1 Jan 1:10 - Kitab Bogu Pasad taluʼ nog Mikpongon

¹⁰ Tibua, bila moktaluꞌ ita nog daꞌ ita pokodusa, og maꞌana non pingingloput ta og Mikpongon, bu daꞌ ta pa tolimaꞌoy og taluꞌ non.

1 Jan 1:10 ပူးပေါင်းရင်းမြစ်များ

Og Gombaꞌis nog Guksugan paꞌali dia ni Isukristu nog sinulat ni Jan 3:33

Tibua, ain og gotow nog tinumabuk nog gustalan non, miimung ion nog tandaꞌ nog og taluꞌ nog Mikpongon motud dodaꞌ.

Kolosas 3:16

Og pomali ni Kristu sumboy monginggamut dianiu bu mogokbit dianiu kobon niu momali bu mokpanad sog pakasi niu bianan sog dalom nog sabut niu. Bu bobat niu og kosanglit bu og solamat niu dia sog Mikpongon, bu og duma bobatanan paꞌali sog kinodiwata.

1 Jan 1:8

Bu bila moktaluꞌ ita nog daꞌidun dusa ta, piglimbungan ta og dili glawas ta, bu daꞌ ta tolimaꞌoy og motud.

1 Jan 2:14

Sinulat u ini dianiu, amu og mokogulanganan sog tanud, poꞌ kisunan niu na ion, ion donsamaꞌ na tidu pa sog tolipunan. Sinulat u ini dianiu, amu og boguotowanan pa, poꞌ ompagon amu na dia sog Mikpongon. Bu og taluꞌ non miungod na dianiu. Bu dinag niu na Kindagow.

1 Jan 2:4

Bila ngon gotow nog moktaluꞌ nog kosunan non og Mikpongon, saka ondaꞌ non unutoy og dondagananan non kituꞌ, og gotow koyon migloput bu ondaꞌ non tolimaꞌoy og motud nog miktidu sog Mikpongon.

1 Jan 4:4

Tibua amu, og gombataꞌanan ku, og sakup amu na nog Mikpongon. Saꞌan dinag na dianiu og polopanadanan koyon nog diꞌ motud, poꞌ og Bolakat nog Mikpongon og migonong dianiu. Bu og kopogbayaꞌ non labi pa dia sog kopogbayaꞌ nog bolakat nilan koyon dini sog dunya.

1 Jan 5:10

Dadi, simasima og tumud nog si Isus og Bataꞌ nog Mikpongon, kitoksiꞌan dianon paꞌali dia ni Isus. Tibua, ain og ondiꞌ tumud sog Mikpongon, piloput non og Mikpongon poꞌ daꞌ ion tud sog koponaksiꞌ non kituꞌ paꞌali sog Bataꞌ non.

2 Jan 1:2

Poꞌ og motud kituꞌ kobon non dianita, bu diꞌ ituꞌ mokulog dianita asta sog daꞌ kopus non.