lHibru 10:25 - E Nut Ka Meer Mang Ka Mokpom To A Gunngar

²⁵ O mia akuruk mnam muk ngma kapngan kam kaum ktotu pum E Nut. Vanangko muk, mu or kam vle enang ngar. Mguak kle va kmo kaenkrovgem muk mruo kam kanko kaum mekam mekam kam totu pum E Nut. Ii, a kolkha to E Nut kam momngan kar mor ketasuo en kam pis, he ekam tok, ngruak sei kam sovet kam mo kaenkrovgem mor mruo kam kaum tok gi.

lHibru 10:25 ပူးပေါင်းရင်းမြစ်များ

E Matyu 10:15

Kua mien ha, mguak kaeharom tok arhe ko kua havaeng nguk te, ner vur kongeik ngang o kermia ruk lSodom va lGomora mnam a kolkha to ngak sir ko pum E Nut kalo keik. Vanang a rengmat to na lua ngatkal mang nguk, ner ho mi ktua kernonho ngang hak.”

E Matyu 18:20

Ii, nera vle tok arhe ko, si alomin i o gi korlotge ruk ngat kor mnam dok, enangthe ngapa kaum mang a papat tang orom kua munik va her dok to arhe ormar.”

E Yoanes 12:48

Vanangko a mhel to nma keyang dok he lua ngan vgum dok, her E Titou arhe to ner mia momngan kar a mhel to endo kun mnam a kolkha to a kser kim. Va ner kaikkiem kuaro rhek ruk ko her rere ormar kam monik kim a yor ngang.

O Aposel Ngaro Reha 16:16

To mnam a kolkha langto kat ngota kta ngae ngok ma mhe to o Yuda ngma ngarkie mnam ko tok mPilipai. Ngot kaikkiem a ngaelaut to ting kim a vlom to o mia akuruk ngalkayie. A vlom to endo a koot to a vim nma viging he nma ktar kpavap mang o tgoluk ruk ngara pagis koknaik. Va a vlom ta kalmialaol ngma kol a kre alaut vgum ko o mia ngam kaenkim kam havaeng ngar mang o tgoluk ruk ngara pagis kim mar koknaik.

O Aposel Ngaro Reha 2:1

Tie ko o Yuda ngat kaem a pnes to E Pendekos, e Yesus kalngunes ruk endruk ngata kta kaum kun mnam a rek to gi,

O Aposel Ngaro Reha 2:42

Va endruk ngata mokpom kre Yesus ngma kanko kam kaum mekam mekam kam ngan o aposel ngaro rhek, kam pamlok, kam ngarkie ngang Ngoldaip va kam kaum kmommen a bret kmem va kaiviem a ye to a vaen kam mur kael pat kmar mruo mang e Yesus ka yor.

O Aposel Ngaro Reha 20:7

Tie mavlemas ko a Sabat ther nop he, ngota kaum mang a ngaemik langto, endo kmommen a bret kmem va kaiviem a ye to a vaen kam mur kael pat kmor mang e Yesus ka yor. Ngot kaum va e Pol ta rere lhok ngang o mia ekam ko ther el mnam kam hop khalki kngae. He ekam tok, ta hoger o rhek kam ngae kol a segain ka ho ngaenvurgem hak.

lRom 12:8

Va enangthe E Nut na kut kaen a nngiar to kmenkrovgem o mia ngang a mhel langto kat, va a mhel to endo na her gi kaeharom gi enang tok kat. Va enangthe E Nut na kut kaen a nngiar to kam turang o mia orom o tgoluk ngang a mhel langto kat, va a mhel to endo kat na her gi kaeharom gi enang tok kat, he lo vua krum o tgoluk kim mar. Va enangthe E Nut na kut kaen a nngiar to kam ktong o mia kam smia mokpom kar En, va a mhel to endo na her gia tagur pum a ngaeha to endo he ka nho mang ngar gi enang tok kat. Va enangthe E Nut na kut kaen a nngiar to kam mrung o mia ngang a mhel langto kat, va a mhel to endo na her gia vle orom a sirei kam mrung ngar gi enang tok kat.

1Korin 11:20

Ii, mum mrua mommen muk mruo he kaum kaemik mnam a ngaemik to kam mur kael pat kim muk mruo mang e Yesus ka yor. Pu lmien te, muma kaum kaemik mnam Ngoldaip Ka Ngaemik to endo tok, vanangko mum lo kaikkiem e Yesus karo keknen mruo orom mula keknen to kam mrua mommen muk mruo tok e.

1Korin 14:23

To enang tok, mnam o kolkhek ruk muk ruk E Nut ka ngaomevek mguaka kaum kam totu pum E Nut, enangthe mupa rere orom re langto yok kngae, nang o mia akuruk ngap lua mmok mang E Nunu A Totur karo nngiar, i o o tamatan ngpa vle kun pgegom muk ko muta rere orom a re langto yok tok, he ngat lua ngan mularo rhek ruk endruk, va nngia? Nok ngar mia pat te, muk tgus muta veve he.

