Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




lRom 5:13 - E Nut Ka Meer Mang Ka Mokpom To A Gunngar

13 Ii, E Nut tlo si en kakro pos ngang e Moses vop, mar kmel o mia ma hor mang ngaro kerkeknen, vanangko o mia ngata ktar mi kaeharom o kerkeknen ma mmie ge. Ii, E Nut tlo mon mar orom ngaro kerkeknen ruk endruk vop, ko nong karo pos ngang ngar kmel mar ma hor mang ngar vop,

အခန်းကိုကြည့်ပါ။ ကော်ပီ




lRom 5:13
16 ပူးပေါင်းရင်းမြစ်များ  

Mare, mu vokom na, o pos ngaro reha nga pun msim ta vle ti arhe te, kmel o mia ma hor mang ngaro kerkeknen he kmon mar ormar. Nang nga pun tlua vle ngang o mia, mar kmegom kam sim kut kaikkiem mar, he nang o mia kam nho mkor E Nut kam mon mar la mmok ko pum kalo keik vgum ko ngam sarim mar tok e. Nove! He ekam tok, E Nut tho lo is hak kam mon a mhel tang la mmok ko pum kalo keik gi ekam ko nam kaegom kam sim kut kaikkiem karo pos kam sarim mar tok.


Va enangthe lmien te, E Nut karo rhek ruk mang ka tnangal to endo nong ngaro kleim ngang ngar tok, va naka mien kat te, ngota vle ku meorom E Nut karo pos ngaro serppak vop ko karo pos nga pun ngam mi ktua vle mang kmenpgam E Nut ka ngaesik to kam monik kim a yor ngang o mia pum ngaro kerkeknen. Vanangko ekam ko ta mien enang ko E Nut thavae, va nak mien kat te, E Nut karo pos nga serppak ngam kle ho lo kta kpom o mia kat. Va naka vle lmien kat te, nong E Nut karo pos ngang kat, En kmikkiem mar kam monik kim a yor ngang ngar kat e.


Ii, nma kner o mia kngam mar o yoror pum ngaro kerkeknen ruk ngam kaeharom mar. Va E Nut karo pos ngam kael o mia ma hor mang ngaro kerkeknen ruk endruk kam kner mar ormar tok kat.


Ko her mor ri arhe ngota vle enangthe ngot lo kta kolkol ekam endruk ngta vle kun mnam a tootkol to kam yor, nang her tmanda ngok mnam a tootkol to kam kol a ktalhok to kam plong vle ko kim E Nut ngnik ngnik, ekam ko mor ngom kaelongtok mang ngoornopeik. Vanang a mhel to nam lo kaeharom a keknen to kmelongtok mang kaornopeik, va a mhel to endo ta kolkol ekam endruk ngta vle kun mnam a tootkol to kam yor vop.


Vanang o mia ruk ngam kaeharom o kerkeknen, ngam mia kpoot mang E Nut karo pos orom mar tok arhe. Ko lmien te, o kerkeknen tgus, ngat her mi kut vle te, ngam kottek mnam endruk ngam kael ngakro yaik ngang E Nut karo pos.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