Kua re tok, vanangko mguak or kam pat re te, dok to ngora mon muk orom mularo kerkeknen ko kim E Titou. Nove, ngor lua kaeharom tok e, ko her E Moses to arhe, endo nera mon muk orom mar ekam ko muma vle pum karo rhek kam nho mkor mar, enangthe mar ngat kais kmel muk kam vle la mmok ko pum E Nut kalo keik.
lRom 2:23 - E Nut Ka Meer Mang Ka Mokpom To A Gunngar23 Va muk ruk mum mrua per orom muk mruo ko E Nut ten karo pos ngang nguk, va mum lua kpiem E Nut ka munik kam lo kaikkiem karo pos ruk endruk kat ge? အခန်းကိုကြည့်ပါ။ |
lRom 2:23
14 ပူးပေါင်းရင်းမြစ်များ
O vrong rhek ngma vle tok arhe, vanang muk ruk o Yuda, mum mrua mon muk mruo te, muk o Yuda ko mum kaikkiem o keknen akuruk yok gi ngola? He muma pat re te, E Nut nma mon muk la mmok ko pum kalo keik her vgum ko her muk ruk arhe endruk E Nut ten karo pos ko maktiegom muk kat ngola? He mut mrua per orom muk mruo km re te, “E Nut tel mor o Yuda kam vle la mmok ko pum kalo keik.” Muma re tok kat ngola?
He ekam tok, ngot lo kais kam kta mrua hover mor mruo pum nguaro mur reha mruo kat e. Nop hak. Kman? Ko mor mruo ngot lo is hak kmeharom mor mruo, he nang E Nut kam mon mor la mmok ko pum kalo keik vgum ko ngom sim kut kaikkiem karo pos kam sarim mar e! Nop hak! Ngot lo is kam mruo hover mor mruo tok, ekam ko her gi E Nut tuk atgiang arhe to tkais kmaeharom mor, he nang En kam mon mor la mmok ko pum kalo keik, gi vgum ko ngot kor mnam mor mang e Yesus he kmokpom kar arhe.
Ii, kua rere mang ngar ruk kua ngausie msim to lIsrael arhe. Ko E Nut ta ktar her mi kut el mar ruk lIsrael kam vle te, kles msim ruk mar. Ii, va her mar ruk arhe E Nut ther ktar el ka papat mang ngar kam khenam ka mmok ngang ngar. Ii, va E Nut ta ktar her mi kut mokpom kar her mar ruk lIsrael kat arhe. He her mar kat endruk ngta ktar klol E Nut karo pos kat. Va her mar ruk kat arhe endruk ngat lol o papat ruk kam sim ktua totu pum E Nut ormar kun mnam E Nut ka maksien kat. Va her mar ruk kat arhe ngat lol E Nut karo tnangal ko vgum En kat.
ကြော်ငြာတွေ