lHibru 2:5 - E Nut Ka Meer Mang Ka Mokpom To A Gunngar

⁵ Ii, va a ngorsang to koknaik, endo kua rere mang tete, E Nut tlo en a ngorsang to endo ngang o engyel, mar kam nho mang kat e.

lHibru 2:5 ပူးပေါင်းရင်းမြစ်များ

E Matyu 24:14

Va a knovvur to enda orom e Seten ko E Nut ka serppak tkir kim, o mia ngaka ktar khavae orom kngae mnam o mhetor tgus, nang o mia tgus kam ngnek mang na, to endo yek, a kolkha to a kser kim nera pis.”

lHibru 13:14

Ngruak kaeharom tok, ekam ko moti mo mmie, nop a rengmat tang ngang ngor ko nera plong vle ngnik ngnik e. Vanangko ngoma nho mkor E Nut, En kmen a rengmat langto ko yok ngang ngor koknaik.

2Pita 3:13

Ii, o tgoluk tgus ngar sia loloong enang tok mnam a kolkha to endo, vanangko mor ruk ngot kor mnam mor mang e Yesus he kmokpom kar ngom kle va kserppak ge mang E Nut ka tnangal to tel ngang o mia, endo E Nut kam kta kueng a mmie to a gunngar kar a volkha to a gunngar. Ii, he her ka tnangal to ngota nho mkor E Nut kmaottam arhe. Ko ko tok mnam a mmie to a gunngar tok, o mia ngar kaeharom o keknen ruk ngta sir ko pum E Nut kalo keik ko a mmie to a gunngar to endo o mia ruk endruk ngara kol te, nga rengmat ka pun to a gunngar msim.

O Ngaelmir 11:15

To ko pekam o tgoluk ruk endruk ko vokom a engyel to aktiek hori orom alomin orom ko thupum ka nglung kat. Thupum to o engyel ruk kuon ma volkha ngat kaelha kam kni klik te, “Ngoldaip to E Nut kar Endo Thim Orom Ka Msasaen ngint kir kim o vrong serppak tgus ruk mo mmie. He tete, nginalo serppak mruo tkomor mar tete kngorom kngorom.”