lRom 5:11 - E Nut Ka Meer Mang Ka Mokpom To A Gunngar

¹¹ Mare, kuaro rhek tgus ruk kua rere orom mar ngta mien. He ngoma sirei kat mang E Nut, ko her En arhe ten e Yesus kmeharom a monho to endo kun pgegom mor kar En tok tete, ekam ko ngot her kor mnam mor mang Ngoldaip e Yesus Kristus he kmokpom kar he.

lRom 5:11 ပူးပေါင်းရင်းမြစ်များ

E Luk 1:46

E Maria ta ngnek tok, to her le koripang vat kmetim E Nut orom ka kni te, “Koma kanprim Ngoldaip

E Yoanes 1:12

Vanangko akuruk, ngta ngatkal ngang, he kor mnam mar mang ka munik he kmokpom kar. Va her endruk arhe ta tting orom mar, mar kam vle te, E Nut kles msim.

lRom 11:15

Ii, kom kaeha ngang nguk enang tok, ekam ko kua mnor mang o Yuda te, E Nut ta ktar el ka yaik vur lhok ngang karo mia mruo ruk endruk la totur, petgim kalo keik enang tok, her mi kut kmel a longmok ngang nguk o vrong rhek tgus ruk mo mmie kam kaum kar karo mia mruo la totur enang tok kat arhe. Va a longmok to endo ta vle ngang nguk o vrong rhek tete, he nang muk kam le kmonho kar E Nut, mar kam vle te, karo mia mruo ruk la totur tok kat, her gi vgum ko o Yuda ruk la totur ngata ktar kvuut he koregot kim muk, muk kam le kvaik kun mnam E Nut karo mia mruo tok arhe. Mare, E Nut ta ktar si el ka yaik ngang o Yuda vur lhok tok, vanangko koknaik ner le kat kael mar kam kaum kar o vrong rhek kam kta vle kat te, karo mia mruo kat, to le kaum khover mar petgim ngaro nnak kar o vrong rhek tok kat.

lRom 2:17

O vrong rhek ngma vle tok arhe, vanang muk ruk o Yuda, mum mrua mon muk mruo te, muk o Yuda ko mum kaikkiem o keknen akuruk yok gi ngola? He muma pat re te, E Nut nma mon muk la mmok ko pum kalo keik her vgum ko her muk ruk arhe endruk E Nut ten karo pos ko maktiegom muk kat ngola? He mut mrua per orom muk mruo km re te, “E Nut tel mor o Yuda kam vle la mmok ko pum kalo keik.” Muma re tok kat ngola?

lRom 5:1

He ekam ko E Nut timim kim o rhek mang nguaro kerkeknen enang tok, ko ngot kor mnam mor mang e Yesus he kmokpom kar, va ta khenam tete te, E Nut teharom nguaro vurkul kmongeik mang En mruo her vgum Ngoldaip to e Yesus Kristus tok kat arhe.

lRom 5:10

Ii, mu vokom na, tesgun ngot si kael imuo ngang E Nut, vanang E Nut ta kle mur kat eharom mor ge kam kta monho kar En kat orom Khal ko E Nut tmur kaen en kam yor mang ngor tok. He ekam ko E Nut teharom mor kam kta monho kar En tok, va ngot kle vua serppak mang a papat ta kat te, e Yesus ner kle ho mia susulgim mor kat, her vgum ko thop petgim ka nnak kat he.

lRom 5:3

Ii, vanangko ngom lua sirei mang a papat to endo tuk e. Nove. Ngoma sirei mang nguaro vnek kat ko ngota mnor te, o vnek ri ngat kais kmenserpgam mor kam matnge vgum endruk laol kuon malpgem endri kat.

lRom 8:23

Va nong gi mar tuk ruk ngama rere leti mnam E Nut tok e. Nove, mor kat, mor ruk E Nut ta hengrem ka loot to orom E Nunu To A Totur to ta ktar en karo nngiar ngang ngor, mor kat ngoma rere leti mnam E Nut kam tutut mnam a kolkha to E Nut kmel mor kam vle te, kles msim orom nguaro pkor ruk o gunngae kat.

lRom 9:10

Ii, va nong o rhek ri tuk ngat kais kmenserpagam a papat to mang E Nut ka keknen to kmel o tnangal e. Nove, vanang E Nut ka tnangal to tel ngang e Robeka tkais kmenserpagam E Nut ka keknen to kmel o tnangal enang tok kat. Ko her ngores e Isak to arhe, endo e Robeka tel ka vrek mang he kol kloyie alomin mnam a kolkha to atgiang. Ko tkol kloyie alomin mang ngin teit to atgiang tok.

