lPilipai 2:5 - E Nut Ka Meer Mang Ka Mokpom To A Gunngar

⁵ Ii, mgua sim kael mularo papat kun mnam muk kmikkiem e Yesus kta papat mruo, ko En tsia vle te, Endo E Nut Thim Orom Ka Msasaen, vanangko te mrua krus orom En mruo kmikkiem enang ko o mia ngma kni orom te:

lPilipai 2:5 ပူးပေါင်းရင်းမြစ်များ

E Matyu 11:29

Mguaka slak orom muk mruo he ka tting kam vat kar dok va klol o rhek vgum dok, ekam ko dok koma grung orom dok mruo, he lua guragura ormok mang o mia e. Mguaka tting kam vat kar dok va klol o rhek vgum dok, he ekam tok, dok ngor kael a vrek longeik ngang nguk he mularo vurkul ngara ya vgum dok tok.

E Luk 22:27

Mu vokom na, edim mnam alo mhel ri ta laut kir kim kaela, endo tkol a ngaekam to kmorsang ko va psen kmemik, i o endo nam kaeha ngang o mia kam krong o ol ngang ngar? Te her endo nam korsang ko va psen ngola? Mare. Vanangko mu vokom na, dok ko her pis mo pgegom muk kam kle va ka vle enang endo nam kaeha ngang o mia.

O Aposel Ngaro Reha 20:35

Ii, va kom vu kaeha lserppak enang tok, kam khenam kuaro reha tgus ma mmok ngang nguk, muk kam vokom mar to le kol a pat te, mor tgus ngruak sovet kmeha gi enang tok arhe, mor kam nngiar ngang endruk ngat lo vua serppak kmeha kam turang ngar tok. Ngruaka nngiar ngang ngar tok, ko ngota pat mang e Yesus karo rhek mruo ko thavae ormar te, ‘Endruk ngta nngiar ngang o mia her mar ruk arhe ngata lgekol, vanang endruk ngma ring mnam mar kam le gia lol o tgoluk mkor o mia ngat lua lgekol enang ngarlenar tok e.’”

lRom 14:15

He ekam tok, enangthe mula to endo napa vokom muk ko mum gi kut kaikkiem mularo papat to kmem o gi vrong relot, he mula keknen to endo tre kam hos kim mula to endo karo papat ruk telik ngang E Nut, va ta khenam te, mum lo sim kaelongtok mang mula to endo e. He ekam tok, mum si pat mang mula keknen to a yar te, o gi vrong relot ngat gia mmok, vanangko mguak kle kor kam kering muornopeik ngaro papat ruk ngat elik ngang E Nut orom mula keknen to a yar to endo kmemik tok. Ii, mguak or kam kering ngar tok, ekam ko her o mia ruk endruk e Kristus tyor mang ngar kat arhe.

lRom 15:3

Ii, ngruaka vle tok, kmikkiem her gi enang ko Endo E Nut Thim Orom Ka Msasaen nam hera vle tok kat arhe. Ko si en mruo kat, va nam lua vle pum a keknen to kam mur kaensireim en mruo e. Nove, ko en ta kle kpat mang ngor kmikkiem gi enang ko e Devit ta vle orom a keknen to endo kat ko thavaeng E Nut te, “O rhek ruk o mia ngma kerrereng yin orom mar, dok mruo ngor mrua lol kuon mang her dok ta arhe.”

lRom 15:5

Ii, he her E Nut to arhe, Endo nam kaenserpagam o mia kam matnge vgum o vnek ruk tok. He ekam tok, kua ngarkie ngang E Nut, En kmeharom mularo papat tgus ruk mum kaikkiem e Yesus Kristus ormar, mar kam kaum kpis te, atgiang kun mnam muk.

1Korin 10:33

Ii, mguak kle va kaegom mularo serppak tgus kmensireim mar orom mularo gi vrong reha tgus, gi enang ko dok koma vle tok kat. Ko dok kom lua ring ya mang kua ngorsang mruo kam ya tuk e. Nove, kom kle va kring ya mang o mia kavurgem ngaro ngorsang orom o vrong keknen tgus ha, mar tgus kam ya, he nang E Nut kam kle ksusulgim mar.

lEpeses 5:2

kmelongtok mang o mia kmikkiem gi enang Endo E Nut Thim Orom Ka Msasaen ther khenam ka keknen to kmelongtok mang ngor tok kat, ko tmur en en mruo kam yor mang ngor. Ii, tmur en en mruo ngang E Nut tok enang a nngiar to kam ngam menglol mnam E Nut ka vrek. Tmur en en mruo kam yor tok, he ka vle enang a nngiar to orom ka gri to tgi ya, endo a pris nam kaen ngang E Nut.

lPilipai 1:1

Vae, dok e Pol kre Timoti mota kaum ka vle moti. Muo e Yesus To E Nut Thim Orom Ka Msasaen klo kaloyie ruk mom kaeha ngang. Muk ruk E Nut karo mia mruo ko mPilipai, muk ruk mut kor mnam muk mang e Yesus te, en her Endo E Nut Thim Orom Ka Msasaen he kmokpom kar, ko kaittiegom kua hor ta ngang nguk kar mulmialaol ruk ngama nho mang nguk va endruk ngma turang ngar orom ngaro reha ngang nguk kat.

1Pita 2:21

Ii, ko her gi mang a papat to muk kam lol o vnek msim arhe E Nut tvaeng nguk kmor mnam muk mang e Kristus he kmokpom kar, ekam ko e Kristus kat, va en tmatnge vgum o vnek ruk tlol mang nguk tok kat. Ii, tmatnge vgum mar tok, he nang muk kam kolkol ekam en kam kar ekam karo leik tok kat. Ii, ko en

1Pita 4:1

He ekam ko e Yesus ta laut enang tok, va mgua mi kut kael mularo papat mang kam kerkolkol vgum o vnek kam vle tok, gi enang ko e Kristus mruo tkerkolkol vgum o vnek ruk endruk kuon mang ka vok tok kat. Va muk kat mguak sir kserppak orom a papat to endo tok kat kam toot. Ko ani mhel to nma kerkolkol vgum o vnek kuon mang ka vok tok, ta khenam te, ther mi kut ksir pum karo kerkeknen tgus, nang kle ka vle ngang E Nut he.

1Yoanes 2:6

He ekam tok, ani mhel to na mrua havae mang en mruo te, en nma par mnam e Yesus to tkaenang ke ho ka pun, va a mhel to endo nak karkar ekam e Yesus karo laek.