lEpeses 5:4 - E Nut Ka Meer Mang Ka Mokpom To A Gunngar

⁴ Va mu or kmeharom o kerkeknen ruk o mia ngma leep pum mar kat. Va mu or kmeharom a kerkeknen to kam gi vrong gu piris, va kam gia klel orom o mia kam ker mus orom mar kat. Ii, o kerkeknen ruk endruk nong E Nut karo mia mruo ngaro keknen ruk e. Vanangko mguak kle va kanprim E Nut mang o gi vrong tgoluk tgus.

lEpeses 5:4 ပူးပေါင်းရင်းမြစ်များ

E Mak 7:22

kam ring mnam mang a vlom, kmeharom o keknen ruk kam kering o mia, kam kauyang o mia, kam kpiem E Nut karo rhek hak, kam ring mnam mang o mia ngaro tgoluk, kam rere pum o mia he kering ngaro mnok, va a mhel kam mrua hover en mruo, va kam lo kor mnam en mang E Nut.

E Yoanes 6:23

To o laktok akuruk ngat ottek mTaibirias kpis kvavaar ko rkieng a mhe to Ngoldaip ta klang a mumu kmo ol ko pekam ko ta kanprim E Nut mang ngar. Ngat pis kvaar,

lRom 1:28

Va kam ngam kuon mang a papat to endo tok kat, ekam ko ngata kpiem o papat ruk mang E Nut ko ngat mnang ngar tok, E Nut ther le ka mnang ngar tok kat, he nang mar kam ngae kaikkiem ngaro lpetuk ruk ngta tok orom o papat ruk ngat ho mi kut kernonho hak. Ii, ta mnang ngar tok, mar kmeharom o kerkeknen ruk o mia ngama leep pum mar kmeharom mar.

2Korin 1:11

Kom sei kam nho mkor E Nut tok, ekam ko muma mokpom kar dok orom mularo ngarkie kam turang dok ormar. He vgum mularo ngarkie ngarlavurgem ruk endruk, o mia ngara kanprim E Nut ge orom dok ko En nera ngan vgum muk orom mularo ngarkie he kring ya mang dok to kle ka nngiar ngang dok kam pet dok petgim o gi vrong vnek ruk ngma pis kim dok enang tok.

2Korin 9:15

He mor tgus ngruak kanprim E Nut kat mang kta nngiar mruo ngang o mia tgus. Va ka nngiar to endo, a mhel tang te ho lo is hak kam smia keknen mang hak, ko te ho kut vle yok hak, va kir kim o gi vrong nngiar tgus hak.

lEpeses 4:29

Va mguak or kam kta rere ngang o mia orom o rhek ruk ngat kernonho kat. Mguak kle va krere ngang ngar orom o rhek ruk ngat kais kmenserpagam mar kmikkiem ngaro vnek ha, he nang mularo rhek ruk ngat lol ko vgum muk kmenkrovgem mar he kturang ngar enang tok.

lPilipai 4:6

Va mguak or kam vua papat mang a tomhel tang hak. Vanang mguak kle va kael mularo papat tgus ko maktiegom E Nut orom mularo ngarkie va mularo mngan, kmaurur kim mang o vrong tgoluk tgus, to le kanprim En mang ngar ko mguak ngam mar ngang.

lKolosi 3:8

Vanangko tete, mguaka ksir pum o kerkeknen tgus petgim mar ruk endri te: kmesik mail, kam hoger a vrek kiin, kam kering o mia, kam rere pum o mia kam kering ngaro mnok, va kam ker mus kat.

1Tesalonika 3:9

He ekam tok, tete, klo is hak kam kanprim E Nut kmis mang a sirei to koma kol ko kim E Nut vgum muk tok e.

1Tesalonika 5:18

va kanprim E Nut mekam mekam mang o vrong tgoluk ruk ngma kirpagis kim muk. Ii, mguaka vle orom o keknen ri, ekam ko E Nut nma svil muk kam vle orom mar tok, her vgum ko mut kor mnam muk mang e Yesus te, her en arhe Endo E Nut Thim Orom Ka Msasaen he kmokpom kar.

