lRom 15:24 - E Nut Ka Meer Mang Ka Mokpom To A Gunngar

²⁴ ko her el kua papat he te, kam ktar ka khap he ka ptang nguk ko mRom na ko nguak ngae ngok ma Spen, he nang muk ruk ko tok mRom kmel kualo nhar ma mmie mnam kua ngae to endo. Ii, kua nho mkor muk kam turang dok tok, kopekam ko ngua vrua vle ko kim muk mo kenho akor kam sirei kar muk na to kle klapsa kngae ngok ma Spen.

lRom 15:24 ပူးပေါင်းရင်းမြစ်များ

O Aposel Ngaro Reha 15:3

To ngat kael ngaro singni kuo mang ngar to her kael mar ko va ngaelaut mar kam ngae. Ngat kaelpun kvaik kottek mnam o rengmat ruk kun mnam alo mhe ruk e Ponisia va e Samaria kmelha khavaeng o mia mang o vrong rhek ko ngat hortgi he kor mnam mar mang e Yesus he kmokpom kar. Ngata havaeng ngar tok, to endruk ngta mokpom kre Yesus ko mPonisia va mSamaria ngata sirei mang ngaro rhek.

O Aposel Ngaro Reha 19:21

Kam ngae ko o tgoluk ruk endruk ngat nop, to e Pol ta pat kam ngae mYerusalem kmikkiem a ngaelaut to ta ngae kun mnam alo mhe ruk e Masadonia va e Akaia. Ii, ta pat tok ekam ko tkael mnam te, “Nguak ngae kpis ko tok mYerusalem na, to le kngae ngok mRom kat.”

O Aposel Ngaro Reha 21:5

Vanangko endruk ma langail ngat el o tgoluk ko paat knop, to ngot re kam parem mar ko tok kam kta ngae ngok mYerusalem, to e Yesus kalngunes kar ngalkhengol va ngles tgus ngat kaikkiem mor petgim a rengmat to endo kam ngae kael mor ko va ngaelaut ku mou. Ko tok va mou ngot hera tubulkek kam ngarkie. Ngota ngarkie knop, to kmo mrung ngor to ngot her kta kar mnam a langail, nang mar ngat kaeknik ngok mrek. To ngot hera parem a mhe to endo to hera ngae.

lRom 1:12

Ii, he enang tok, muk kar mor ngruer kais kam mo enkrovgem mor mruo orom nguaro papat ruk kmor mnam mor mang e Yesus he kmokpom kar.

lRom 15:28

lMasadonia kar lAkaia ngaro papat ruk kmor mnam mar mang e Yesus he kmokpom kar ngat el mit orom ngaro miel ruk orom o krek ri. He ko pekam ko nguak tarkanang a ngaeha to orom o krek ri, kam mi kut kaelik ko maktiegom o Yuda ruk ko mYerusalem, ngor kle klapsa ka ptang nguk na, ktar mang dok kam ngae ngok ma Spen.

3Yoanes 1:6

He E Nut ka ngaomevek to moti, ngot her kol a re to mang ila keknen to kmelongtok mang ngar enang tok. Ii, tmi kut ya hak yin kmel ngaro nharok ma mmie ko ngam re kar ko va ngaelaut ka gu kam ngae. Ii, ngiak kaeharom tok ngang ngar kngae ge, gi enangthe mup kaeharom ngang E Nut msim tok kat.