E Yems 3:2 - E Nut Ka Meer Mang Ka Mokpom To A Gunngar

² Ii, ko mor tgus ngom kaeharom o kerkeknen ngo matneik ruk ngoma vuut vgum mar. Vanangko enangthe a mhel tang nap smia nho mang ka gu kam ngam o rhek he lo gi vrong rere kmeharom a kerkeknen orom karo rhek, va ta khenam te, a mhel to endo karo keknen tgus ngat ngae rkieng E Nut ktakor ko en te smia mnor kam nho mang ka vok tgus tok kat. Vanangko erieto mnam muk ta vle tok?

E Yems 3:2 ပူးပေါင်းရင်းမြစ်များ

E Matyu 12:34

Muk ruk o Parisiau laro inkuol ruk muk, ko mum gia rere lya kngae kiangnes malpgem o kerkeknen ruk ngat kottep kun mnam mularo vurkul ruk ngat kernonho! Vanangko mut ho lo kais hak kam mia rere lya, ekam ko o rhek ruk muma rere ormar ngam kottek kun mnam mularo vurkul ruk ngat kernonho he ka khenam mularo kerkeknen ruk ngat ottep kun mnam muk ko tok.

E Matyu 12:37

Nera vle tok, ko langto langto mnam muk, karo rhek mruo, endruk tgi vrong ngam mar ngang klenar, ngar mur kaeknik ngang en mruo kmimim kim o rhek mang, i o karo rhek ruk tgi vrong ngam mar ngang klenar ngara kaeknik ngang en kam mrua mon en orom o kerkeknen.”

lRom 3:10

Ii, o mia tgus ngat kaum ka vle tok arhe, kmikkiem gi enang ko ngat ittiegom E Nut karo rhek te, “Nong a mhel tang hak to ta vle la mmok ko pum E Nut kalo keik e. Ho nong tang hak.

lRom 7:21

Ta vle tok, he ko kol a papat vgum tok ti te: Kom sia re kmeharom a keknen to a yar, vanangko kua vok karo svil ruk ngat kernonho ngma vat pekam dok kmenen dok mekam mekam kam kle va kaeharom a kerkeknen ge.

1Korin 9:27

Nove, kom ho mi ktua krus orom kua vok tgus he kaegom kua serppak hak, dok kam ktar havaeng o mia mang e Yesus na, yek E Nut kam lua klai kim dok mang kua keik to ngora kol koknaik.

lGalesia 3:22

Vanangko nove! Ko o pos nga ngaeha ka pun nam lua vle tok e. Ko E Nut kakro rhek ruk ngat ittiegom mar ngat havae ma mmok te, o mia ngaro kerkeknen ngma hagam mar kam vle la mmok ko pum E Nut kalo keik. Ii, ngat havaeng o mia tok, he nang mar kam kle kor mnam mar mang e Yesus Kristus he kmokpom kar, he nang E Nut kmaottam ka tnangal to endo en kam kpis lmien ormar enang tok, endo kmel mar kam kam vle la mmok ko pum kalo keik kmen a ktalhok to kam plong vle ko kim En ngnik ngnik ngang ngar her vgum ko ngat kor mnam mar mang e Yesus he kmokpom kar tok.

lGalesia 5:17

Mguak kaeharom tok, ekam ko mularo pkor ngaro svil va E Nunu A Totur karo svil ngma mo kokheng ngar kmo im mar. Ii ngma mo im mar tok kam hagam muk kmikkiem ani ngaeha to mut re kmeharom.

lKolosi 1:28

He ekam tok, koma vaik kottek kun mnam o rengmat he khavaeng o mia mang e Yesus kngae, va koma psom o vrong mia tgus mang ngaro kerkeknen he kpatter o mia tgus orom o papat tgus ruk laol mang E Nut. Ii, kom kaeha tok kngae kais ko ko kais kmel o mia tgus ko pum E Nut kalo keik ko e Kristus na her tarkanang ka ngaeha to kun mnam mar he khortgem ngaro keknen tgus, mar kmiser ktakor mruo ko ngat kor mnam mar mang he kmokpom kar.

lKolosi 4:12

Va e Epapras kat, endo nkong ko kmuk mruo kat, en e Yesus To E Nut Thim Orom Ka Msasaen kalkayie langto kat. Va en tkaen ka mamrung ngang nguk kat. En nma prongyek ka psek kam ngarkie mekam mekam mang nguk. Ii, nma ngarkie te, muk kam sir lserppak orom E Nut karo papat tgus ruk ta svil muk kmikkiem mar, he nang muk kam ho mi ktua kolkol e Yesus kmegenkar ka yet to ka sgan, nang lua lopumtang pum hak mang E Nut ka svil to mang Endo E Nut Thim Orom Ka Msasaen.

E Yems 1:26

Va ani mhel to nam mrua hover en mruo kam pat mang en mruo te, tsim kut kaikkiem E Nut karo pos, vanang kle gi vrong kaelha krere kngongae, va a mhel to endo tgi mrua kauyang en mruo tok, he tgi mur kaim en mruo pum ka ngaeha to kmegom kam sim kut kaikkiem o pos ruk endruk tok.

E Yems 1:4

Va mgua matnge vgum mar tok, he nang E Nut kam tarkanang ka ngaeha to kun mnam muk orom o vnek ruk endruk, muk kam kolkol ekam E Nut karo keknen tgus hak he ka vle te, mut her mi kut is kmegenkar ka yet to ka sgan. He enang tok, mguera vle te, mut lua tu hak mang a keknen tang ko mkor E Nut kat e.

E Yems 2:10

Ii, E Nut kakro pos ngat kais kam monik kim muk orom a kerkeknen to endo ekam ko enangthe a mhel tang nap sim kut kaikkiem E Nut kakro pos tgus, vanang aol gi vur harpeet kmeharom a keknen tang ko agitgiang tuk ko tkernonho, va tmia vle te, ther mi kpoot mang E Nut kakro pos tgus he a vnek ta vle kuon mang enang tok.

1Pita 3:10

Ii, mguaka vle tok, kmikkiem enang ko ngat ittiegom E Nut karo rhek ruk endri te, “Endo nak kael a ktalhok to kam plong vle ko kim E Nut ngnik ngnik te, ka treil va kle ka svil kat te, en kam smia vle lya ngnik ngnik, va nak kle khagam ka gu kam lua kerrere orom o rhek ruk nong lyar he lua mas orom o mia e.

1Pita 5:10

Mguak matnge vgum o vnek kam kerkolkol vgum mar tok, gi vur nong ke laut mo mmie na, yek E Nut to nma vle kia vul orom ka keknen to kam ring ya mang o mia, ner kle sim ktua kaeharom muk, muk kam vle te, muk o gunngae. Ii, ner kaeharom muk o gunngae tok, muk kam vle lserppak hak orom mularo papat ruk kmor mnam muk mang En he kmokpom kar ko ngat ngae gi ringring hak kun mnam muk. Ii, ner kaeharom tok, ko her En arhe, Endo tvaeng nguk kam kol a ktalhok to kam plong vle ko kim En ngnik ngnik kam tuur mnam kla mmok tok. Ner kaeharom muk tok kat, her gi ko mut kor mnam muk mang e Kristus he kmokpom kar he.