lRom 14:1 - E Nut Ka Meer Mang Ka Mokpom To A Gunngar

¹ Vanang mang o mia ruk ngaro papat ruk mang E Yesus ngat lo vua serppak vop, mguak or kam mon mar orom ngaro papat ruk yok he klikim mar ko muma kolaspa kam pat mang ngar te, ngat kernonho. Ii, endruk ngaro papat ruk yok, o mia ngam sia mo kla orom o rhek mo kmar mang ngar, vanangko muk, mguak kle va kvaeng ngar kam vle ko kmuk ge.

lRom 14:1 ပူးပေါင်းရင်းမြစ်များ

E Matyu 12:20

Vanang ner kle va smia nho mang o mia, endruk ngaro imuo ngma kolaspa mang ngar. Ii, ner smia nho mang ngar enang a mhel to nam smia toot mang ka loot he kael a tataeng orom a veep ko nma kolongret. Ii, va ner lua rum kim o mia ruk ngam lo vua serppak kat e. Nove. Ko en ner lua vle enang a mhel to ta tver a paei ko tgia vur ktep e. Ii, va nera polger o rhek ruk mang kam mokpom kar dok ngang o vrong rhek kais ko kua serppak nak kir kim mar tgus he kua tavgo kam komor mar. He vgum kua tavgo enang tok, o vrong rhek ngar kael ngaro papat lserppak kam nho mkor kolkayie msim ta arhe.”

E Matyu 14:31

A gi hi to ta kaurur kim e Yesus, e Yesus ta tuom ka ktiek he ka kpom va kreng te, “Ye ho mi ktua kenhor mang dok hak! Kman ko im vua sei kam lopumtang pum dok?”

E Matyu 18:10

To e Yesus ta rere kngae vop te, “He ekam tok, mguak ngangreal ngang nguk kam lua karkar mang tang mnam kolngunes ruk endruk ngat vur kor mnam mar mang dok orom ngaro papat ruk ngat lo vua serppak mang dok vop. Ko si ngaro engyel ruk kuon ma volkha va ngma toot mang ngar ko kim E Titou tkuon ma volkha kalo keik kat. [

E Mak 7:19

Ii, ngat lo is tok, ekam ko ngam lua kolongret ogun mnam ka ngaung e. Nove, ngam kle gia kolongret ngogun mnam ka vrek to kle gi kottek kat ko a mhel nam gia ppie ormar.” (He ekam e Yesus karo rhek ruk endruk tok, e Yesus ta tting mang o gi vrong ol tgus te, ngata mmok kmemik.)

E Luk 17:2

Ii, ko te sei kam ya hak ngang a mhel to enda kam vle vgum a kapnes to ngaka kleng a kre to klalaut ko porom ka ngoro he kngam ogu ma ho mlin, en kam yor. Vanang ner mi ktua kernonho hak ngang, en kam vle vgum a kapnes to E Nut ner kaen ngang ko nap kait tang kun mnam o mia ruk endri ko ngaro papat ruk mang dok ngat lo vua serppak vop he nak kaeharom a kerkeknen ekam tok.

E Yoanes 13:20

Ii, ko smia mien ngang nguk te, ani mhel to nak ngatkal mang ani mhel to kua meng ko tkol kua gu, ther mia ngatkal kam vle ku meorom kua tavgo tok kat arhe. Va ani mhel to ta ngatkal mang kam vle ku meorom kua tavgo tok, ther kle mia ngatkal kat kam vle ku meorom Endo tmeng dok ngte ka tavgo tok kat.”

lRom 11:15

Ii, kom kaeha ngang nguk enang tok, ekam ko kua mnor mang o Yuda te, E Nut ta ktar el ka yaik vur lhok ngang karo mia mruo ruk endruk la totur, petgim kalo keik enang tok, her mi kut kmel a longmok ngang nguk o vrong rhek tgus ruk mo mmie kam kaum kar karo mia mruo la totur enang tok kat arhe. Va a longmok to endo ta vle ngang nguk o vrong rhek tete, he nang muk kam le kmonho kar E Nut, mar kam vle te, karo mia mruo ruk la totur tok kat, her gi vgum ko o Yuda ruk la totur ngata ktar kvuut he koregot kim muk, muk kam le kvaik kun mnam E Nut karo mia mruo tok arhe. Mare, E Nut ta ktar si el ka yaik ngang o Yuda vur lhok tok, vanangko koknaik ner le kat kael mar kam kaum kar o vrong rhek kam kta vle kat te, karo mia mruo kat, to le kaum khover mar petgim ngaro nnak kar o vrong rhek tok kat.

lRom 14:2

Ko a mhel to karo papat ruk mang E Yesus ngta serppak, en nam kael ka papat te, en tis kmem o vrong relot tgus. Vanang kaela to karo papat mang E Yesus ngat lo vua serppak vop, en nam kle kut kael karo papat ruk yok te, en tlo is kmem o gi vrong relot tgus ruk enang tok to le gi kaem o gi ol tuk. He ekam tok, o mia ngama mo kla orom o rhek mo kmar mang tok.

