lRom 8:4 - E Nut Ka Meer Mang Ka Mokpom To A Gunngar

⁴ Ii, e Yesus tmur kaen ka vok mruo ngang E Nut enang a nngiar to mang nguaro kerkeknen tok kmikkiem E Nut ka pos langto tho mi kut sir hak ko E Nut thavae mang orom karo rhek ruk endri te, o mia ngak kaen a tomhel langto ngang En enang a nngiar, he nang En kam monik kim a yor ngang a tomhel to endo mang o mia ngaro kerkeknen tok. Ii, va her mor ri ruk E Nunu A Totur nam kaenkrovgem mor kam kolkol ekam E Nut arhe, nang kle lo mur kta ngam mor mruo ekam nguaro pkor ngaro svil ruk ngma kaenen mor kmeharom o kerkeknen.

lRom 8:4 ပူးပေါင်းရင်းမြစ်များ

lRom 2:26

Ii, ko o vrong rhek ngat lo si paam mar kam khenam te, mar E Nut karo mia mruo, vanangko enangthe ngap kle sim kut kaikkiem ngartaro keknen mruo he ksarim E Nut karo pos orom mar, va E Nut ner le kpat mang ngar te, ngat her mi kut kaenang endruk ngat paam mar kam khenam te, mar E Nut karo mia mruo enang tok.

lRom 3:31

He ekam ko E Nut nma mon o mia la mmok ko pum kalo keik kmikkiem enang ko ngat kor mnam mar mang e Yesus he kmokpom kar, to nngia orom E Nut karo pos he? Nguaro papat ruk kmor mnam mor mang e Yesus he kmokpom kar ngat hos kim mar he ngruak orim mar i nop gi? Te ho mi kut nop hak. Parem ko, ko ngruak kle va kaenserpagam mar ha.

2Korin 10:2

Ii, kua kap kim muk kam ksir petgim endruk ngma mon ppiagam dok he ka vraik orom muk petgim dok, matok ngua re aol ngok kmuk va dok ngua le kaesik ngang nguk he kgervik kim muk kmenpasiker muk. Ko ko her el kua papat te, dok kmeharom gi enang tok arhe ngang endruk ngama kerrereng dok te, “Koma kolkol ekam endruk ngaro papat ruk ngam kottek ekam o mia ruk mo mmie.”

2Korin 10:3

Lmien te, dok koma vle mo mmie, he kom si kaem a yok kat ge, gi enang o mia tgus tok ko ngam kaem, vanangko kom lo kaikkiem o nghek ruk mkor mar kmus kar mar kmikkiem ngaro papat mruo tok e.

lGalesia 5:16

Ekam tok, kua havaeng nguk te, mguak kaikkiem a serppak to mkor E Nunu A Totur, he nang mguer ho lo is hak kam mrua ngam muk mruo ekam mularo pkor ngaro svil kam tmar kim mar.

lKolosi 1:22

vanangko tete, e Yesus ther tver kim E Nut ka ngaesik ngang nguk he, orom ka vok mruo ko tyor. Ii, teharom tok, he nang E Nut kam kle kael a mo nho kun pgegom En va muk, he nang En kam vokom muk te, muta vle ngang En mruo orom mularo keknen ruk ngta mmok ko pum kalo keik, ko nong ke kerkeknen tang hak En kam kta mon muk orom kun mnam muk kat e.

lHibru 12:23

Ii, muta mokpom kar E Nut he muta vle kat enangthe, mut her aol ngte kim E Nut ka ngaomevek to ta vle enang a mhel kalyie to a molpou ko E Nut ta kser a ken mang langto langto mnam mar kun mnam E Nut ka ngaomevek to endo he kaittiegom ka munik kun mnam ka meer to kuon ma volkha. Ii, muta vle enangthe mut her aol ngte kim E Nut arhe, Endo nera momngan kar o mia tgus mang ngaro kerkeknen. Mare, va muta mokpom kar E Nut he muta vle kat enangthe mut her aol ngte kim o nunu ruk mkor endruk E Nut ther tarkanang ka ngaeha orom mar ko ther mon mar la mmok ko pum kalo keik kat he.

1Yoanes 3:2

He kolenar ruk kom kaelongtok mang nguk, ngot her pu vle te, E Nut kles ruk mor tete, vanang mang a mngan to te, ngor kam kle ka vle nngia koknaik, ngot lua mnor mang, ko E Nut tlo polger a papat to endo vop. Vanang ke gi papat to ngot mi mnor mang tete, ta vle ti te, mnam a kolkha to lsir ko E Nut naka khenam e Yesus ma mmok ko na kaeknik kpis mnam, E Nut ner mia hortgem mor he mor ngrer mi ktua vle gi enang En. Mare, ko ngrer mi vokom ka mi mit ka mnor mang tok arhe.

E Yut 1:24

Her E Nut to tuk, Endo tkais kam toot mang nguk he kaenserpagam muk, he nang muk kam lua vuut vgum o kerkeknen to le mrua ksir petgim En. Va En kat, Endo orom kla mmok. Va her En kat arhe, Endo tkais kam mur kael muk kam vle la mmok ko pum kalo keik. Ko nong a mhel tang hak to tkais hak kam mon muk orom a kerkeknen tang e. Ii, Endo tho vua mmok hak En ner mur kael muk ko kim En mruo kam vle la mmok tok, he mguera sirei hak ekam tok.

O Ngaelmir 14:5

Ii, ngam lua ppiak he o mia ngat lo is hak kam mon mar orom a kerkeknen tang hak.