lRom 8:5 - E Nut Ka Meer Mang Ka Mokpom To A Gunngar

⁵ Endruk ngam mrua ngam mar mruo ekam ngaro pkor ngaro svil ruk ngam kaenen mar kmeharom o kerkeknen, her mar ruk arhe ngaro papat ngma vle pum ngaro pkor ngaro svil ruk endruk. Vanang endruk E Nunu A Totur nam kaenkrovgem mar kam kolkol ekam E Nut, her mar ruk ngaro papat ngam kle va ka vle pum E Nunu A Totur ka svil.

lRom 8:5 ပူးပေါင်းရင်းမြစ်များ

E Mak 8:33

To e Yesus thortgi he kvokom kalngunes to kle ka kner e Pita kam reng te, “Ehenok ko, petgim kualo keik, ekam ko ye ru kim e Seten, ko ilalo keik ngint gia vle mang o tgoluk ruk mo mmie, nang nong mang o tgoluk ruk mkor E Nut e.”

E Yoanes 3:6

Ii, ko a mhel to ta pal mnam knan ka ngausie ka pun vanie. Vanang a papat to a ngaenpaeir ta vle te, a mhel nak pal mnam E Nunu A Totur.

lRom 8:9

Vanangko muk ruk E Nunu A Totur nam kaenkrovgem muk kam kolkol ekam E Nut, her muk ruk arhe, mularo pkor ngaro svil ngam lo kat kais kmenen muk kam mrua ngam muk mruo ekam mar kmeharom o kerkeknen kat. Nove, ko E Nunu A Totur ther kle el rengmat kun mnam mularo vurkul he. Vanang endruk E Nunu A Totur tlo el rengmat kun mnam ngaro vurkul, mar ngam lua vle ngang Endo E Nut Thim Orom Ka Msasaen e.

1Korin 2:14

Vanang a mhel ko en agitgiang ko E Nunu A Totur tlo el rengmat kun mnam vop, en nam lua svil kam lol o rhek vgum E Nunu A Totur to E Nut tmeng e. Nam lua svil kam lol tok, ekam ko nma vokom mar te, mar nop o mi papat ruk lvu laol e. He ekam tok, a mhel to endo ko en a mhel ko en agitgiang tlo is hak kam kol a mmok mang ngar kat e, her sim kut ekam ko E Nunu A Totur tlo el rengmat kun mnam en vop, en kmel a mhel to endo ma hor mang ngar.

2Korin 10:3

Lmien te, dok koma vle mo mmie, he kom si kaem a yok kat ge, gi enang o mia tgus tok ko ngam kaem, vanangko kom lo kaikkiem o nghek ruk mkor mar kmus kar mar kmikkiem ngaro papat mruo tok e.

lGalesia 5:17

Mguak kaeharom tok, ekam ko mularo pkor ngaro svil va E Nunu A Totur karo svil ngma mo kokheng ngar kmo im mar. Ii ngma mo im mar tok kam hagam muk kmikkiem ani ngaeha to mut re kmeharom.

lEpeses 5:9

(Ii, mguaka vle ma mmok tok, ekam ko E Nut to tvua mmok nam kael karo miel kun mnam muk orom o keknen ruk ngat vua ya hak, endruk ngat vua sir, va o papat ruk o minar.)

2Pita 2:10

Ii, va o ker pattermia ruk mnam muk, E Nut nera rum nga kapnes ngang ngar ko ngam mrua ngam mar mruo ekam ngaro pkor ngaro svil ruk ngat kernonho hak ko ngam kaenen mar kmeharom o kerkeknen. Ii, ko ngam vua kpiem o vrong serppak to kle khover mar mruo kam khenam ngartaro serppak mruo. Va si o kool ruk kuo kia gan kat va o mia ruk endruk ngam lua gor hak kam rere pum mar kam kering ngaro mnok kat e.