dia sog bayaꞌ nog dusa.

1 Korintu 8:11 ပူးပေါင်းရင်းမြစ်များ

Og Gombaꞌis nog Guksugan paꞌali dia ni Isukristu nog sinulat ni Jan 6:27

Naꞌ amu monukat nog ponganon nog monglos da. Sugaꞌid non, ponomaloy niu moksukat og ponganon kituꞌ nog diꞌ monglos nog mokobogoy nog kotubuꞌ nog daꞌ kopus non. Og mokobogoy nog ponganon koni dianiu og Binataꞌ sog Kilawan. Poꞌ og tandaꞌ nog ion togo bayaꞌ, binogoy na dianon nog Gamaꞌ nog ion og Mikpongon.”

Roma 14:15

Dadi, bila ngon og duma pigilugan niu sog tanud nog ombagla og kopoktanud non sabap sog kokan niu, saka ondiꞌ amu lumotaꞌ kuman dun minsan siꞌoy kisunan niu na bog olo pikilan non, og maꞌana non, og botad niu koyon konaꞌ na og glolatan niu dianon. Poꞌ naꞌ niu poglaꞌatan og kopongandol nog duma ta sabap sog kokan niu. Poꞌ ilan siꞌoy, misunuꞌ ilan dosop lokatoy bianan sog kopatoy ni Isukristu.

1 Korintu 10:33

Poglogilingoy niu akon. Poꞌ sog glam non, og pogopasan ku, inangon ku ain kosuꞌatan og glam nog gotowanan dun. Poꞌ diꞌ u monontong nog kosuꞌatan u tibua dun, sugaꞌid non, kobon non ponontongon ku og kolongasan nog kodokolan poꞌ bagun gomonsunoy og doksuꞌan nilan motabang ilan dia sog dusa.

1 Korintu 8:13

Dadi, bila gomonsunoy mokodusa og gilug ta sog tanud sabap sog kokan ta nog pongonganon, diꞌ ita na tokodoy mokpuliꞌ kuman dun.

1 Korintu 8:4

Dadi bila maꞌ nituꞌ, puliꞌan ta paꞌali sog kuman nog ponganon nog ain og pimalas kituꞌ dia sog glodawananan. Kosunan ta nog glodawananan, daꞌidun doksuꞌan nilan dini sog glupaꞌan poꞌ daꞌidun tantu diwata ual da Mikpongon.