E Matyu 5:14 - E Nut Ka Meer Mang Ka Mokpom To A Gunngar

¹⁴ “Ii! Va gi enang tok kat, mguaka vle enang a paei he kpetpaei kim o mia mo mmie kat. Ii, muta pat nngia mang a rengmat to kuon kia vul ko ngta giem a paei? A paei tkais kam tvok kim o mia ngaro kerok ko ngta sir ku kvokom? O-o, nove!

E Matyu 5:14 ပူးပေါင်းရင်းမြစ်များ

E Yoanes 12:36

Ii, he ekam tok, mguak kor mnam muk mang a mmok ka pun to dok he kmokpom kar dok, gi mnam o kolkhek ruk koma mmok kim muk vop, he nang muk kam vle te, E Nut to karo keknen ruk ngta mmok kles ruk muk kat.” E Yesus ta rere tok knop, to kngae ka tvok kim mar.

E Yoanes 5:35

Ii, tesgun e Yoanes tkaenang a paei to ta vurvur he kvaller o mia ko nam kael o mia ma mmok mang dok, vanang mut gi vrua svil mang a mmok to endo he lo vua sirei mang lhok e.

E Yoanes 8:12

To e Yesus ta kta rere kar o mia he khavaeng ngar te, “Her dok ta arhe a mmok ka pun msim to kam valler o mia tgus mo mmie. Endo nak kaikkiem a mmok ka pun msim to dok, ngora ktong kam kol a ktalhok to kam plong vle ko kim E Nut ngnik ngnik. He ner ho lo kta ngae kun mnam a slommok kam yor kat e.”

2Korin 6:14

Vanangko muk ruk mut kor mnam muk mang e Yesus he kmokpom kar mguak or kam kta mokpom kar endruk ngat lo kor mnam mar mang e Yesus kam lo kta klup engnang ngar kat e. Ekam ko o mia ruk ngam kaeharom o keknen ruk ngta sir ko pum E Nut kalo keik ngat lua maenang kar endruk ngam kaeharom o kerkeknen, he nang muk kam mokpom kar mar e. Nop hak. Va endruk ngakro papat ngta mmok, mar ngat lo is kam mokpom kar endruk ngakro papat ngta slok kat e. Nove.

lPilipai 2:15

Ii, mguaka vle tok, he nang muk kam vle te, E Nut kles ruk muk orom mularo keknen ruk o momgor kun pgegom o mia ruk orom ngaro kerkeknen va ngaro papat ruk ngta slok. Ii, mguaka vle tok, he o mia nga ho lo kat kais hak kam kta mon muk orom o kerkeknen kat, ko nop o kerkeknen kun mnam muk e. He enang tok, mguera vle enang o ketor ruk kuo kia gan ko ngama mmok kun pgegom a slommok tok kat.

1Tesalonika 5:5

Nove, ko muk tgus muma vle te, E Nut to a mmok kles msim ruk muk ko mu Teit ther ngam a mmok kun mnam muk he, he muta vle enangthe a kolkha to En nma nan klik mang nguk kam valler muk. Nang mor ruk ngot kor mnam mor mang e Yesus he kmokpom kar ngot lua vle enangthe a kolkha ta slok kim mor ma segain e.

O Ngaelmir 1:20

Mare, ko tete, ye her vokom o tgoluk akuruk ngta tvok kim in tesgun ngola? Ii, ko ye her vokom dok ko ko kpom o ketor ruk aktiek hori orom alomin va o krie ruk aktiek hori orom alomin, endruk orom o mmok ruk aktiek hori orom alomin kat. Yu! Va tete ngora polger o ketor va o krie ngaro pneik ngang in ti te: O ketor ruk endruk, mar o engyel ruk ngat kol langto langto mnam kuaro ngaomevek ruk aktiek hori orom alomin ka gu. Va o krie ruk aktiek hori orom alomin, endruk orom o mmok ruk aktiek hori orom alomin, mar kuakro ngaomevek ruk aktiek hori orom alomin kat arhe.”

O Ngaelmir 2:5

Mut lua pat gi, te, tesgun muma sovet hak kmelongtok mang dok va o mia kat? Vanangko tete, mut her orim dok kar mar hak. He ekam tok, kua havaeng nguk te, mguak kaitgung a keknen to endo, to kle kaeharom o keknen ruk mum kaeharom mar ngang ngor tesgun. Va enangthe mup lo kaitgung a keknen to endo, va ngora pis ko kmuk he kol a krie to orom o mmok ruk aktiek hori orom alomin, he kpet kun pgegom muk petgim muk.