E Matyu 7:23 - E Nut Ka Meer Mang Ka Mokpom To A Gunngar

²³ vanangko ngora likim mar lsir pum ngaro kerok he ka klai mang ngar te, ‘Ko ngae ho lo ktua mnor mang nguk hak! He mu ehenok petgim dok, muk ruk mum kael mularo yaik ngang E Nut he kaeharom o keknen ruk ngat ho mi kut kernonho hak.’”

E Matyu 7:23 ပူးပေါင်းရင်းမြစ်များ

E Matyu 25:12

Va tkoripang ngar te, ‘Ko smia mien ngang nguk te, ko ngae ho lo ktua mnor mang nguk hak.’”

E Matyu 25:41

Na havaeng endruk ko vanam ka miktiek tok, to ner kle khortgi mang endruk ko vanam ka ksienga to kreng ngar vat te, ‘Mu ehenok ko pum kualo keik ko E Nut tkaengring nguk kam ngae ngok kia paei to a vleir, endo E Nut tmur el kmen ngang e Seten kar karo ker engyel ruk o kool.

E Luk 13:25

Mguak mur kaenenker orom muk mruo tete tok, ekam ko a rek kteit na re gi hop he gi vat a ngaegot kim muk he mguer gia sir ku mnok he kaelha kmaurur kim te, ‘O-ngortaip-o, he ngia koregot kim mor vanie.’ Vanangko en ner kle koripang nguk te, ‘He klua mnor mang nguk ri e. Va klua mnor mang nguk te, mut ottek tam kat e!’

E Luk 13:27

Va a rek kteit ner kat koripang nguk te, ‘He klua mnor mang nguk ri e. Va klua mnor mang nguk te, mut ottek tam kat e! He mu ehenok petgim dok, muk ruk mum kaeharom o kerkeknen ruk ngat ho mi kut kernonho hak.’

E Yoanes 10:14

Enang ko kua re, endo nam smia nho mang o sipsip her dok ta arhe, va kua mnor mang kuaro sipsip va mar ngata mnor mang dok kat.

2Timoti 2:19

Nginm pua kaolol orom o papat akuruk yok enang tok, vanangko E Nut tsim sirim ka ngaomevek mruo ge kuon malpgem ka pun to orom karo rhek ruk o minar. Ko tho sim kut papuntom mar hak, he nang ka ngaomevek kam sir kserppak hak kuon malpgem mar kam ngarngar mang ngar. Ko E Nut tittiegom karo rhek ri ko pum ka ngaomevek ka pun kam mon mar ngang En mruo te, “E Nut mruo ta mnor mang karo mia mruo,” va “Endruk tgus ngat mrua havae kmar mruo te, Ngaldaip to En, ngak kaitgung ngaro kerkeknen.”

O Ngaelmir 22:15

Vanang laro pendol ruk ngma paeim o tgoluk, va endruk ngma mo vret mar, va endruk o pormia, va endruk ngma totu pum o matpil, kar endruk tgus ruk ngma svil mang o kerkeknen ruk kam kauyang o mia kam mas ormar, mar ngar gia vle ku mnok.