lHibru 11:23 - E Nut Ka Meer Mang Ka Mokpom To A Gunngar

²³ Va e Moses kteit va knan ngint kor mnam min mang E Nut he kmokpom kar kat, ko knan tkol va ngint lo gorang a pos to mkor o Isip nga taven, endo kmim o gunsvel tgus e. Ngint her kle gia tuvgom e Moses kam ngae kais mo kenho ruk korlotge. Ngint tuvgom tok, ekam ko ngat vokom e Moses te, en tlo vle enang o vrong gunsvel akuruk e. Tho mi kut vle yok gi.

lHibru 11:23 ပူးပေါင်းရင်းမြစ်များ

E Matyu 10:28

He ekam tok, mguak or kam gorang endruk ngat kais kmel muk kam ngatngae kim mularo gi pkor tuk, nang lo kais kam kering mularo nunu kopekam ko mut yor he. Vanang mguak kle va kgorang E Nut ha, ko her En arhe to tkais kam ngatngae kim mularo pkor va mularo nunu tgus kun mnam a paei to a vleir ko mGehina.

O Aposel Ngaro Reha 7:20

Ta vle tok arhe mnam o kolkhek ruk e Moses knan tkol. Knan tkol va tvokom te, tlo vle enang o gi vrong sie e. Tho mi kut vle yok gi. Ta ktar klaut ko kim kteit kar knan mruo kngae kais mnam karo kenho ruk korlotge,

lHibru 13:6

He ekam tok, ngot kais kam rere lserppak te, “Her Ngoldaip to arhe, endo kam susulgim dok. He ekam tok, ko ho lo is hak kam gorang o mia ko ngat lo is hak kam kering dok e.”