E Pilimon 1:8

Pilimon, muo mom kaelongtok mo kmuo, va mang E Nut karo mia kat. He ekam tok, ko gia ngam a re ngang in kmurur kmin, yin kam kol a ngaeha to ngia mi kut kaeharom he. Pu lmien te, ko mi kut kais kam sopong in orom a serppak to e Kristus tel maktiegom dok, he nang yin kmeharom a ngaeha to enda, vanangko kua kees kam sopong in tok. Ngor kle va gia ngam a re ngang in kam kok mi kut kaurur kmin kmeharom ekam ko kua svil kam khenam ma mmok ngang in te, kom kaelongtok mang in. Ii, Pilimon, dok mruo lsir he, dok e Pol, ko ngae he kngae ho ka vle mrek. Va ngat el dok kat kun ma hengor ta ekam ko kom hera havae mang e Yesus ngang o mia te, her en arhe Endo E Nut Thim Orom Ka Msasaen.

lHibru 13:15

He ekam tok, ngrua le kaen o nngiar ngang E Nut mekam mekam gi, endruk orom nguaro rhek ruk kam kanprim En ormar her vgum e Yesus ko ngoma mon ka munik ko ngot kor mnam mor mang en he kmokpom kar. Ko orom nguaro rhek ruk endruk ngoma khenam nguaro papat ruk kmor mnam mor mang e Yesus he kmokpom kar ma mmok, gi enang a ho ko nma khenam karo miel ma mmok tok kat.

2Pita 2:7

Vanang e Lot, en tuk en a mhel to nma vle mekam mekam orom karo keknen ruk ngat vua sir ko pum E Nut kalo keik kun pgegom endruk ngama kpoot mang E Nut karo pos orom ngaro kerkeknen. E Lot nma vokom mar orom ngaro kerkeknen he ka ngnek mang ngaro kerkeknen ruk kat, he ngaro kerkeknen ruk endruk ngam ho mi ktua vanker ka vrek mnam o kolkhek tgus. Mare, ko ka ngaung nam ho lo kaisis hak ekam o mia ngaro kerkeknen ruk endruk ko en a mhel to karo keknen ngam vua sir hak ko pum E Nut kalo keik. He enang tok, E Nut ta nho mang e Lot kat he kturang kam pet petgim a paei to E Nut tngampaei pmar orom.

E Yut 1:10

E Mikael tsi vle ngang e Seten tok, vanang o patter ruk la ppiagar ruk endruk ngat vaik ma mmek kun mnam muk, mar ngam kle gi vrong kolaspa kam kerrereng o engyel ko ngat lua mmok mang ngar. Vanang oni kerkeknen ruk ngat kle sim ktua mmok mang ngar vgum o kerkeknen ruk endruk, ngam kaenen mar kam tmar kim ngaro pkor ngaro sing mang ngar. Vanang her mi kut o kerkeknen ruk endruk lsir arhe E Nut nera monik kim a kapnes ngang ngar pum mar arhe, kam ho mi ktua rum kim mar ekmar tok. Ko o mia ruk endruk ngam gia vle enang o kangsop ruk ngma sovet kam gi vrong mo vret mar tok, ko nop ngaro papat ngang ngar.

E Yut 1:13

Va ngam gi vrong ngongae ngogut ngoguo ko kim o mia akuruk kam sovet kam ngam leep mang ngar orom ngaro kerkeknen he gia vle gi enang o vlung kat ko ngma ngae ngogut ngoguo he karir kael o gusgus. Va ngma vle enang o ketor ruk ngam gi vrong vuut kun kuo kia gan ngpang ngar kat. Ko her mar ruk arhe, E Nut thera ktar el nga ngaekam to kun mnam a hengor to tho mi kut slok hak ngang ngar, mar kam plong vle mnam ngnik ngnik.