1 Korintu 5:3 - Kitab Bogu Pasad taluʼ nog Mikpongon

³ Minsan siꞌoy og dili glawas u daꞌ dion niu, og pikilan ku dion da niu. Dadi, maꞌ da nog dion u da. Sog bayaꞌ nog Kounutan ta nog si Isukristu, pinolihalaꞌ u na gotow koyon nog miginang nog molaton.

1 Korintu 5:3 ပူးပေါင်းရင်းမြစ်များ

1 Korintu 5:12

Konaꞌ u ginang mongukum dianilan sog ain konaꞌ pa poktanud. Poꞌ og Mikpongon da og moto mukum dianilan. Tibua, ain sinumakup na sog glumpuk niu, patut niu da ukumon. Bu unut niu og taluꞌ kituꞌ nog sinulat sog Kitab, “Bugow niu dia sog glumpuk niu og gotow kituꞌ nog pigboyaꞌan nog dusa.”

2 Korintu 10:1

Ngon gotowanan dion nog mikpoktaluꞌ nog, bila dion u niu molumbang u, tibua, bila daꞌ u dion, maꞌ long nilan dun, omboluꞌ u dianiu bianan sog sulat u. Dadi, sabap sog taluꞌ nilan koyon nog maꞌ nion, akon nog si Paul, ngon pongonion ku dianiu, nog pobianon ku sog kobaꞌis bu kopokpobabaꞌ nog bolotabat nog miktidu dia ni Kristu.

2 Korintu 10:11

Ain og moktaluꞌ nog maꞌ nion koyon paꞌali dianami, sumboy pomikilon non mahatul. Poꞌ og taluꞌ u koni nog sinulat nami posunguꞌ dion niu, ion non da og polomotadon nami bila matong ami dion niu.

2 Korintu 13:2

Poꞌ sog duaꞌ kali u kituꞌ angoy dion, donsamaꞌ na ngon mikopoginang nog dusa dion. Pidonsamaꞌ u na tumaluꞌ dianilan nog sumboy lotaꞌan nilan kohinangan nilan koyon. Numun kituꞌ, solian nog daꞌ u pa angoy dion, puliꞌan ku nosop tumaluꞌ dianilan bu duma gotowanan dion. Bila daꞌ nilan pa lotaꞌoy kohinangan nilan kituꞌ nog molaton, mologon nog ondiꞌ u ilan logaon.

Kolosas 2:5

Poꞌ minsan daꞌ dion og dili glawas u, dion da niu og pikilan ku. Bu doma, migdaꞌdaꞌ u nog midongog u og kopoksolabuk niu bu og kopagon nog kopongandol niu dia ni Kristu.

1 Tesalonika 2:17

Dadi pigilugan, dangan miksuoy ita niu nog podaliꞌdaliꞌ, miksuoy siꞌoy og glawas ta niu, tibua, og pikilan ta ondaꞌ da. Landuꞌ og gindowan nami dianiu. Dadi, mogapas ami bosia mokpuliꞌ dion niu.