E Stepan ta keknen ngang e Sanhendren mang ngarores ko ngma kpiem E Nut kalngunes tok, to tle khavaeng ngar te, “Ii, her muores msim ruk arhe ngat lol E Nut karo mur pos mruo, endruk telik ko vgum o engyel ngang ngor kmeharom mar. Vanangko tete muk mum kle va ka kpiem mar he lo kat kaikkiem mar kat e. He enang tok, her muk ri arhe, mut ho mi kut kaenang muores tok kat ko mum vua kpiem E Nut karo rhek he kaengnam mar he ktok pelam muk kmar gi enang muores tok kat arhe. Ii, mut kaenang ngar tok kat, ekam ko muma sir malngaeng E Nunu A Totur gi enang ngar tok kat. Mu havaeng dok na, mut kais kam pat mang a propet tang ko muores ngat lo vur im gi? Her o propet ruk arhe endruk ngta ktar kpavap mang Endo Nam Vu Kaikkiem E Nut Karo Pos te, nak kaol kpis, va si muores ngat her kle kaim mar kat. Ii, va kmikkiem enang ngar tennik tok kat, her muk ri tete kat arhe mut her kle ktua kael mularo yaik ngang Endo kat, va kle kut kaim kngam a yoror hak. He enang tok, mularo keknen ta khenam te, mut ho mi kut kaenang o mia ruk ngat lo kol E Nut ka ngaelmir to kam khenam ngang o mia te, ngta mokpom kar. Ii, mut kaenang endruk ngat lo paam mar tok arhe.”
lRom 2:25 - E Nut Ka Meer Mang Ka Mokpom To A Gunngar25 Va muk ruk o Yuda mut kol E Nut ka ngaelmir to kam paam lurokol kam khenam te, muk E Nut karo mia mruo ngola? Mare, va enangthe mup sim kut kaikkiem karo pos enang tok, va E Nut ner mia vokom muk tok. Vanangko enangthe mup kle lo sim kut kaikkiem E Nut karo pos va mguera vle gi enang o vrong rhek ruk ngat lo paam mar vop, ko mar ngam lua vle ku meorom E Nut karo pos nga serppak e. အခန်းကိုကြည့်ပါ။ |
lRom 2:25
16 ပူးပေါင်းရင်းမြစ်များ
Ii, ko o vrong rhek ngat lo si paam mar kam khenam te, mar E Nut karo mia mruo, vanangko enangthe ngap kle sim kut kaikkiem ngartaro keknen mruo he ksarim E Nut karo pos orom mar, va E Nut ner le kpat mang ngar te, ngat her mi kut kaenang endruk ngat paam mar kam khenam te, mar E Nut karo mia mruo enang tok.
Vanangko muk o Yuda, her muk ruk arhe mut mi kol E Nut ka ngaelmir to kam paam lurokol kam khenam te, muk E Nut karo mia mruo. Va her muk ruk o Yuda kat arhe mut mi lol E Nut karo pos kat. Mut si vle enang tok, vanangko mut kle va ka kpoot mang E Nut karo pos ruk ngat ittiegom mar ge. He ekam tok, o vrong rhek ruk ngam sim kut kaikkiem ngartaro keknen mruo kam sarim E Nut karo pos orom mar, nang ngat lo kol a ngaelmir to kam paam lurokol, her mar ruk arhe ngar kommen muk ruk o Yuda orom mularo kerkeknen kam mon muk ormar.
Mare, nera vle ngang nguk ruk o Yuda gi enang tok arhe, ko mut lo is hak kam gia mon muk mruo kuon mang mularo pkor te, muk o Yuda, gi ekam ko mut kol a ngaelmir to kam paam lurokol e. Nove. Ko a ngaelmir to kam paam lurokol ta khenam te, a mhel ta vle ngang E Nut mruo, nam lo gia vle kuon mang a mhel ka vok tuk e.
Ii, si o mia ruk ngam kaikkiem a keknen to kam paam lurokol, mar ngat si kaikkiem a pos to endo, vanang o pos akuruk ngam kle lo sim kaikkiem mar kat e. To nngia ko ngam kaenen mkor muk kam sim kut kaikkiem a pos to kam paam lurokol? Ngam mi kut kaenen mkor muk tok, he nang mar kam mrua hover mar mruo te, ngat paam muk he, he kael muk kam ngamkhor kar o Yuda akuruk kat.
Ko alo keknen ri, endo kam paam lurokol va endo kam lua paam mar, nong ka serppak ngang ngin hak to tis kmel mor kam vle la mmok ko pum E Nut kalo keik e. Nove. Nangko a her gi papat atgiang ko ka serppak tis kmel mor kam vle la mmok ko pum E Nut kalo keik her a papat ta te, Ngoldaip mruo kam mur kaeharom mor, mor kam pis o gunngae.