lPilipai 2:9 - E Nut Ka Meer Mang Ka Mokpom To A Gunngar

⁹ He ekam tok, E Nut thover en kam kol a ngaekam to tho mi laut hak kir kim o ngaekmol tgus. Va E Nut ta kilegem orom ka munik to a ho lautar hak kat kam mon o mia tgus Ngaldaip to en.

lPilipai 2:9 ပူးပေါင်းရင်းမြစ်များ

E Matyu 11:27

Tngarkie tok knop, to le kreng a mumu te, “E Nut tel ka serppak tgus ko maktiegom dok, nang nong a mhel tang ta mnor mang E Nut Khal e, gi E Titou tuk. Va nong tang ta mnor mang E Titou kat e, gi Khal mruo tuk, kar endruk kua re pmar kam khenam En ngang ngar.”

E Matyu 28:18

To e Yesus tkaursie ngok kmar he khavaeng ngar te, “E Nut thim dok orom ka msasaen kam nho mang o tgoluk tgus ruk mo mmie va kuon ma volkha kat orom kua serppak.

E Luk 10:22

Tngarkie tok knop, to le kreng a mumu te, “E Nut tel ka serppak tgus ko maktiegom dok, nang nong a mhel tang ta mnor mang E Nut Khal e, gi E Titou tuk. Va nong tang ta mnor mang E Titou kat e, gi Khal mruo tuk, kar endruk kua re pmar kam khenam En ma mmok ngang ngar.”

E Yoanes 17:11

He tete, ngor lo kta vle lvur lhok mo mmie kat e, ekam ko ko re kmaol ngok kmin he. Vanangko endruk yel mar maktiegom dok, ngara vle mo mmie vop. He ekam tok, Titou, yindo a Totur, ngiaka nho he ktoot mang ngar orom ila serppak to nam kottek ekam ila munik to ye mrua sgum dok orom kat, he nang mar kam kaum kaeha ngang yin orom a pat atgiang, gi enang ko yin kar dok mota kaum kaeha orom a pat atgiang tok kat ko koma par mnam yin va yin ima kha orom dok.

E Yoanes 17:12

Ii, tie ko kua vle mo kim endruk yi mur el mar maktiegom dok mo mmie, ko her sim ktua nho he ktoot mang ngar he, orom a serppak to mkor ila munik to ye mrua sgum dok orom. He ekam tok, ko her lo moslam tang hak mnam endruk yelik maktiegom dok. Gi endo a her sim kut tgiang tuk, endo a kapnes to a ho laut hak tmi kut vle kuon mang kpaneng gi. En tuk ta ksir petgim dok kmaottam ilaro rhek ruk ngat ittiegom mar enang tok ge.

E Yoanes 17:5

He ekam tok, tete, Titou, ngiak teiver dok he kta khenam kua serppak tete mo pila lo keik, gi enang tiok ko yi teiver dok orom kua serppak ko kua vle ko kmin vop, tie ktar ko yi lo kueng a mmie vop.”

O Aposel Ngaro Reha 5:31

Ii, va E Nut to kat arhe endo ta teiver e Yesus, va her En to kat arhe ten a ngaekam to nma nho orom ngang ko mnam ka miktiek. Ii, E Nut ta teiver e Yesus tok en kam vle te, ngua Taven to kam Sulgim mor. Va E Nut ta teiver e Yesus tok, mang a ngaeha to kam sulgim lIsrael, mar kmitgung ngaro kerkeknen, he nang En kam lol patgiang ngaiting.

lKolosi 1:18

Va e Yesus nma nho mang kakro ngaomevek ruk ngta vle enang ka mur vok mruo. Ko her en kat arhe, endo kakro ngaomevek tgus ngat pal mnam orom ngaro ngorsang ruk o gunngae kat. Va her en kat arhe, endo ta laut he ka nho mang endruk tgus ruk ngak hop petgim ngakro nnak kam vle orom a ktalhok to kam plong vle ko kim E Nut ngnik ngnik kat. He enang tok, en ta laut mang o vrong tgoluk tgus kir kim mar hak.

