lKolosi 3:6 - E Nut Ka Meer Mang Ka Mokpom To A Gunngar

⁶ Ii, va ekam o kerkeknen ruk arhe, E Nut ka ngaesik nera vle kuon mang o mia [ruk ngma kerngnek vgum En.]

lKolosi 3:6 ပူးပေါင်းရင်းမြစ်များ

lRom 1:18

E Nut nma vle kuon ma volkha orom ka ngaesik he nma khenam ka ngaesik to endo ma mmok kuon mang o mia ruk ngam lua totu pum En va kuon mang endruk ngam kaeharom o kerkeknen. Ii, o mia ruk endri ngama kir mang E Nut karo rhek ruk o minar orom ngaro kerkeknen ruk endruk tok.

lEpeses 5:6

He ekam tok, mu or kam mnang o mia ri kam krong mularo vorngap orom ngaro rhek ruk nong ngaro kleim ngang ngar. Ko her vgum o kerkeknen ruk endruk arhe, E Nut nam kael karo resik kuon mang endruk ngma kerngnek vgum En kmeharom mar.

1Pita 1:14

Ii, mguaka vle enang E Nut kles ruk ngam smia ngan vgum, nang lo kat kael ekam mularo pkor ngaro svil ruk ngat kernonho, endruk ko tesgun mum mrua ngam muk mruo ekmar ko mut lua mnor mang E Nut vop, he nang mar kam lo kta kaenpgam muk kmeharom mar kat e.

2Pita 2:14

Ii, ko ngam lua tu kmeharom a kerkeknen to kam vua nonhong lraip lurokol kam vret mar. Ko ngam kaeharom tok ngang endruk ngaro papat ngam lo vua serppak mang kmor mnam mar mang e Yesus he kmokpom kar kmit mar kam vret mar. Ko a keknen to a mhel kam gorgor pum lraip va lurokol kam mrua ngam en mruo ekam ngaro pkor ngaro sing mang ngar kam tmar kim mar tok tottep kun mnam ngaro vurkul hak. Enang tok, ngma vle enang a murgun to orom o vimol ruk E Nut ner ho mi ktua rum kim mar hak. Ii, E Nut nera rum kim mar hak ko

O Ngaelmir 22:15

Vanang laro pendol ruk ngma paeim o tgoluk, va endruk ngma mo vret mar, va endruk o pormia, va endruk ngma totu pum o matpil, kar endruk tgus ruk ngma svil mang o kerkeknen ruk kam kauyang o mia kam mas ormar, mar ngar gia vle ku mnok.