lRom 14:21

He ekam tok, ta vrua ya, yin kmem o gi vrong relot. Vanang ta kle ho mi kut ya hak, yin kam or kmem o gi vrong relot, va lo kaiviem a vaen, i o kam lo kaeharom oni vrong keknen akuruk ko ngam kaop kim inopia kam vuut orom karo papat ruk telik ngang E Nut vgum mar tok.

lRom 14:3

He ekam tok, endruk ngam kaem o vrong relot tgus, mar ngak or kam kekhet endruk ngam gi kaem o gi ol tuk. Va endruk ngam gi kaem o gi ol tuk, mar kat ngak or kam le kmon endruk ngam kaem o gi vrong relot tgus orom a kerkeknen tok kat. Ko E Nut thera tting mang ngar tgus.

lRom 15:1

He ekam tok, mor ruk nguaro papat ruk kmor mnam mor mang e Yesus he kmokpom kar ngta serppak, ngruak turang endruk ngaro papat ruk kmor mnam mar mang e Yesus ko ngat lo vua serppak he kaenserpagam ngaro papat ruk mang o vrong keknen ruk endruk, mar kam lua lopumtang pum ngartaro papat mruo mang ngar. Ii, ngruak kaeharom tok, nang lua vle pum a keknen to kam gi vrong kolaspa kmeharom ngortakor kmensireim mor mruo orom mar tok. Ngruaka vle tok, ekam ko her ngua ngaeha msim to arhe.

lRom 15:7

He ekam tok, mguak mo nho kuon mang nguk, gi enang Endo E Nut Thim Orom Ka Msasaen ko en ta nho kuon mang nguk tok kat, to endo yek, o mia ngar kais kam hover E Nut ka munik her vgum muk tok arhe.

lRom 4:19

Ii, e Ebrehem karo pnes ngat kais te, o mhelom aktiek, va tmi kut mnor hak he te, ktavlom tlo kat kais kmel ka vrek mang en kat e. Va ta mnor mang ktavlom kat te, ka vrek ka vgon ta tok kat. Tsi kut mnor tok, vanangko tlua lopumtang mang E Nut ka tnangal to endo e.

1Korin 9:22

Va ko her mrua krus orom dok mruo he, kam mur kael dok kam vle enang endruk ngaro papat ruk mang E Nut ngat lo vua serppak, he nang dok kam rere mnam akuruk mnam mar tok kat. Mare, koma krus orom dok mruo kam mur kael dok mruo ngang o mia tgus tok tete vop, dok kam vle gi enang ngar tok arhe, he nang dok kam rere mnam akuruk mnam mar he ksusulgim mar vgum ko koma vle orom o gi vrong papat ngo mamten ruk endruk tok.

lPilipai 2:29

He ekam tok, mnam a kolkha to na kaeknik he kpis ngok kmuk, mguak kunngir kim kam khenam mula sirei to alaut ngang, ko e Yesus kalkayie to en. Mu ngnek na, ekam ko muk tgus mut lo is kam kaum he mur kaol ngte kim dok kam mrua tatar dok moti, mut her el e Epaprodaitus kam kol mula ngaekam to mut her meng en ngte kim dok ngola? Yu! He enang tok, mguaka nho orom o mia ruk enang en, ekam ko en tmur slak orom en mruo kmeharom e Yesus karo reha tok. Ii, ko tsi kol a yor to tkais kam ngam a yoror, vanangko tkut kaeha kngae ge, kam kol mula ngaekam tok.

1Tesalonika 5:14

Vanang koornopeik, mu vokom endruk mnam mar ko ngat gia vle te, mar o lo ehaneng. Ko ko kaurur kim muk te, muk kat mguak kle kaekon ngang ngar kmengorang ngar tok kat. Va mguak kaenserpagam endruk ngam vua leep kim o mia. Va mguak smia klup engnang endruk ngat lo vua serppak. Va mguak or kam gia kolaspa kmeloong kmesik ngang ngar kat.

lHibru 5:14

Vanangko o papat ruk laol, endruk mang E Nut kam mon muk la mmok ko pum kalo keik, mar ngta vle enang o ol ruk lserpgue. Va o papat ruk endruk ngta vle ngang endruk o tger, ko her o mia ruk o tger arhe ngam mrua ngangam kim mar mruo mekam mekam mang E Nut karo rhek ruk laol he mur kaelelkim mar mruo tok, kam mnorvek pum o keknen ruk lyar va endruk ngat kernonho.

2Yoanes 1:10

Yu! To ani mhel to nak kaol kpis kim muk he kpatter muk he kut kaol yok ge mang o rhek, endruk te, e Yesus en Endo E Nut Thim Orom Ka Msasaen, va mguak or kam ngatkal ngang kam vaik ko tok mnam mularo rektor e. Va mguak or kam kta ring ya ekam ko tok kim muk kat e.