lHibru 3:13 - E Nut Ka Meer Mang Ka Mokpom To A Gunngar

¹³ Vanangko, a kolkha to ngang nguk kam mo kaenkrovgem muk mruo her enda tete arhe. Ii, va mgua mo kaenkrovgem muk mruo mo kolkhek tgus tok, he nang tang mnam muk kam lo kaen ekam E Nut vgum karo kerkeknen ko karo kerkeknen ngaro serppak ngama mas orom en kmenen en kam ngam en mruo ekmar he kaen ekam E Nut tok.

lHibru 3:13 ပူးပေါင်းရင်းမြစ်များ

O Aposel Ngaro Reha 11:23

E Barnabas ta ngae kpis ku to mia vokom te, lmien te, E Nut ta mrung o vrong rhek kat. Tvokom mar tok, to tmi kut sirei hak to le ka vle ko tok, he kaenkrovgem mar kam sim kor mnam mar mang Ngoldaip he smia serppak kam mokpom kar mekam mekam.

lRom 7:11

Ii, ta vle ti te: E Nut ten karo pos ngang ngor kmel mor ma hor mang nguaro kerkeknen ormar tok, vanang kua vok karo svil ruk ngat el rengmat kun mnam dok ngat her kle kauyang dok ormar, dok kam ring mnam dok te, dok kam sim kut kaikkiem E Nut karo pos ruk endruk kmegom kam sarim mar, yek E Nut nera mon dok la mmok ko pum kalo keik vgum kua ngaeha to tok. Vanangko, nove, ko her o pos ruk arhe ngat el dok ma hor mang kuaro kerkeknen he, E Nut nam kaikkiem mar kam monik kim a yor ngang dok vgum kuaro kerkeknen ruk endruk tok arhe.

lEpeses 4:22

Mare, ko ngat patter muk te, kmel mularo yaik ngang mula ngorsang to tesgun he ksir petgim mularo pkor ngaro svil ruk ngam kaenen muk kmeharom o kerkeknen. Ko tesgun mum kaeharom mar ktar mang ko mut lo kor mnam muk mang e Yesus he kmokpom kar vop. Ii, ngruaro pkor ngaro svil ngma kauyang ngor he kle kering ngor orom nguaro sing ruk tok.

1Tesalonika 2:11

Ii, ko muta mnor mang dok kat te, ko mi ktua vle ngang langto langto mnam muk te, a sim re pum muk, gi enang a teit ko nam smia vle ngang kles mruo tok kat.

1Tesalonika 4:18

He ekam ko ngruera vle enang tok, va mguak mo kaenkrovgem muk mruo orom o rhek ruk endri.

1Tesalonika 5:11

He ekam tok, mguak mo kaenkrovgem muk mruo he kmo kaenserpagam muk mruo kngae gi, he nang mularo papat ruk kmor mnam muk mang e Yesus kam laut kngae. Mguak kaeharom tok kngae, gi enang ko ta mien te, muma plong kaeharom tok arhe tete.

2Timoti 4:2

Ngia sim kut kaelel kuon mang in mekam mekam kam sim kut kaeha kam halger E Nut karo rhek ngang o mia. Va ngiak sisrim o mia pum ngaro papat ruk la ppiagar, va ngiaka psom mar, va ngiak kaenkrovgem mar kat. Ii, ngiak kaeharom tok, va ngiak or kam tutut kmesik orom o mia, vanang kle va kok smia patter mar.

lHibru 13:22

Koornopeik, ko kaurur kim muk kam matnge vgum kuaro rhek ruk endri ko kaenkrovgem muk ormar, ko kua hor ta ko kaittiegom ngang nguk tete, tlo vu hok e.

E Yems 1:14

Nove, parem ko, a mhel langto langto mruo karo mur svil ruk ngat kernonho ngam kaur kun mnam en mruo, yek karo svil ruk endruk ngam kaegom en kmeharom o kerkeknen. Enang tok, a mhel karo mur svil mruo ruk ngat kernonho ngma vraik orom en, kait en kmeharom o kerkeknen ruk endruk.