lEpeses 4:7 - E Nut Ka Meer Mang Ka Mokpom To A Gunngar

⁷ Ii, mgua si vle atgiang tok, vanangko Endo E Nut Thim Orom Ka Msasaen ther kle kring ya mang langto langto mnam mor ge, kam mi kut kaen a nngiar ngang langto langto gi, mnam mor kam mi kut kaikkiem a tong to en mruo tmur kut el kmisis kim langto langto mnam mor enang tok.

lEpeses 4:7 ပူးပေါင်းရင်းမြစ်များ

E Matyu 25:15

Tel karo kirpik ruk aktiek ko maktiegom langto. Va langto yok tel alomin ko maktiegom. Va langto tel agitgiang ko maktiegom. Telik ko maktiegom langto langto tok, kmikkiem langto langto ka serppak tok ge. Telik ko maktiegom mar knop, to hera ngae ngok mnam a mhe langto ko yok.

lRom 12:3

Nang tete, kmikkiem gi enang ko E Nut tring ya mang dok he mi kut kaen ka nngiar langto ngang dok, endo kam havaeng nguk mang e Yesus, kua re kam havaeng langto langto mnam muk tgus na te: Nak or kam mrua kansgum en mruo kam mrua hover en mruo kam pat mang en mruo te, ta laut kir kim klenar akuruk. Vanangko na kle va ktar smia pat mang en kmikkiem gi enang ko E Nut ten o nngiar ngang karo mia tgus ruk ngat kor mnam mar mang e Yesus he kmokpom kar, nang nong enangthe E Nut trum mar tgus ngang en tuk e.

2Korin 6:1

Va tesgun mut her tting mang E Nut ko ther ring ya mang nguk orom e Yesus he mut kor mnam muk mang en he kta monho kar E Nut kam kta mokpom kar En kat orom e Yesus tok. He ekam ko koma kaum kaeha kar o aposel akuruk kam kol E Nut ka gu kam sir orom kmeha ngang En, ko kaurur kim muk kam lua ksir petgim E Nut kam koham E Nut ka ngaeha to kam ring ya mang nguk orom e Yesus ka yor tok.

lEpeses 3:2

Pu tok, vanangko lmien kat te, mut her kol a re mang dok he te, E Nut ten ka svil ko maktiegom dok, dok kam mi kut kaelha kmeha orom, he nang En kam ring ya mang nguk kam khenam ka svil to endo ma mmok.

lEpeses 3:8

Dok to kom pua vle te, ko ho lo eveep is hak kam vle ko ngtu hak pekam E Nut karo mia tgus, vanangko E Nut ta kle kring ya mang dok ge, kmen a ngaeha to endo ngang dok, he nang dok kam havaeng o vrong rhek mang o papat ruk mang Endo E Nut Thim Orom Ka Msasaen. O papat ruk endruk ngta vle enang a gol ka pun. Va mor gi ko mor tuk ngot lo is hak kam non ekmar kam smia mnor mang ngar kat e.

1Pita 4:10

Va langto langto mnam muk, nak kaeha orom kta nngiar mruo to tmi ktua kol vgum E Nunu A Totur kam sim kut kaeha ngang o mia kam turang ngar orom. He enangthe langto langto mnam muk na kaeha orom kta nngiar mruo to endo mekam mekam ngang o mia, gi enang ko E Nut ta svil muk kmeharom tok, yek muk tgus mguer mi ktua khenam E Nut ka keknen to kam ring ya mang o mia orom mularo vrong nngiar ngo mamten tgus ruk tok.