1 Jan 4:21 - Kitab Bogu Pasad taluʼ nog Mikpongon

²¹ Dadi, koni og dondagan nog binogoy non dianita, simasima og gotow nog molalam sog Mikpongon, sumboy molalam dosop dia sog gilug non.

1 Jan 4:21 ပူးပေါင်းရင်းမြစ်များ

Matiu 5:43

“Midongog niu na og pomali kobon nituꞌ nog sumboy mololat a sog glokole mu bu kangit a sog banta mu.

Og Gombaꞌis nog Guksugan paꞌali dia ni Isukristu nog sinulat ni Luk 10:37

Tinumabal gotow koyon nog, “Og gotow kituꞌ nog milolat bu tinumabang dianon.” Tinabal ion ni Isus, “Dadi, bog maꞌ nituꞌ, angoy mu poglogilingoy og piginang nog gotow kituꞌ.”

Og Gombaꞌis nog Guksugan paꞌali dia ni Isukristu nog sinulat ni Jan 15:12

Koni og dondagan ku, pokilolamoy amu mamaꞌ nog glolaman ku dianiu.

Galatia 5:14

Poꞌ og botad kituꞌ nog pilatas dia ni Muses miglologinis, tibua, kinumpung sog soginis nog dondagan. Og dondagan koyon maꞌ nini, “Sumboy molalam amu dia sog sumbaloy niu maꞌ da nog glolaman niu sog dili glawas niu.”

Galatia 5:6

Poꞌ bila sinumolabuk ita na dia ni Kristu Isus, daꞌidun na maꞌana nog moktuk otawaka og ondiꞌ moktuk. Poꞌ daꞌidun na kobalan dun. Sugaꞌid non, bololagaꞌ tokodoy og kopongandol ta dianon nog potongowon ta bianan sog glolaman ta sog pakasiotow ta.

1 Tesalonika 4:9

Dadi, paꞌali sog glolaman niu dia sog pigilugan niu sog tanud, diꞌ amu na siꞌoy pomolian dun sog sulat u koni. Poꞌ pimali na nog Mikpongon dianiu.

1 Piter 3:8

Sog doksuꞌan, poksolabuk amu nog pikilan niu. Unungoy niu og pakasi niu bu pokilolamoy amu poꞌ og pomogilug amu sog tanud. Langka niu og glolat niu bu pokpobabaꞌ amu nog bolotabat niu.

1 Piter 4:8

Og bololagaꞌ sog glam non og kopogapas niu mokilolamoy. Poꞌ bila maꞌ nituꞌ, og pogopasan niu sog pakasi niu sog tanud, minsan siꞌoy andun kodakol og dusa otawaka og salaꞌ nog miinang nog pakasi niu, kolonggungan niu da.

1 Jan 2:7

Glokoleanan ku nog kololaman ku, og dondagan koni nog sinulat u dianiu konaꞌ amu na og sobuꞌ dun. Bu kisunan niu na ini tidu pa sog tolipunan. Poꞌ donsamaꞌ niu na midongog bianan sog gustalan kituꞌ dianiu.

1 Jan 3:11

Koni og pomali nog midongog niu tidu pa sog tolipunan, nog sumboy moglinolatoy ita.

1 Jan 3:14

Poꞌ kisunan ta nog mikawaꞌ ita na tidu sog patoy bu minangoy ita na sog kotubuꞌ nog daꞌ kopus non. Saꞌan kisunan ta poꞌ sabap sog milolat ita sog pigilugan ta. Poꞌ simasima ondiꞌ mololat, og maꞌana non, og gotow koyon dia pa ion sog patoy.

1 Jan 3:18

Dadi gombataꞌanan ku, sumboy konaꞌ tibua sagya moktaluꞌ ita nog mololat ita. Sugaꞌid non, og tantu mololat sumboy motongow bianan dia sog kohinangan ta.

1 Jan 3:23

Bu og dondagan non maꞌ nini. Sumboy tumud ita dia sog ngalan nog Bataꞌ non nog si Isukristu. Bu sumboy moglinolatoy ita mamaꞌ nog dinondag non kituꞌ donsamaꞌ dianita.

1 Jan 4:11

Glokoleanan ku nog kololaman ku, bila maꞌ nituꞌ ma og glolaman nog Mikpongon dianita, ita siꞌoy, sumboy moglinolatoy ita.