lHibru 10:28 - E Nut Ka Meer Mang Ka Mokpom To A Gunngar

²⁸ Mu vokom na, tennik ani vrong mhel to tkeyang E Nut karo pos ruk e Moses tittiegom mar he gi kaennegiang ngar kmeharom a kerkeknen tang, o mia ngama monik kim a yor ngang a mhel to endo, kmikkiem enang ko alo gi mhel alo ko alomin, i o korlotge ngapa ktar kaum kmon a mhel to endo orom ka kerkeknen to teharom. Ii, ngat lo is kam mrung e.

lHibru 10:28 ပူးပေါင်းရင်းမြစ်များ

E Matyu 18:16

Vanang enangthe na lua ngan vgum in, va ngiak vaeng kaela ngang in, i o alo ko yok kmikkiem yin kmenserpgam o rhek kmikkiem enang ko mor o Yuda ngua pos thavae tok. Ko a pos to endo thavae te, ‘O mia ruk ngak kais te, alomin i o korlotge ngak sir pekam ngaela kmenserpagam karo rhek.’

E Yoanes 8:17

Tgia nho kngae gi enang muk o Yuda mutaro mur pos mruo ko ngat mrua havae te, “Enangthe alo mhel alomin ngina kaum kre mang a tomhel to, va ngina re to endo tkaur.”

lRom 9:15

Ngot lo is kam re tok, ekam ko E Nut tsim kut kaikkiem ka papat to ther havaeng e Moses orom te, “Dok mruo ngor mrua mrung endruk dok mruo kom ktua svil kam khen mar kam mrung ngar. Ii, ngor gia khen endruk dok mruo kom ktua svil kam khenam kua mamrung ngang ngar tok.”

2Korin 13:1

Enang ko kua havae, nguak pis ngok muk va kua pis to endo nera vle te, kua pis to a korlotge orom ko nguak pis ngok kmuk ka ptang nguk orom. He kmikkiem enang tok, E Nut karo rhek ruk ngat ittiegom mar ngat havae te, “Kam srim a vnek tang, o mia ruk ngak kais te, alomin i o korlotge ngak sir pekam ngaela kmenserpagam karo rhek.”

lHibru 12:25

He ekam ko mut her mokpom kar E Nut to ta vle tok tete, va mgua smia ngangam kim muk kam lua keyang E Nut karo rhek ruk thavaeng nguk ormar. Ko enang ko E Nut tlo ennegiang mulmialaol ruk tennik ko ngat keyang karo rhek ruk tengorang ngar ormar mo mmie, va muta pat nngia, E Nut ner lo vur kaenpasiker a kapnes ngang nguk ruk mut re kmel mularo yaik ngang En ko nam kaengorang nguk orom karo rhek ruk ngat ottek kun kuon ma volkha gi?

E Yems 2:13

Mguak kle kpat mang ngar tok, ko E Nut ka papat to kam mrung o mia, ta laut kir kim ka papat to kam monik kim a kapnes ngang ngar. Vanang ani mhel to nam lua mrung o mia, E Nut ner lo kat kais kam kta mrung a mhel to endo tok kat e. Nove, ner kle va kmonik kim a kapnes ngang.