1 Jan 3:6 - Kitab Bogu Pasad taluʼ nog Mikpongon

⁶ Dadi, ain og sinumolabuk na dia ni Kristu, diꞌ na ion tumibabaꞌ moginang nog dusa. Tibua, ain og gotow nog kobon non moginang da nog dusa, og maꞌana non, ondaꞌ non pa kilolaoy si Kristu, bu ondiꞌ non pa ion kosunan.

1 Jan 3:6 ပူးပေါင်းရင်းမြစ်များ

2 Korintu 3:18

Bu ita, ain ondaꞌ na kotimpong og bayuꞌbayuꞌ non, mosolamin na nog gotowanan dianon og glamag nog Pogbayaꞌ. Bu posisayaꞌ ita ompotimaluy mamaꞌ non dunut pododungag og glamag non dianita. Bu og mokpotimaluy koyon dun dianita, og Pogbayaꞌ nog ion non ion og Bolakat.

2 Korintu 4:6

Poꞌ og Mikpongon, sog tolipunan nog dunya, miktaluꞌ ion nog, og dolag miongon na tidu sog dolom. Bu ion tanan dosop mikposilow nog dolag non koyon dia sog dialom pusung nami. Og maꞌana non, pisabut non na dianami paꞌali sog kotas non nog dia non tanan pisilow sog bayuꞌ ni Kristu.

1 Jan 2:28

Dadi gombataꞌanan ku, kobon non singkot amu dianon poꞌ bagun bila matong na ion, ondiꞌ ita mondok bu ondiꞌ ita mosipog dianon.

1 Jan 2:3

Bila mikokunut ita sog dondagananan nog Mikpongon, motintu dianita nog sunan ta ion.

1 Jan 2:4

Bila ngon gotow nog moktaluꞌ nog kosunan non og Mikpongon, saka ondaꞌ non unutoy og dondagananan non kituꞌ, og gotow koyon migloput bu ondaꞌ non tolimaꞌoy og motud nog miktidu sog Mikpongon.

1 Jan 3:2

Glokoleanan ku nog kololaman ku, numun koni og gombataꞌanan ita na dodaꞌ nog Mikpongon. Tibua, ondaꞌ pa siꞌoy potompaloy dianita bog olo bayuꞌbayuꞌ nog poktimoluyan ta sog gunanunan koyon, kosunan ta da, nog bila tumuaꞌ na ion, mimung ita na mamaꞌ non, poꞌ motongow ta na ion bog olo bayuꞌbayuꞌ non.

1 Jan 3:9

Simasima binataꞌ nog Mikpongon, ondiꞌ na tumibabaꞌ moginang nog dusa poꞌ dianon na og kotubuꞌ nog miktidu sog Mikpongon. Bu sabap sog binataꞌ na ion nog Mikpongon, mologon nododaꞌ nog tumibabaꞌ ion moginang nog dusa.

1 Jan 4:8

Simasima ondiꞌ mololat, diꞌ non kosunan og Mikpongon. Poꞌ og Mikpongon og poktiduan nog glolat.

1 Jan 5:18

Kosunan ta nog ain binataꞌ na nog Mikpongon, ondiꞌ ilan na tumibabaꞌ moginang nog dusa. Poꞌ og Bataꞌ nog Mikpongon og mogipat dianilan, bu si Kindagow ondiꞌ na mokopongulaꞌat dianilan.

3 Jan 1:11

Dadi le, kololaman ku, naꞌ a moglogiling nog ain molaton nog pononggiꞌan. Sugaꞌid non, og poglogilingoy mu kobon non ain ombaꞌis nog pononggiꞌan. Poꞌ ain moginang nog ombaꞌis, dia da ion sog Mikpongon. Tibua, ain og gotow nog moginang nog molaton, diꞌ non sunan og Mikpongon.