1Korin 10:16

Ko kuaro rhek ngta mien te, ekam ko ngom kaempnes kam kanprim E Nut ko ngom kaivie mnam a kolhi to atgiang va ta khenam kat te, ngot kaum kmokpom kar Endo E Nut Thim Orom Ka Msasaen to ka gidiel to ta ksuk mang ngor ko tyor. Ii, va ekam ko ngoma kaum he kommen a bret to atgiang mnam a pnes to endo kat, va tmia khenam kat te, ngota mokpom kar Endo E Nut Thim Orom Ka Msasaen ka vok to tkerkolkol vgum o nganngannes kuon mang tok he kyor vgum mar.

2Korin 8:19

Ii, va kam ngam kuon mang a papat to endo kat, her ngornopia to arhe e Yesus kakro ngaomevek kun mnam a mhe langto langto ngat mon en kmikkiem dok kat kam ngae orom o krek ruk mguak kaum orom mar kam nngiar ngang E Nut karo mia mruo ormar. Ii, ngruak sim ktua kaum kam ngae orom o krek ruk endruk tok kam kaum kaeharom a ngaeha to endo, nang o mia kam gu ya pum Ngoldaip mruo va kam khenam te, ngote sei kam svil kam turang o mia akuruk yok.

lGalesia 4:9

Vanang tete, ko muta mnor mang E Nut, i o kam havae lsir te, ekam ko E Nut ta mnor mang nguk, to nngia ko muta kta hortgi he kaeknik mang o vrong serppak ngaro ngaur, he nang muk kmel riring E Nut kmel muk kam vle la mmok ko pum kalo keik vgum o Yuda ngaro pos tok? Ii, mut her kat kaeknik mang o serppak ruk ngat ottek mo mmie he kael mar ktar ko pum mularo kerok ka mnang ngaro serppak kam kta komor kim muk. Ko o serppak ruk endruk ngam lo eveep hak kmeharom o mia kam vle la mmok ko pum E Nut kalo keik e. To nngia ko muta kta svil ngaro serppak kam kta komor muk orom ngaro ngaur, muk kmikkiem mar kat?

lGalesia 5:22

Ii, o mia ngaro pkor ngaro keknen ngma vle tok arhe, vanangko E Nunu A Totur karo keknen ngam kle ktua vle ge ko En nam kle ktua khenam karo keknen ma mmok orom karo keknen ruk endri te: kmelongtok mang o mia, kam sirei, kam vle orom a vrek longeik, kam lo marer kmesik, kam vle lya ko kim o mia, kam ya mang o mia, kam vle ko kim o mia orom o keknen ruk o minar,

lPilipai 3:1

Koornopeik ruk mut kor mnam muk mang Ngoldaip he kmokpom kar, ktar mang dok kam rum kuaro rhek ri, kua svil kam havaeng nguk te, mguak sirei kngae mang Ngoldaip ge. Tesgun, ko ittiegom o rhek ruk endri ngang nguk. Va tete kat, tlo vua koppet ngang dok kam kta votam mar kat e, ko o rhek ri ngaka vle enangthe mula gulie to muk kam toot mang nguk mruo ormar.

lPilipai 3:3

Mguak ngangreal ngang nguk mruo mang ngar tok, ko her mor ruk ngot kor mnam mor mang e Yesus he kmokpom kar arhe, mor ruk E Nut mruo tmur kut el kta ngaelmir mruo kun mnam nguaro ngaongtok orom E Nunu A Totur, he nang mor kam totu pum E Nut vgum E Nunu A Totur tok. Ii, ko her mor ri kat arhe ngom lo kta serppak mang a keknen to kam paam lurokol kat e, kam sir malpgem kmel riring E Nut kam mon mor la mmok ko pum kalo keik vgum a keknen to endo tok. Nop hak! Ko her mor ri kat arhe ngom kle va kor mnam mor mang e Yesus To E Nut Thim Orom Ka msasaen he khover ka munik. Nang ngom lo kta serppak mang nguaro gi vrong keknen ruk ngat ottek mo mmie kat e.

lPilipai 4:4

Nang o mia tgus, kua svil kam havaeng nguk te: Mguak sirei mekam mekam ekam ko mut kor mnam muk mang Ngoldaip he kmokpom kar. Mare, ngora votam kuaro rhek ri kam havaeng nguk kat te: Mguak sirei.

lKolosi 2:6

Muk, mut her kol a re to mang e Yesus te, her en arhe Endo E Nut Thim Orom Ka Msasaen ko e Epapras tpolger o rhek ngang nguk mang tok. He enang tok, mut her mon nn te, Muldaip to en kat. He ekam tok, mularo keknen ngak ngae sim ktua kolkol e Yesus ktakor kat,

1Pita 1:8

Muk mut lo si vokom e Yesus vop, vanangko mum her kaelongtok mang ge. Va mum lo sia vokom tete kat gi, vanangko mum mi kut kor mnam muk mang en he kmokpom kar kat ge, he ksirei orom a sirei to a ho lautar hak ko mula sirei tho mi ktua kerngorom muk hak he kaenpgam muk kam hover E Nut ka munik.