lHibru 6:3 - E Nut Ka Meer Mang Ka Mokpom To A Gunngar

³ Mguak ttek vgum o papat ruk laol mang e Yesus tok arhe, ko E Nut nak ngatkal ormuk kmeharom gi enang tok arhe.

lHibru 6:3 ပူးပေါင်းရင်းမြစ်များ

lRom 15:32

he nang dok kam le kngae kpis ngok kim muk orom a sirei, enangthe E Nut napa svil dok kam pis ngok kmuk. He enang tok, muk kar dok ngop kais kam mo enserpagam mor mruo.

1Korin 16:7

Klua svil kmaol ngok kmuk he gi kaen kauyang nguk ko nguak kaelha kaeha kngae ko mMasadonia e. Nove, kua nho mkor Ngoldaip te, enangthe napa svil, va dok ngora vle lhok ko kmuk koknaik.

1Korin 4:19

Vanangko enangthe Ngoldaip naka svil, va ngor kaol kpis ngok kmuk, gi vur koknaik. Yek endo yek, ngor kais kam mnor mang o mia ruk endruk ko ngam mrua per orom mar mruo nngia nngia orom ngaro ni rhek ruk ngma hover mar mruo ormar. Vanangko klua svil kam gi mnor mang ngaro gi rhek tuk e. Nove, kua svil kam mnor mang ngaro serppak kat,

lHibru 6:4

Mguak ngam mularo nharok ngoguon ngoguon tok, ekam ko E Nut ther valler muk he, va ekam ko mut her ngan mgaem E Nut ka nngiar to tottek kuon ma volkha, va ekam ko mut her ngan mgaem E Nut karo rhek va E Nut karo serppak ruk ngar kle yek kpis ma mmok mnam a venloot to koknaik yek. Va ekam ko mut her tuur mnam E Nunu A Totur kat. Ii, mut si ngan mgaem mar tok, vanangko enangthe mup kle kaol he ksir petgim e Yesus, va tngae ho lo is hak kam kta kait mularo papat kam kat kaitgung mula kerkeknen to endo kat e. Ngop ho lo kat kais kmit muk tok, ekam ko mguera vle enangthe muk mruo mguer kta kael E Nut Khal to endo ma mmok ko pum o mia ngaro kerok kam kta krong orom o ot he kta vat engnang a ho orom mula keknen to kam kser muk petgim tok. He enang tok, mguer kta ngam a leep kuon mang ko pum ngaro kerok tok kat. Ii, he enang tok, o mia ruk ngap kaeharom a kerkeknen to endo ngar ho mi ktua huo mang ngaro singni hak koknaik.

E Yems 4:15

Parem ko, mguak kle va kre te, “Enangthe Ngoldaip napa svil mor kam vle kmeharom a ngaeha ta, i o tang ko yok, va ngruera vle kmeharom tok.”