1 Korintu 15:26 - Kitab Bogu Pasad taluʼ nog Mikpongon

²⁶ Og gimpusan nog banta nog dagon non og patoy.

1 Korintu 15:26 ပူးပေါင်းရင်းမြစ်များ

Og Gombaꞌis nog Guksugan paꞌali dia ni Isukristu nog sinulat ni Luk 20:36

poꞌ mamaꞌ ilan na nog moloikatanan nog Mikpongon poꞌ ondiꞌ ilan na matoy. Bu sabap nog pitubuꞌ ilan na nog Mikpongon tidu matoy, miimung ilan na nog gombataꞌanan nog Mikpongon.

1 Korintu 15:55

“Ain ka ma pomondag, Patoy? Daꞌidun na pagas mu mongulaꞌat.”

2 Timuti 1:10

Bu numun koni pitongow na og tulung non kituꞌ bianan sog kotuaꞌ dini nog Polonabang ta nog si Kristu Isus nog ion, piondaꞌ non na og bayaꞌ nog patoy bu, bianan sog Gombaꞌis nog Guksugan, pitampal non na dianita paꞌali sog kotubuꞌ kituꞌ nog daꞌ kopus non.

Hibruanan 2:14

Dadi, og gombataꞌanan koyon nog pigolong non, ion non og gotowanan kituꞌ nog togo gungod bu togo duguꞌ. Bu si Isus siꞌoy, miimung dosop ion nog gotow maꞌ nilan. Poꞌ saꞌan miimung ion nog gotow poꞌ bagun bianan sog kobunuꞌ dianon sog kudus, moglaꞌat si Kindagow dun. Poꞌ si Kindagow togo bayaꞌ sog patoy.

Pilantaˈ 20:13

Ain mikpomatoy kituꞌ sog dagat, bu ain tidu sog Molimotayan, mikponuaꞌ ilan dituꞌ mangka ilan ukumoy bianan sog ain miinang nilan.

Pilantaˈ 20:14

Bu og Patoy bu Molimotayan, tinikpuꞌ na dituꞌ sog danow nog gapuy. Og danow nog gapuy koyon, ion non ion og koduaꞌ nog patoy asta sog daꞌ kopus non.

Pilantaˈ 21:4

Pomunasan non na og glam nog gluaꞌanan nilan nog mikpoglayas tidu sog mataanan nilan. Daꞌidun na og patoy, otawaka lumangos, otawaka moksogow bu mosakit. Poꞌ og glam nog donsamaꞌ kituꞌ piongon, miawaꞌ na.”