lRom 13:5 - E Nut Ka Meer Mang Ka Mokpom To A Gunngar

⁵ He ekam ko mulmialaol ngma kol E Nut ka ngaekam tok, va mgua mrua slak orom muk mruo he kngan vgum mar, matok nok nga kle va kmonik kim a kapnes ngang nguk vor. Ii, va mguak ngan vgum mar tok, he nang mularo vurkul kam mrer kim mar.

lRom 13:5 ပူးပေါင်းရင်းမြစ်များ

O Aposel Ngaro Reha 24:16

He ekam tok, kom kaenker orom kua vok kam ngae mia mrer hak ko pum E Nut kalo keik va ko pum o mia ngaro kerok kat.

lRom 13:6

He kmikkiem a her gi papat to kat arhe, mguak le kat kaenkim mar orom o takis kat, ko mulmialaol ruk mkor a gavman, her mar E Nut kalngunes ruk ngma tagur pum a ngaeha to kam nho mang nguk tok arhe.

lHibru 13:18

Va mguak ngarkie mang ngor ruk moti kat ko dok kar endruk mo kmok, ngota mnor hak te, nguaro vurkul ngta mrer ko pum E Nut kalo keik kat, he ngota svil nguaro ngorsang tgus kam mmok tgus hak, he nang o mia tgus kam nho orom mor ekam mar.

1Pita 2:19

Ko E Nut nma kanprim a mhel to ka papat nma vle mang En he kmatnge vgum o vokngnes ruk o mia ngam lua non kam kol a regesal mang en ormar, nang en tlo eharom a kerkeknen tang hak.

1Pita 3:16

Va mum si kaeharom mularo keknen ruk lyar, endruk mum kaeharom mar ko mut kor mnam muk mang e Kristus he kmokpom kar, vanangko o mia ngam kle kerrereng nguk ge. Vanang mguak totu pum mar kmoripang ngar orom mularo vurkul ruk ngat gia mrer mekam mekam ko pum E Nut kalo keik, he nang mar kam mrua leep pum ngaro rhek mruo ruk ngma rere pum muk ormar kmegom kam kering mularo mnok ormar tok.