2Tesalonika 1:12

Mare, ngoma ngarkie ngang E Nut mang nguk tok, he nang muk ruk mut kor mnam muk mang Ngoldaip e Yesus he kmokpom kar, kam hover ka munik orom mularo keknen ruk endruk, va En kat kam kle ktua hover muk tok kat orom karo keknen ruk kun mnam muk tok kat. Ii, ngota ngarkie tok, kmikkiem gi enang ko E Nut kar Ngoldaip e Yesus Kristus nginma ring ya mang nguk tok.

lHibru 1:4

He ekam tok, tete, e Yesus ka serppak ta laut he ho mi kut kir kim o engyel hak enang tok arhe, kmikkiem gi enang ko ka munik to tkol ko mkor Kteit ta laut he ho mi kut kir kim o engyel ngaro mnok tok kat.

lHibru 1:9

Ii, ngira vle tok, ekam ko tennik kam ngae kais mang tete, im her gia svil mang o keknen ruk ngat vua sir hak enang tok, nang im lua svil hak mang endruk ngat kernonho hak. He ekam tok, dok to E Nut, Dok to ima totu pum dok, kua sirei kam hover yin kir kim ilenar tgus vgum ko ko her him yin orom kua msasaen.”

lHibru 12:2

Mor ge, mor ge! Ngruak kael e Yesus ktar ko pum nguaro kerok mekam mekam ko her en arhe, endo ta plam a valngan to orom mor ruk ngot kor mnam mor mang en he kmokpom kar ko ta tarkanang ka ngaeha to kam yor, he nang mor kmor mnam mor mang en tok arhe. Ii, va her en kat arhe endo tmatnge vgum o nganngannes ruk mkor endruk ngat krong orom o ot kvat engnang a ho he kaennegiang ngar. Tennegiang ngar tok, gi ekam ko tel a sirei to nera kol koknaik oguo ktar ko pum kalo keik. Mare, tel a sirei ktar ko pum kalo keik tok, nang kle gia vle orom a leep to o mia ngat ngam kuon mang vanie, to le kyor engnang a ho. Tyor to her le ka grap ngoguon ma volkha kmorsang ko vanam E Nut ka miktiek ko mnam E Nut ka ngorsang.

lHibru 2:9

Vanangko e Yesus to tmur krus orom en mruo kam mur kaellik orom en a mi mhel kam vrua konner o engyel, en ngot kle mi kut vokom en tete te, E Nut teiver en kam him orom ka msasaen kam khenam ka mmok orom en tok. Ii, ngoma vokom e Yesus enang tok, ekam ko tkol o nganngannes he kyor mang o mia, he nang E Nut kam ring ya mang o mia tgus orom ka yor to endo ko tlol o mia tgus ngaro ngaekmol kam yor tok.

1Pita 3:22

he ka grap ngoguon ma volkha kmorsang ko vanam E Nut ka miktiek. He ekam tok, o engyel, o vrong serppak, va o kool, ngam mrua krus orom mar mruo ku penharom en kam vle ku meorom ka tavgo ko tok.

3Yoanes 1:7

Ii, ko o mia ruk endruk tok, ngta kpom E Nut karo reha kmelha kpolger o rhek ruk mang e Yesus kun pgegom o tamatan. Nang ngat lua tting mang o tamatan ruk endruk kam tar mar orom o tgoluk akor e. Nop hak.

O Ngaelmir 11:15

To ko pekam o tgoluk ruk endruk ko vokom a engyel to aktiek hori orom alomin orom ko thupum ka nglung kat. Thupum to o engyel ruk kuon ma volkha ngat kaelha kam kni klik te, “Ngoldaip to E Nut kar Endo Thim Orom Ka Msasaen ngint kir kim o vrong serppak tgus ruk mo mmie. He tete, nginalo serppak mruo tkomor mar tete kngorom kngorom.”

O Ngaelmir 19:16

Va E Nut tittiegom kalo munik ruk yok ko mang ka knau va kuon mang ka yet te:

O Ngaelmir 3:21

Va o mia ruk ngta matnge vgum o vnek kir kim mar he kor mnam mar mang E Nut he kmokpom kar ge, her endruk arhe ngor kaenserpagam mar kmorsang ko kim dok kuon mang kua ngorsang to kom korsang kuon mang ko kua tavgo ta vle kuo mang o mia. Ii, ngar korsang ko kim dok tok, gi enang dok ko ko kir kim o vnek gi enang tok kat he korsang ko kim E Titou kuon mang ka ngorsang tok kat.

O Ngaelmir 5:12

Mar tgus ngat kaum ka kni klik pum A Sipsip To A Sital te, “A Sipsip To A Sital, her en tmi kut is arhe kam lol o mia ngaro rhek ruk ngta kanprim he ktotu pum en ormar. Ii, tmi kut is kam lol ngaro rhek ruk ngta kanprim en ormar mang ka serppak, karo vu tgoluk, karo vu papat, ka tavgo va ka mmok kat. He en her Endo ngat im kngam a yoror kat arhe.”