1Korin 14:3

Vanangko o propet ruk ngma rere orom E Nut karo rhek, ngma rere ngang o mia, he nang mar kmenserpagam mar, va kmenkrovgem mar kam matnge vgum o vnek.

1Korin 5:4

He enang tok, mnam a kolkha to mguak kaum kam totu pum Ngoldaip e Yesus, va mut vokom kua serppak orom kua papat to nma kolkol muk mekam mekam va mguak likim a mhel to endo orom Ngoldaip e Yesus ka serppak to nma vle kun mnam muk petgim muk, kmel a mhel to endo ko maktiegom e Seten. Mguak kaeharom tok, he nang e Seten kam rum kim ka vok kakro svil ruk ngam kaenen en kmeharom o kerkeknen, nang E Nut kam le kvaeng ka nunu kam sulgim mnam a kolkha to Ngoldaip na kat kaeknik kpis mnam.

lPilipai 4:5

Va mguak khenam mula keknen to kam smia re po mia ma mmok, o mia tgus kam vokom, ekam ko Ngoldaip nong ke laut en kmeknik he.

1Tesalonika 4:18

He ekam ko ngruera vle enang tok, va mguak mo kaenkrovgem muk mruo orom o rhek ruk endri.

1Tesalonika 5:11

He ekam tok, mguak mo kaenkrovgem muk mruo he kmo kaenserpagam muk mruo kngae gi, he nang mularo papat ruk kmor mnam muk mang e Yesus kam laut kngae. Mguak kaeharom tok kngae, gi enang ko ta mien te, muma plong kaeharom tok arhe tete.

lHibru 10:24

Va ngrua sim ktua papat mang o keknen ruk ngot kais kam mo kaeharom mar mo ngor mruo, mor kam mo kaenserpagam mor mruo kmelongtok mang o mia va mor kmeharom o reha ruk lyar ngang ngar kat.

lHibru 10:37

Ii, ketasuo muk kam mia vokom mula keik tok kmikkiem enang ko ngat ittiek te, “Endo ketasuo kam pis, ner lua hus kam pis e. Ner mia pis.

lHibru 13:22

Koornopeik, ko kaurur kim muk kam matnge vgum kuaro rhek ruk endri ko kaenkrovgem muk ormar, ko kua hor ta ko kaittiegom ngang nguk tete, tlo vu hok e.

lHibru 3:13

Vanangko, a kolkha to ngang nguk kam mo kaenkrovgem muk mruo her enda tete arhe. Ii, va mgua mo kaenkrovgem muk mruo mo kolkhek tgus tok, he nang tang mnam muk kam lo kaen ekam E Nut vgum karo kerkeknen ko karo kerkeknen ngaro serppak ngama mas orom en kmenen en kam ngam en mruo ekmar he kaen ekam E Nut tok.

E Yems 5:8

He ekam tok, muk kat, mguak or kmeloong mnam o vnek ri ngam kaelik kuon mang nguk, mar kam marer kam nop, gi enang tok kat arhe. Mgua gia matnge vgum mar he ka vle tok, ekam ko ketasuo mang Ngoldaip kam kat kaeknik kpis he.

1Pita 4:7

Vanangko ketasuo o vrong tgoluk tgus kam loloong he. He ekam tok, mgua smia papat he mrua toot mang mularo pkor, he nang muk kam mi kut kais kam smia ngarkie.

2Pita 3:11

Mare! He ekam ko o tgoluk tgus ngara loloong enang tok, va muta pat nngia, mularo keknen ngaka vle nngia tete? Ekam tok, mguak kaegom mularo serppak tgus hak kam mur kaen muk mruo ngang E Nut, kam vle ngang En mruo orom mularo keknen ruk o totur he sim ktua kolkol ekam En mruo.

2Pita 3:14

Kolenar ruk kom kaelongtok mang nguk, gi ekam ko muta nho mkor E Nut kam kta kueng a mmie to a gunngar va a volkha to a gunngar kun mnam a kolkha to endo tok, va mguak kaegom mularo serppak tgus hak kam vle orom mularo keknen ruk ngat vua mmok hak ko pum E Nut kalo keik, he nang E Nut kam lo kais hak kam mon muk orom a kerkeknen tang hak mnam a kolkha to endo gi. He enang tok, mguer kais kam vle orom a vrek longeik ko kim E Nut kun mnam a kolkha to endo.

E Yut 1:19

Va her o mia ruk endruk ngama kommen muk tete arhe ko ngam mrua ngam mar mruo ekam ngaro pkor ngaro sing ko E Nunu A Totur nam lo kael rengmat kun mnam mar e.