He her gi vgum a papat to endo msim arhe, yek kua re kam meng e Timoti ngok kmuk. Kua kvam e Timoti to kom kaelongtok mang te, ko hal msim he. Va en nam lo korim Ngoldaip karo reha kat e. Kua re kam meng en ngok kmuk, en kmel pat kim muk mang kuaro keknen ko dok koma kolkol ekam e Yesus To E Nut Thim Orom Ka Msasaen, endo kom kor mnam dok mang he kmokpom kar. Ii, kuaro keknen ruk endruk ngam kaikkiem kuaro rhek ruk koma patter E Nut kakro ngaomevek tgus ormar kun mnam o mhetor tgus.
lKolosi 4:8 - E Nut Ka Meer Mang Ka Mokpom To A Gunngar8 Ko ko re kam meng en ngok kmuk her mi kut mang a papat ta ti te, kam havaeng nguk mang dok ko ngat kaenpasiker dok moti, he nang en kmenserpagam muk orom karo rhek ruk mang dok tok. အခန်းကိုကြည့်ပါ။ |
lKolosi 4:8
16 ပူးပေါင်းရင်းမြစ်များ
Tiok kua kaurur kim e Taitus, yek en ta ngae ka ptang nguk, va ko meng ngor nopia langto, endo muta mnor mang kat, endo tkor mnam en mang e Kristus he kmokpom kar en kmikkiem e Taitus. Ii, va nok pathe her e Taitus to vor, endo tmas ormuk kam krong mularo vorngap he klol o krek mo kmuk kmenik ngang dok la tvok ngola? Nop hak, ko e Taitus tsim kut kolkol ekam dok, ko muo tgus mot gi mo enang tgus ekam ko muo tgus mot kaum mang a pat to atgiang, endo kam turang nguk. He mom kaeharom o keknen tgus kmikkiem a pat to tok!
To tete, mguak or kam kta ho vua vanker a mhel to endo orom a kapnes to tok. Orim he, nang kle va kol ka kerkeknen to endo patgiang ngaiting he kikiangae mang hak, nang kle va kat kaenkrovgem kat. Mguak kle kat kaenkrovgem he kol ka kerkeknen patgiang ngaiting, matok na ho vua mrung en mruo hak to ka mamrung nak vovoem tgus, to en ner kle mrua ksir petgim e Yesus hak vgum tok.
He ekam tok tete, ekam ko e Epaprodaitus ther ya he, ko ho mi ktua sirei hak kam meng en, en kmeknik ngok kmuk, he nang muk kam kta vokom he ksirei mang kat. He ekam ko mguera sirei mang tok, va dok kat ngor kais kam lo vu kta papat mang nguk kat e, nang kua vrek ner kais kam kta kaisis vgum muk tok.
Ii, koma prongyek ka psek kmeha ngang nguk ruk E Nut karo mia tgus tok, ekam ko kua treil ta vle te, kmenkrovgem mularo vurkul, kam serppak mang e Yesus va muk kam kaum ka vle atgiang orom mula keknen to kmelongtok mo nguk mruo. Ii, kom kaeha ngang nguk tok, muk kam ho gia vle kia vul orom o papat tgus ruk mang E Nut, he nang E Nut kmel muk ma hor mang ka svil to mang e Yesus, endo tesgun E Nut nma tuvgom kim o mia. Ii, va E Nut ka svil to endo mang e Yesus to mgua smia mmok mang ta vle ti te, her en arhe Endo E Nut Thim Orom Ka Msasaen. He enang tok, mguera vle orom mularo gol ngo pneik ruk orom o papat ruk endruk mang E Nut tok.
nang kle kmeng e Timoti ngok kmuk kam kol a re mang nguk. En ngor nopia to tkor mnam en mang e Yesus he kmokpom kar kat. Va nam kaum kaeha kar muo ngang E Nut kam seneker a knovvur to mang Endo E Nut Thim Orom Ka Msasaen ko tkir kim e Seten. Ii, ko meng e Timoti ngok kmuk kmenserpagam muk va kmenkrovgem mularo papat ruk kmor mnam muk mang e Yesus,
He her gi vgum ko ngat kol a regesal mang nguk he kvanker muk orom o vnek ruk endruk arhe, kuaro papat ngat kervavle mang nguk tete. To ko her matnge vgum a vnek to kua vok kmel ring nguk kam ngae kais ko a vnek to endo tngae ho vanker dok he ko ho lo kat kais kam matnge vgum. To ko her meng e Timoti ngok kmuk he ko kua svil kam mnor mang mularo papat ruk kmor mnam muk mang e Yesus. Ko kua gor te, nok e Seten to nam kaegegom o mia na her egom muk orom o gi vrong vnek ngo mamten he mgua kle kvuvuut vgum mar tok, he nok ko gi mur koham nguaro reha ruk pum muk vgum o vnek ruk endruk tok kat.
Vanang koornopeik, mu vokom endruk mnam mar ko ngat gia vle te, mar o lo ehaneng. Ko ko kaurur kim muk te, muk kat mguak kle kaekon ngang ngar kmengorang ngar tok kat. Va mguak kaenserpagam endruk ngam vua leep kim o mia. Va mguak smia klup engnang endruk ngat lo vua serppak. Va mguak or kam gia kolaspa kmeloong kmesik ngang ngar kat.
ကြော်ငြာတွေ