1 Jan 4:7 - Kitab Bogu Pasad taluʼ nog Mikpongon

⁷ Glokoleanan ku nog kololaman ku, sumboy kobon non moglinolatoy ita. Poꞌ og Mikpongon, ion og poktiduan nog glolat. Og gotow nog milolat sog pakasiotow non, ion binataꞌ nog Mikpongon bu kosunan non na og Mikpongon.

1 Jan 4:7 ပူးပေါင်းရင်းမြစ်များ

Og Gombaꞌis nog Guksugan paꞌali dia ni Isukristu nog sinulat ni Jan 13:34

Ongon og bogu dondagan ku dianiu. Pokilolamoy amu. Bu og kopokilolamoy niu koyon sumboy mamaꞌ nog glolaman ku dianiu.

Og Gombaꞌis nog Guksugan paꞌali dia ni Isukristu nog sinulat ni Jan 17:3

Maꞌ nini og maꞌana nog kotubuꞌ koyon nog daꞌ kopus non, ain og gotowanan koyon nog kosunan nilan ika, nog ika da og Diwata, bu kosunan nilan dosop si Isukristu, nog ion og pipangoy mu dini, kobogayan ilan nog kotubuꞌ nog daꞌ kopus non.

1 Korintu 8:3

Tibua, og gotow nog molalam dia sog Mikpongon, sunan na ion nog Mikpongon.

2 Korintu 4:6

Poꞌ og Mikpongon, sog tolipunan nog dunya, miktaluꞌ ion nog, og dolag miongon na tidu sog dolom. Bu ion tanan dosop mikposilow nog dolag non koyon dia sog dialom pusung nami. Og maꞌana non, pisabut non na dianami paꞌali sog kotas non nog dia non tanan pisilow sog bayuꞌ ni Kristu.

Galatia 4:9

Tibua sog numun koni, tinabuk niu na og Mikpongon. Somoꞌ ita da, tinabuk amu na nog Mikpongon. Dadi, olo buan sabap non nog moksipi amu poma mokpuliꞌ sog dan polomotadon koyon nog daꞌ doksuꞌ non? Diꞌ amu na bosia moginang dun mokpuliꞌ bagun amu ondiꞌ mulipon mokpuliꞌ.

Galatia 5:22

Tibua, ain og pigboyaꞌan nog Bolakat nog Mikpongon, mongon dianon og glolat, og daꞌdaꞌan, og kotiknaꞌ nog pomikilan, og kopayat nog ponutus. Bu moto ion sumungod, bu ombaꞌis og kohinangan non sog duma non, kosoligan ion,

2 Timuti 1:7

Poꞌ og Bolakat nog binogoy nog Mikpongon dianita konaꞌ nog mimung nog tumalow ita dun. Sugaꞌid non, mimung tanan nog dasig ta sog kopoginang ta dianon, bu og kolalam ta sog duma gotow, bu mimung dosop nog moto ita mogokbit nog dili polomotadon ta.

1 Piter 1:22

Dadi numun koni, bianan sog kopokokunut niu dia sog motud, milonuꞌ amu na bu miktantu amu na mololat sog dumaanan niu nog poktanud. Dadi, sumboy og pogopasan niu og mokilolamoy.

1 Jan 2:10

Tibua, og gotow nog mololat dia sog pigilugan non, kobon non dia ion sog kodolagan. Bu diꞌ ion kotongowan nog boyaꞌan mokodusa ion.

1 Jan 2:29

Dadi, kisunan niu noma nog si Kristu midulus, sumboy kosunan niu dosop nog ain og moginang nog kodulusan, og bataꞌ dosop ion nog Mikpongon.

1 Jan 2:3

Bila mikokunut ita sog dondagananan nog Mikpongon, motintu dianita nog sunan ta ion.

1 Jan 2:4

Bila ngon gotow nog moktaluꞌ nog kosunan non og Mikpongon, saka ondaꞌ non unutoy og dondagananan non kituꞌ, og gotow koyon migloput bu ondaꞌ non tolimaꞌoy og motud nog miktidu sog Mikpongon.

1 Jan 2:7

Glokoleanan ku nog kololaman ku, og dondagan koni nog sinulat u dianiu konaꞌ amu na og sobuꞌ dun. Bu kisunan niu na ini tidu pa sog tolipunan. Poꞌ donsamaꞌ niu na midongog bianan sog gustalan kituꞌ dianiu.

1 Jan 3:9

Simasima binataꞌ nog Mikpongon, ondiꞌ na tumibabaꞌ moginang nog dusa poꞌ dianon na og kotubuꞌ nog miktidu sog Mikpongon. Bu sabap sog binataꞌ na ion nog Mikpongon, mologon nododaꞌ nog tumibabaꞌ ion moginang nog dusa.

1 Jan 4:11

Glokoleanan ku nog kololaman ku, bila maꞌ nituꞌ ma og glolaman nog Mikpongon dianita, ita siꞌoy, sumboy moglinolatoy ita.

1 Jan 4:12

Poꞌ daꞌidun og gotow nog mikotongow nog Mikpongon. Tibua, bila moglinolatoy ita, og Mikpongon kobon non mogonong dianita. Dadi bila maꞌ nituꞌ, og glolaman nog Mikpongon, mituman na dianita.

1 Jan 4:16

Dadi, sumalig ita dia sog glolaman nog Mikpongon poꞌ kibianan ta na. Og Mikpongon og poktiduan nog glolat. Dadi, simasima og pigboyaꞌan nog glolat, maꞌana non, dia ion kobon non sog Mikpongon bu og Mikpongon siꞌoy kobon non mogonong dianon.

1 Jan 4:20

Bila ngon gotow moktaluꞌ nog ion molalam sog Mikpongon saka mangit ion sog gilug non, og gotow koyon moloput. Poꞌ bila ondiꞌ ion mololat dia sog gilug non nog saka kobon non motongow non, olo ma og mogandun kolalam non dia sog Mikpongon nog saka ondiꞌ non motongow?

1 Jan 4:8

Simasima ondiꞌ mololat, diꞌ non kosunan og Mikpongon. Poꞌ og Mikpongon og poktiduan nog glolat.

1 Jan 5:1

Simasima og tumud nog, si Isus og Kristu, binataꞌ na ion nog Mikpongon. Bu simasima og molalam sog gamaꞌ, molalam dosop ion sog bataꞌ non.

2 Jan 1:5

Amoyamoy dianika, ika og kololaman ku, nog moglinolatoy ita glam ta. Konaꞌ ini bogu og dondagan koni nog sinulat u dianika. Poꞌ ion non ini og dondagan kituꞌ nog midongog ta tidu pa sog tolipunan.