E Matyu 7:2 - E Nut Ka Meer Mang Ka Mokpom To A Gunngar

² Ko kmikkiem enang a vnek to mut kael kam mon mulenar orom ngaro kerkeknen tok, E Nut ner sim kut koripang nguk kmikkiem a vnek to endo kais tok kat arhe.

E Matyu 7:2 ပူးပေါင်းရင်းမြစ်များ

E Matyu 6:14

Ii, mguak ngarkie gi enang tok he klol mulenar ngaro kerkeknen patgiang ngaiting enang tok to mu Teit vat tkuon ma volkha ner kle klol mutakor patgiang ngaiting gi enang tok kat.

E Mak 4:24

Tre tok, to ta trong orom karo rhek ruk endri te, “Mgua sim kor mnam muk mang kuaro rhek ruk muta ngannik ko E Nut ner kaekon kmen a mmok ngang nguk kmis mang mularo svil ruk muk mruo mut kor mnam muk mang ngar kais tok. Va ner kle ho gia kaen a mmok ngang nguk malpgem a mmok to endo gi.

2Korin 9:6

Yu, nang mang a keknen to kam nngiar, kua svil kmel pat kim muk mang a papat to mang a mhel to ta kavang ka loot. Ko enangthe nap gia kap o tgoluk lgititge kun mnam ka loot, va a mhel to endo, ner lo smia lluol e. Vanang enangthe a mhel nap kaenpasiker o tgoluk kam kakap, to endo yek ner sim ktua lluol.

E Yems 2:13

Mguak kle kpat mang ngar tok, ko E Nut ka papat to kam mrung o mia, ta laut kir kim ka papat to kam monik kim a kapnes ngang ngar. Vanang ani mhel to nam lua mrung o mia, E Nut ner lo kat kais kam kta mrung a mhel to endo tok kat e. Nove, ner kle va kmonik kim a kapnes ngang.

O Ngaelmir 18:6

To ko ngan a ktui langto kat ko thavaeng endruk ngara rum kim a rengmat to e Babilon kam reng ngar te, “Muk gi, mguak kaekon ngang a rengmat to endo kam kering hak kmikkiem gi enang ko a rengmat to endo ta kering o mia akuruk tok kat. Va mgua ho mi ktua vanker a kapnes ngang ngar hak kir kim a kapnes to ngat en ngang o vrong rhek kmoripang ngar mang ngaro kerkeknen ruk endruk. He ekam tok, mgua ho mi ktua rum E Nut ka ho ngaesik ngang a rengmat to e Babilon to endo kam vanker a kapnes kmel kuon mang ngar he ho mi ktua rum kim mar ka ngmeang hak, kmikkiem gi enang ko tkering o vrong rhek tok kat.