E Matyu 5:39 - E Nut Ka Meer Mang Ka Mokpom To A Gunngar

³⁹ Mut ngan o rhek ruk tok, vanangko dok, ko kle sim ktua talhar a re to endo ka pun ngang nguk tete kat te: Mguak or kam serppak kim o mia ruk ngata kernonho mang nguk kmoripang ngar. Ii, enangthe tang mnam mar na spom ila pis to a miktiek va ngia hortgi kael langto na spom kat.

E Matyu 5:39 ပူးပေါင်းရင်းမြစ်များ

E Matyu 5:40

Va enangthe a mhel tang na kael yin ko maktiegom endruk ngma vongnek kim o rhek, en kam kol ila yet va ngia kle mur kat kaen tang kat malpgem endo kat.

E Luk 6:7

Va o Parisiau kar o pattermia kmo pos ngat sim ktua keketar ko ngta papat kam mon e Yesus orom a kerkeknen tang enangthe naka kpoot mang a pos to ma Sabat he kaeha kmeharom a mhel to endo.

E Yoanes 18:23

Va e Yesus ta reng a pris to endo te, “Enangthe ngua re orom a re tang ko tlo vua sir, ngia ommen dok he kpolger ma mmok ngang o mia ri tgus. Vanang enangthe ngua re orom o rhek ruk o minar, kman ko yi pokpelam dok?”

1Korin 6:7

Ii, he ekam ko mum mo kael muk ruk mut kor mnam mar mang e Yesus ko kim endruk ngat lo kor mnam mar mang, mar kmikkiem o pos kam momngan kar muk ormar, va ta khenam muk ma mmok tok te, o kerkeknen ngat kir kim muk he, he vovoem muk tgus. Vanang her a keknen langto yok arhe, ta ya kmeharom, endo kam her gi kaennegiang ani vnek to hak he, ko a mhel na eharom a kerkeknen ngang nguk, i o ko nak uruvik mkor muk kat. Vanang ta kle ho mi ktua kernonho hak muk kmel muornopeik mruo ko kim o mia ruk ngat lo kor mnam mar mang e Yesus.

1Tesalonika 5:15

Va mgua vokom te, langto langto mnam muk nak or kmoripang kaela ekam ko kaela to endo na eharom a kerkeknen ngang. Vanang mguak kle va kaegom mularo serppak kam mo ya mo nguk mruo va mang o vrong mia tgus kat.

lHibru 12:4

Vanang muk, mum sia matnge vgum o mia ruk ngam kaeharom o kerkeknen ngang nguk, vanangko mut lo matnge vgum mar kmis mang o mia kmel gidiel mnam muk kngam muk o yoror vop.

1Pita 3:9

va mguak or kmekon ngang a mhel enangthe nap kaeharom a kerkeknen ngang nguk kam kat kaeharom a kerkeknen ngang. Va mguak or kmekon ngang a mhel kat enangthe napa kerrereng nguk kam kta kerrereng en kat. Nove, mguak kle va kaekon ngang en kam ngamyammok mang en ha, ekam ko her gi mang a keknen to kam ngamyammok mang o mia arhe, yek E Nut tvaeng nguk kam vle orom, he nang muk kam kaum kol a ktalhok to kam plong vle ko kim Ngor Teit ngnik ngnik ko mkor En ko nak ngamyammok mang nguk orom.